Sawltakte 1:2 - Syin Chin Bible

² ama vantung ah a kilaakto ni dong, huam hi. A kilaak to ma in, sawltak tu a tealte tungah Thaa Thiangtho vaang taw thupiakna nei hi.

Sawltakte 1:2 Iomraidhean Croise

Isaiah 42:1

Topa in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Isaiah 48:16

“Tu in hong pai in ka kung hong neak tavun a, ka ci bang hong za tavun. A kipatciil a kipan a langh taakin thu ka son a, ka kammalte a tawntungin ka taangtungsak zo hi,” ci hi. (Tu in Vaanglianpipa Topa in a vaangletna kei hong pia zo a, kei hong sawl zo hi.)

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Matthew 12:28

Hi ngawl hi. Doai nawkeak natu vaangletna hong pia sia Beelzebul hi ngawl a Pathian Thaa ahi hi. Tua ahikom hi thu mama in, Pathian Ngam sia note tungah hong theng zo hi,” ci in kitelsak hi.

Matthew 3:16

Jesus tui a kiphum zawk po ciang tui sung pan hong pusuak to hi. Tuaciang ama atu van kihong a, Pathian ii Thaa ngam vakhu bangin hong tuaksuk in, ama tungah hong tusuk a mu hi.

Mark 6:30

Sawltakte hong cia kik uh a, Jesus taw kisi in, amate sep teng le hilna teng ko uh hi.

Luke 24:51

Thupha a piak laitakin, ama sia amate taw kikhen a, vantung ah kila to hi.

Luke 9:51

Jesus vantung ah a kilaak tu a nai ciangin, a thin hong khensat a, Jerusalem khua sang manaw in pai hi.

John 1:16

A kidimin a om, ama ii thuthiamna sung panin, ei theampo thupha hong pia zo a, thupha khat zawkciang khat hong piak ahi hi.

John 13:1

Tu in Paisan Poai vawt tu ni khat samh lai hi. Jesus in leitung nusia in, Pa kung a pai natu hun hong thet sia he hi. ama ii neisa leitung mihingte it tawntung a, a tawp dongin it hi.

John 13:18

“Na vekpi atu ka sonna hi ngawl hi; ka teal sate keima in ka he hi. Ahihang laithiangtho sungah, ‘Kei taw ankuang uumkhawmpa in kei hong langpan hi,’ a ci sia a tun kul tu hi.

John 13:3

Jesus in Pa ii vaangletna a cingin ama tungah a piak sia he hi; ama in Pathian kung pan hong pai a, Pathian kung a zot kik tu hunlam he hi.

John 16:28

Pa kung panin kong pai takpi a, leitung ah kong pai zo hi; tu in leitung nusia in, Pa kungah ka pai tu hi,” ci hi.

John 17:13

Tu in nang kungah kong zuan a, hi bang teng leitung ah ka sonna sia in a thinsung uh ah ka lungdamna a cingin a nei thei natu ahi hi.

John 20:17

“Hong len top heak in, banghang ziam cile Pa kungah paito ngawl lai khi hi. Ahihang ka suapuipate kungah pai in va son ta'n. Ka Pa le amate ii Pa, ka Pathian le amate ii Pathian kungah heak kik tu khi hi,” Jesus in ci hi.

John 20:21

Jesus in, “Note sungah thinnopna om tahen,” “Pa ii kei hong sawl bangma in, kei in note kong sawl hi,” ci kik hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

John 6:62

“Tua le, sonteena, Mihing Tapa sia ama om maksakna munah a paito kik mu le uhte bang na ci tu uh ziam?

John 6:70

Jesus in, “No sawm le nii teng, keima kong teal hi kana ngawl nu ziam? Tua hi napi, no sungah khat sia doai ahi hi,” ci hi.

Sawltakte 1:11

amate in, “Galilee mite awng, van ento in banghangin tua munah ding top nu ziam? Hi Jesus sia note kung pan vantung ah a kilaak to na mu uh bang tatak ma in hong pai kik tu hi,” ci uh hi.

Sawltakte 1:13

Amate Jerusalem khua sungah tumin, a taam ngeina mun inn tung dawl sungah om uh hi. Amate teng sia Peter, John, James le Andrew, Philip le Thomas, Bartholomew le Matthew, Alphaeus, ii tapa James, Minam it Simon, le James ii tapa Judas ahi uh hi.

Sawltakte 1:22

Ama sia bangbang mihing hi tu ziam cile, John ii tuiphumna huvau a hil hun pan kipan Jesus van ah a kilaak to dong a kilaklaw teng, Jesus khualhawna theampo sung, ko pawl sungah hong kihel top khat ahi kul hi,” ci hi.

Sawltakte 1:9

Hi teng a ci zawkciang, amate mu tangin, van ah ama kilato a, meeikaai in lia hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Galatia te 1:1

Mihingte kung pan hi ngawl, mihingte ii piansak thu zongh hi ngawl, thina pan Jesus a tho kiksak Pa Pathian le Jesus Christ kung pan sapna a nga sawltak ahi keima Paul ii tung pan laithak ahi hi.

Ephesus te 2:20

Note zongh, sawltakte le kamsaangte ii cian phungkawng tungah a kisate na hi uh a, tua phungkawng, innking suangpi sia Christ Jesus ahi hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 9:24

Banghang ziam cile, Christ in a tatak sia ii lim ahi mihingte vawt Thiangtho Mun sungah a tum bua hi. Ama in vantung tatak ma ah tumin Pathian mai ah eite luangin, tu in a na kilak tawntung hi.

1 Peter 3:22

ama, vantung ah pai zo a, Pathian ii ziatsang ah om in, vantunglalangte, vantung thuneite le vaang neite theampo uk siat hi.

2 Peter 3:2

Taanghlai in a thiangtho kamsaangte sonnate le noma ii sawltakte tung pan na nga uh Topa le Hunpa thupiak sia na teptee tu ka dei hi.

Thupualaakna 1:1

Hi laibu sia Jesus Christ ii pualaak thute a kitepteena ahi hi. Hai ngawlin, a tung tu thute a naseamte tungah a lak thei natu in, Pathian in hi pualaakna pia hi. Christ in a naseampa John tungah a heaksak natu in, ama kungah a vantunglalang paisak a,

Thupualaakna 2:11

“Bil na nei uh le pawlpite tungah Thaa thusonnate ngai vun! “Zawna a ngate niivei thina in a susia buatu hi.

Thupualaakna 2:17

“Bil na nei uh le pawlpite tungah Thaa thusonnate ngai vun! “Zawna a nga mihingte tungah a kiseal manna an pawlkhat ka pia tu hi. Amate khat tek tungah, a saangte ngawl po kuama dang ii heak ngawl minthak a ki at suangpheak khat tek ka pia si tu hi.

Thupualaakna 2:29

““Bil na nei uh le pawlpite tungah Thaa thusonnate ngai vun!

Thupualaakna 2:7

“Bil na nei uh le pawlpite tungah Thaa thusonnate ngai vun! “Pathian ii huan sungah a po nuntakna thingkung ii nga sia, zawna a ngate ii a neak thei natu thu ka pia tu hi.

Thupualaakna 21:14

Khuapi luphungte sia phungkawng tawdap sawm le nii tungah kiciangto a, tuate ii tungah Tuuno sawltak sawm le niite min ki at hi.

Thupualaakna 3:13

“Bil na nei uh le pawlpite tungah Thaa ii thusonte ngai vun!

Thupualaakna 3:16

Ahihang sa le sa ngawl, vot le vot ngawlin a lum bek na hikom ka kam sung pan hong sia kik tu khi hi!

Thupualaakna 3:22

“Bil na nei uh le pawlpite tungah Thaa ii sonte ngai vun!”