Thiampite 1:4 - Syin Chin Bible

⁴ Ama in khuital lu tungah a khut nga tu a, tuasia ama mawphel natu biakpiakna in kisaang tu hi.

Thiampite 1:4 Iomraidhean Croise

Pusuana 28:38

Mite in biakpiakna a vawt ciang khialna pawlkhat a vawt hial zong, Israel te ii kei tung hong aap biakpiakna theampo ka san natu in Aaron in tua kizepna sia a tal ah suang tu hi.

Pusuana 29:10

“Ka omna Puanbuk mai ah khuital hong paipui ta'n a, khuital lu tungah a khut a ngak natu in Aaron le a tapate son in.

Pusuana 29:15

“Tuutal khat hong paipui ta'n a, Aaron le a tapate in tuutal lu tungah a khut a ngak natu in sawl in.

Pusuana 29:19

“Ki aapna in a kizangh tuutal — tuutal dangkhat sia — la in a, Aaron le a tapate in tua sia ii lu tungah a khut a ngak natu in sawl in.

Pusuana 29:33

Amate in thiampi kikipsak na ah, mawmaisakna taw kisai in a zeksa vawtna ante ne tu uh hi. Tua ante an thiangtho ahikom thiampite bek in ne tu hi.

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Thiampite 16:21

Ama in tua keal lu tungah a khutte nii nga tu a, Israel mite siatna, mawna le leedona teng theampo pualaak in, tuabangin keal lu tungah suan siat tu hi. Tua zawkciang tua keal sia tuabang a seam tu, a kisep pa in sennealngam sungah beng tu hi.

Thiampite 16:24

Ama in mun thiangtho ah kibual tu a, ama puante silh tu hi. Tua zawkciang pusuak in ama mawna le mite mawna teng a mai natu in meihal biakpiakna pia tu hi.

Thiampite 22:21

Mi khat pawpo in kipawlkhop biakpiakna Topa tungah a piak ciang, kamciam taangtutna, ahibuale thinzaw biakpiakna a piak ciang, Topa ii saan thei tu in a mealhem ngawl nganhing hi tu hi.

Thiampite 3:13

a keal lu tungah a khut nga tu a, Puanbuk mai ah ngo tu hi. Thiampite in biaknatau pangh li ah a chi the tu a,

Thiampite 3:2

Ama in tua nganhing lu tungah a khut nga tu a, Topa ompuina Puanbuk kongbiang ah ngo tu hi. Aaron suan thiampite in biaknatau pangh li ah a chi the tu a,

Thiampite 3:8

tuu lu tungah a khut nga tu a, Puanbuk mai ah ngo tu hi. Thiampite in biaknatau pangh li ah a chi the tu a,

Thiampite 4:15

taangpi lampuite in a khui lu tungah a khutte nga in, tualai ah ngo tu uh hi.

Thiampite 4:20

Ama in mawphel biakpiakna in a kizangh khuital sia taw a vawt bangma in hi khuital zongh taw a kibangin vawt tu a, mipite ii mawna hu in hi bangin sangaw biakpiakna vawt tu hi, tuaciang amate mawna kimaisak tu hi.

Thiampite 4:24

Ama in kealtal lu tungah a khut nga tu a, meihal biakpiakna in nganhing a kingawna mun biaknatau saksang ah ngo tu hi. Hisia in mawphel biakpiakna khat ahi hi.

Thiampite 4:26

Tua zawkciang ama in kipawlkhop biakpiakna in a kingo nganhing thaute kihal bangma in, biaknatau ah a thau teng hal tu hi. Ngam uk khat ii mawmai natu in hi bangin thiampipa in sangaw biakpiakna nei tu a, ngamukpa mawna kimaisak tu hi.

Thiampite 4:29

Ama in keallu tungah a khut nga tu a, meihal biakpiak natu nganhing kingawna mun, biaknatau saksang ah ngo tu hi.

Thiampite 4:31

Tua zawkciang ama in kipawlkhop biakpiak natu in a kingo nganthaute laak bangin a thau teng la tu a, Topa a lungkimsak ngimnam ahi natu in biaknatau tungah hal tu hi. Hi bangin thiampipa in tua pa ii mawmai natu in, sangaw biakpiakna neisak tu a, a mawna kimaisak tu hi.

Thiampite 4:33

Ama in tuu lu tungah a khut nga tu a, meihal biakpiak natu in ngan kingawna mun biaknatau ii saksang ah ngo tu hi.

Thiampite 4:35

Tua zawkciang ama in kipawlkhop biakpiak natu in a kingo tuu thau laak bangin a thau teng la tu a, Topa tungah a kipia an taw biakpiaknate taw biaknatau tungah hal khawm tu hi. Hi bangin thiampipa in tua pa mawmai natu in sangaw biakpiakna nei tu a, ama mawna kimaisak tu hi.

Thiampite 4:4

Ama in Puanbuk kongbiang ah khuital paipui tu a, a lu tungah a khut nga in Topa mai ah ngo tu hi.

Thiampite 5:6

mawna daan tu in Topa tungah tuu anu khat ahibuale keal anu khat pia tu hi. Tua pa mawmai natu in thiampipa in sangaw biakpiakna neisak tu hi.

Thiampite 6:7

Tua pa mawmai natu in, thiampipa in biakpiakna piaksak tu a, ama khialna kimaisak tu hi.

Thiampite 8:14

Tua zawkciang Moses in mawphel biakpiak natu in khuital moi sia paipui a, Aaron le a tapate in khui lu tungah a khutte nga uh hi.

Thiampite 8:18

Tuasia zawkciang Moses in meihal biakpiak natu in tuutal paipui a, Aaron le a tapate in a lu tungah a khutte nga uh hi.

Thiampite 8:22

Tua zawkciang Moses in thiampite a kipsak natu in tuutal a niina sia paipui a, Aaron le a tapate in a lu tungah a khutte nga uh hi.

Thiampite 9:7

Tua ahiciang ama in Aaron tungah, “Biaknatau ah pai in na mawnate le na mite mawnate a mai natu in, mawphel biakpiakna le meihal biakpiakna pia in. Topa thupiak bangin, mite mawnate a mai natu in hi biakpiakna pia in” ci hi.

Mi Simna 15:25

Thiampipa in taangpite atu in a zeksa thiansuana vawt tu a, amate khialna kimaisak tu hi, banghang ziam cile vawt thaak khialna hi a, amate in Topa tungah an taw biakpiakna khat bangin mawphel biakpiakna hong paipui hi.

Mi Simna 15:28

Thiampipa in biaknatau ah tua pa a mawna a khialna pan thiansua natu in a zeksa thiansuana teng vawt tu a, tuaciang ama ii mawna khialna kimaisak tu hi.

Mi Simna 25:13

Kei hong demte peuma saang ngawl a, Israel te ii mawmai sakna zongh piangsak ahikom ama le a suan a paalte thiampi kiseamsak top hi,” ci hi.

Mi Simna 8:10

Israel mite in Levi te lu tungah a khut uh nga tu a,

Mi Simna 8:12

Levi te in khuital niite lu tungah a khut uh nga tu uh a; Levi te atu a zeksa thiansuana vawt natu in, khui khat mawphel biakpiakna in kipia tu a, a dang khat sia meihal biakpiakna in kipia tu hi.

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Romete 3:25

Ama ii kipumpiak biakpiak natu in hong thina taw amate upna tungtawnin, mihingte mawna kimaisakna a pian natu in, Pathian in ama hong pia hi. Pathian in thutang ahi hunlam hong lak natu in, hi bangin a vawt hi. A bosa hun sungah ama a thin uai a, mihingte mawnate hong tha thong hi; ahihang tu in ama sia, thutang ahi hunlam a kilak natu in, mihingte mawna tungtaang ah na hong seam hi. Hi bangin Pathian in ama sia thutang ahi hunlam le Jesus Christ a um peuma thutang a suasakna thu hong lak hi.

Romete 5:11

Ahihang tua teng bek hi ngawl hi; Pathian lawmte hong suaksak Topa Jesus Christ tungtawn a Pathian sepna tungah ih lungdam hi.

Philippi te 4:18

Tua ahikom hi sungah nong piaksa uh theampo kong saanna lai om a — kicing vaal hi! Epaphroditus in na letsong uh theampo hong puak ahikom, tu in ka kitaangsap theampo nei zo khi hi. Tuate in Pathian mai ah ngimnamtui piak taw kibangin a saannophuai le dik a sak biakpiakna hi.

Hebrew te 10:4

Banghang ziam cile khuitalte le kealtalte chi in mawnate a la keak thei ngei bua hi.

1 John 2:2

Tuaciang Christ mama in eite ii mawna bek hi ngawlin a kuama po ii mawna zongh maisakna a pianna pa ahi hi.