Sawltakte 2:3 - Syin Chin Bible

³ Tuasia ciangin amate in leei taw a kibang meikuang mu uh a, tua munah a om mihing khat sim sia, tua meikuang in thutha hi.

Sawltakte 2:3 Iomraidhean Croise

Pianciilna 11:6

ama in, “Tu ciangin, hite sia a vekpi in mihing ci khat sa khat hi a, amate kam nam khat pau hi; a nasep tute a kipatna hi pheang hi. Hai ngawlin a nasep nop pawpo hong seam suak thei tu uh hi!

Psalm Late 55:9

Topa awng, ka ngalte kampau uh hi bialbualsak in. Khuapi sungah, ngoltolna le buainate ka mu hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Jeremiah 23:29

Keima thupuak sia mei taw kibang a, suangtum a bebekin a sutham thei sek taw kibang hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 3:15

Ahihang Jesus in zo kik a “Pathian ii deina theampo a kicin natu in, tu in hong seam ta'n,” ci hi. Tuaciang John zongh thukim hi.

Luke 24:32

Amate khat le khat hi bangin kici uh hi, “Lampi tungah Laithiangtho hong sonthiang laitakin ih thinsung meikuang taw hal bang hi kana ngawl ziam?” ci uh hi.

Sawltakte 1:15

Ni tawmvei zawkciangin, thu um teng kikhopna khat om a, mihing za le kul bang pha uh hi. Tuaciang Peter sia thuson tu in, ding hi.

Sawltakte 2:11

Jew le Gentile te Jew biakna a suakte, tuaciang eite pawlkhat sia Crete le Arabia pan — hi napi ih mihing sim in eima kam tek taw Pathian nasep lianpi a sepna ih za tek hi!”

Sawltakte 2:2

Thakhat thu in, van pan a nging khat hong om a, vui nasia tak a vak ngawp ciang, a luum himhum bang hi in, amate tona inn buppi sia tua a nging taw kidim hi.

Sawltakte 2:4

Amate sia Thaa Thiangtho taw kidim uh a, Thaa ii a pausak bangin, kampau dangte taw pau uh hi.

1 Corinth te 12:10

Thaa in khat tungah nalamdang lak theina vaang pia a; a dang khat tungah Pathian Thuhil theina letsong pia hi; tuaciang a dang khat tungah, letsongte sia Thaa Thiangtho pan hong pai ahile ahi ngawl khentel theinate pia lai hi. Khat tungah kam tumdang pau theina pia a, a dang khat tungah kam tumdangte pheen theina pia hi.

James 3:6

Tuaciang leei sia meikuang taw kibang hi. Ama sia khialna omna leitung hi a, ih pumpi sungah mun la in hong om a, ih pumpi bup tungtawnin thusia kizelsak hi. Hell pan a hong pai meikuang taw in nuntak sung tawntung hong hal hi.

Thupualaakna 11:3

Ka tetti te nii khau-ip puan silh in, ka paisak tu a, amate in ni 1,260 sung teng Pathian ii thu vaithak thangsak tu uh hi,” hong ci hi.

Thupualaakna 14:6

Tuaciangin leitung mihingte, minam sim, bee le phung sim, paunam sim le ngam sim te ii tungah a kip tawntung Lungdamna Thupha son tu a nei vantunglalang dang khat a saangna vui sungah a leang ka mu hi.