Sawltakte 26:3 - Syin Chin Bible

³ a tuanin Jew te ngeinate le a thu kinial theina theampo pha takpi in tel na hikom hampha ka kisa hi. Tuaciang thinsau takin nong ngai natu in kong thuum hi.

Sawltakte 26:3 Iomraidhean Croise

Jeremiah 32:11

Lo kileina lai nii — khat sia tazeik kituum ngawl a, a dang khat sia tazeik kituumin thukimna teng kikhum hi — keima kungah a nii ma in ka la a,

Sawltakte 21:21

Amate tungah nang ii thu a kisonna panin, Gentile ngamsung teng ah a teang Jew theampo ma in, Moses Thukham a nusiat natu, nangma in hilcian a, a tate ii vunteap a at ngawl natu le, Jew ngeinate a zui ngawl natu in sawl hi, ci thu ahi hi.

Sawltakte 24:10

Ngamuk mangpa in, Paul ii pau natu in, a khut taw sawl hi. Paul in, “Hi minam tungah kum tam mama thukhenin na om kong he a, tua ahikom nangma mai ah keima le keima ka kihuk tu sia ka lungdam hi.

Sawltakte 24:4

Ahizong na hun tam lei hong laaksak nuam ngawl khi hi, tua ahitazong, koma thu tawm kong son tu sia, nong ngai natu hesuak kong ngen hi.

Sawltakte 25:26

Ahihang Kumpilianpa tungah ama thu huvau a kician lai at tu bangma ka nei bua hi. Tua ahikom noma mai hi sungah kong paipui hi — a tuanin Kumpipa Agrippa mai ah kong paipui hi! tua hile a thu a kikat zawkciangin, thu pawlkhat ka at tu om thei tu hi.

Sawltakte 26:2

“Kumpipa Agrippa awng! Jew te ii maw hong zonna theampo pan, tuni in na mai ah keima le keima ka kihun thei tu le,

Sawltakte 26:26

Kumpipa Agrippa awng! Nang tungah hang takin hong son thei khi hi; banghang ziam cile nangma in hite huvau he ni hi. A piang sa nate khat simin, ciamtee tu in kong um hi, banghang ziam cile, hi thu sia a kingsong khat ah a piangku thu hi ngawl hi.

Sawltakte 26:7

koma minam sawm le niite ii a sun a zanin Pathian ka biak uh ciang tua kamciam bangin nga tu sia ko ii lamet thu ahi hi. Vaangnei Kumpi awng, hi lametna hangin, Jew te in kei sia hong mawsak hi!

Sawltakte 28:17

Ni thum zawkciangin, Paul in tua munah a om Jew lampuite sam a, kikhopna khat vawt hi. Amate hong kikhop ciang, amate tungah, “Ka Israel mipuite awng, ih mite tungah ahizong, taanghpupite tung pan ih lua ngeina zeksate tung ahizong, langpanna bangma nei ngawl napi, Jerusalem ah kei thong hong taaksak a, Rome mite tungah hong aap uh hi.

Sawltakte 6:14

Nazareth mi Jesus in, hi Biakinnpi sutham tu a, Moses tung pan hong paisuk ih ngeina theampo hong khealsak tu hi, ci in a son laitakin za khu hi!” ci uh hi.

1 Corinth te 13:2

Pathian ii hu mop thuhil theina nei a; heakna theampo le thuku theampo telna nei a, mualte khiin zawk natu a kisamh upna teng ka nei hangin — itna ka nei buale kei sia bangma ka hi bua hi.

Thuhil kikna 17:18

Kumpi a sua ciang ama in Levi mi thiampite ii kep thubu ciil sia pan la in a kikhum kik Pathian thukhamte le hilciannate a ki at thubu khat nei tu hi.