Ruth 4:6 - Syin Chin Bible

⁶ Tua pasal pa in, “Tuabang thu ahile lo lei theina ka thuneina sia thasua tong, banghang ziam cile ka tate in tua lo lua thei ngawl tu uh hi. Nangma lei in, tuasia kei lei bua zaw tong,” ci in zo hi.

Ruth 4:6 Iomraidhean Croise

Pianciilna 38:8

Tua zawkciang Judah in Er ii suapuipa Onan tungah, “Pai in, na suapuipa zi meingong nu taw lumkhawm ta'n. Na suapuipa in suan le paal a nei thei natu in, a pasal suapui na hi bangma na vaipuak tu teng khuangkhim ta'n,” ci hi.

Thiampite 25:25

Israel te khat zawng a, a leitang zuak tu a kul le a mealheak kinaibel sia in tan kik tu hi.

Thuhil kikna 25:7

Ahizong mithi pa ii suapuipa in ama a teenpui nuam buale tua nu sia khua lampuite mai ah pai tu a, ‘Ka pasal suapuipa in a vaipuak seam ngawl hi. Ama in Israel mite sungah a suapuipa atu in suan le paal pia nuam ngawl hi,’ ci in son tu hi.

Thuhil kikna 25:8

Tuaciang khua lampuite in tua pa samin thu sonpui tu hi. Tua pa in a teenpui nuam bualai ahile,

Thuhil kikna 25:9

a suapuipa zi in khua lampuite mai, ama kungah pai in tua pa ii peangdap langkhat suutsak in, a maitang cilphii in, ‘A suapuipa atu in suan le paal a pia nuam ngawl sia tungah hi bangin kivawt hi,’ ci tu hi.

Ruth 2:20

Naomi in, “Topa in Boaz thupha pia tahen!” ci in au hi. “Topa in a kamciam sia a nungta lai te le a thisate tung dong ah kholet tawntung hi.” A kampau zom lai a, “Tua pasal sia eima mealheak kuung khat hi a, ei hong kep tu vaipuak a nei khat ahi hi,” ci hi.

Ruth 3:13

Hi sungah zankhuateakin om vet in a, zingsang ciangin tua pa in nang vaipuak hong la tu ziam, hong la ngawl tu ziam ih en tu hi. Vaipuak hong la tu ahile a dik a pha hi, hong la bua ahile a nungta Topa tungah kiciamna vawt hi tong, keima in vaipuak la tu khi hi. Tu in hi sungah zingsang ciang dong lum po in,” ci hi.

Ruth 3:9

“Nang akua ni ziam?” ci in dongh hi. “Ruth khi hi, Topa awng. Nang sia mealheak kuung khat na hi ciang kei nong et tu vaipuak nei ni hi. Nong hesuakna in hong teenpui ta'n,” ci in zo hi.