Thiampite 1:2 - Syin Chin Bible

² Israel te ii biakpiakna a nei ciang a zui tu in a nuai a ngeinate pia hi. Mihing khat pawpo in nganhing taw biakpiakna a nei ciang, a khuihon ahibuale, a tuuhon ahibuale a kealhonte sung pan khat pia tu hi.

Thiampite 1:2 Iomraidhean Croise

Pianciilna 4:3

Hun khat zawkciang Cain in a lo sung pan a piang ante hong paipui a, Topa tungah biakpiakna pia hi.

Pianciilna 4:5

ahizong ama in Cain le a biakpiakna nial hi. Cain sia a thin uuk mama a, lungkim ngawlin a mainguum hi.

1 Khangtaanghthu 16:29

Topa ii minthanna pok vun; biakpiakna khat kengin a Biakinnpi sungah pai vun. Tua Thiangtho Pa a kilangh ciangin a mai ah kun vun;

Ezra 3:5

tuaban ah amate in a piak tawntung pum bup meihal sangaw biakpiakna, Tha Thak Poai biakpiakna le a vawt ngengei Topa biak kikhopna dang teng theampo le Topa tungah amate thin zawna taw a piak biakpiaknate theampo zongh pia uh hi.

Pusuana 20:24

Lei taw kivawt biaknatau khat kei atu in vawt vun a, na tuute le na khuite taw meihal biakpiakna le kipawlkhop biakpiaknate tua biaknatau tungah pia vun. Kei nong biak natu in kong koi tuamsak mun teng ah kong pai tu a, thupha kong pia tu hi.

Mi Simna 15:3

Meihal biakpiakna, kiciamna taangtutna biakpiakna, thinzaw biakpiakna ahibuale a hun zui a na vawt biakna poaite biakpiakna ah ngaw tu in khuital khat, tuutal khat, tuu khat ahibuale keal khat Topa tungah kipia thei tu hi; hi an taw biakpiaknate ii ngimnamtui sia in Topa lungkimsak hi.

Mi Simna 5:15

Hi bang thu khat sasang a piang le, a pasal in a zi sia thiampipa kungah paipui tu hi. A pasal in biakpiak natu in a kisamh mangtaang vui kilogramme khat keng tu a, ahizong olive thau ahibuale ngimnamtui khat pawpo a tungah buak ngawl tu hi, banghang ziam cile hi biakpiakna sia a muang la pasal in thumaan thutak a heak nop manin a piak biakpiakna ahi hi.

Mark 7:11

Ahihang no ii hilna ah nu le pa hu natu in a kizangh thei na khat pawpo sia, ‘Hi sia Corban,’ hi, (Pathian atu a kipiasa hi) ci po le,

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Romete 12:6

Tua ahikom ih saan letsong tuatuamte Pathian ii hong piak thuthiamna taw kizui in ih zangh tu hi. Ih letsong sia Pathian thupuakte son natu ahile upna ih neiza ciaciang taw ih son tu hi.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.