Ruth 4:13 - Syin Chin Bible

¹³ Tua ahikom Boaz in Ruth sia a zi tu in ciapui hi. Topa in Ruth thupha pia a, nau hong paai in, tapa khat hong hing hi.

Ruth 4:13 Iomraidhean Croise

Pianciilna 20:17

Abraham ii zi Sarah tungah tubang teng a pian hu in, Topa in Abimelech inn sung a om numei theampo, ta a nei thei ngawl tu in vawt hi. Tua ahiciang Abraham in Abimelech atu thu ngetsakin, Pathian in ama damsak hi. Amate in hin le toaite a nei thei natu in a zi le a sila numeite zongh damsak siat hi.

Pianciilna 25:21

Rebecca in ta nei ngawl ahikom Isaac in Topa tungah thungetsak hi. Topa in ama thungetna zo a, Rebecca naupaai hi.

Pianciilna 29:31

Rachel sangin Leah a it ngawl zawkna thu Topa in a heak ciang, Leah sia ta nei thei tu in siam a, ahizong Rachel sia ta neisak ngawl lai hi.

Pianciilna 30:2

Rachel tungah Jacob thin uuk a, “Pathian dinmun ka la thei buatu hi. Ta nei tu hong khak pa sia ama hi,” ci hi.

Pianciilna 33:5

Esau in a kiim a paam a et ciang numeite le patangte mu a, “Nang taw a om hi mihingte a kuate ziam?” ci in dongh hi. Jacob in, “Hite sia Pathian ii a phatna hangin keima hong piak ka tate hi topa awng,” ci in zo hi.

Psalm Late 113:9

Ama in tasel nupi sia a inn sungah patoai a; ama in tanu tapa piakna taw ama lungdamsak hi. Topa pok vun!

Psalm Late 127:3

Tanu tapate sia Topa hong piak letsong hi; amate sia thupha tatak khat ahi hi.

Ruth 3:11

Ruth awng tu in, na thinngim heak in. Nong nget theampo vawt tu khi hi; khua sungah a om a kuama theampo in nang sia numei pha khat na hi sia hong he hi.

Ruth 4:12

Topa ii hi nupi khangmoi tung pan hong piak tu tate sia Judah le Tamar tapa Perez bangkua bang hong hisak tahen,” ci hi.

1 Samuel 1:27

Hi patang sia ama munah ka ngen a, ka nget bangin hong pia hi.

1 Samuel 2:5

Khatvei lai in pha takin a kivaakte, tu in an thalaw bek a, ngual cial sa in om hi, ahihang a ngilkialte sia kial nawn ngawl hi. Tasel zi sia ta sali hong nei hi, ahihang ta tam mama te ii nu kungah kuama a taang nawn bua hi.