Thiampite 1:13 - Syin Chin Bible

¹³ Ama in a sungkua le a nungpeangte nii sil tu a, thiampipa in Topa tungah biakpiaknate pia in biaknatau tungah hal tu hi. Tua an taw biakpiakna ngimnam in Topa lungkimsak hi.

Thiampite 1:13 Iomraidhean Croise

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

2 Khangtaanghthu 4:6

Amate in kuangtung sawm zongh vawtin nga sia Biakinnpi thangsang ah koi in, a saksang ah nga koi hi. Tuate sia sangaw biakpiakna in a kihal sabakte silna in zak tu ahi hi. Kuangpui sungah tui sia thiampite kisil natu hi.

Ezekiel 40:38

Suum puanung ah saksang sungnung kongpi vang taw kipee in a kipeam inndoi khat om hi. Suum sung a maingat sungtanna inndoi dong kihong a, tualai ah sangaw biakpiakna in a kihal tu nganhing luangte amate in tui taw sil uh hi.

Thiampite 1:9

Ama in a sungkua le a nungpeangte nii, sil tu a vaipuak nei thiampipa in sa teng biaknatau ah hal tu hi. Tua an taw biakpiakna ii ngimnam sia in Topa lungkimsak hi.

Thiampite 2:11

Topa a kipia antang taw biakpiaknate tol kisaw ngawl tu a; Topa tungah na piak an sungah khuaitui ahibuale tol na zangh ngei buatu hi.

Thiampite 2:2

Aaron suan thiampite kungah paipui tu hi. Thiampipa in anvui khutdim khat, sathau le ngimnamtui theampo la in, Topa tungah kipia siat zo hi ci in a kiheak thei natu in biaknatau ah hal tu hi. Tua an biakpiakna ii ngimnam in Topa lungkimsak hi.

Thiampite 3:5

Thiampite in hi teng theampo meihal biakpiaknate taw biaknatau tungah hal khawm tu hi. Hi an taw biakpiakna ii ngimnam in Topa lungkimsak hi.

Thiampite 4:31

Tua zawkciang ama in kipawlkhop biakpiak natu in a kingo nganthaute laak bangin a thau teng la tu a, Topa a lungkimsak ngimnam ahi natu in biaknatau tungah hal tu hi. Hi bangin thiampipa in tua pa ii mawmai natu in, sangaw biakpiakna neisak tu a, a mawna kimaisak tu hi.

Thiampite 6:14

A nuai a te sia antang biakpiakna ah zui tu ngeinate ahi hi. Aaron suan thiampipa in biaknatau mai Topa tungah antang biakpiakna pia tu hi.

Mi Simna 15:3

Meihal biakpiakna, kiciamna taangtutna biakpiakna, thinzaw biakpiakna ahibuale a hun zui a na vawt biakna poaite biakpiakna ah ngaw tu in khuital khat, tuutal khat, tuu khat ahibuale keal khat Topa tungah kipia thei tu hi; hi an taw biakpiaknate ii ngimnamtui sia in Topa lungkimsak hi.

Mi Simna 15:4

Meihal biakpiakna in tuu ahizong keal ahizong Topa mai ah a pia pawpo in antang biakpiakna ah nganno khat ciang olive thau litre khat taw a kihel anvui kilogramme khat, sapittui litre khat taw paipui khawm tu hi.

Mi Simna 28:11

Tha sim a ni khat ni in, Topa tungah meihal biakpiakna a nuai a bangin pia vun: khuitalno nii, tuutal khat, kum khat a pha tuutalno sali, a vekpi in a mealhem ngawl hi tu hi.

Mi Simna 28:8

Sapittui taw zingsang biakpiakna a kipiak khop bangma in, nitakin a niina tuuno sia pia vun. Tuasia zongh a ngimnam taw Topa a lungkimsak an taw biakpiakna ahi hi.

Thuhil kikna 12:27

Topa biaknatau tungah a kihaltum tu in sangaw biakpiaknate tua munah pia vun. A sa na neak tu uh sangaw biakpiakna zongh biaknatau tungah pia vun a, biaknatau tungah a chi sung vun.