Ruth 4:11 - Syin Chin Bible

¹¹ Lampuite le a dangte in, “Hi hi, tetti te hi khu hi. Topa in na zi sia Jacob atu ta tam mama a piangsak Rachel le Leah bang hong hisak tahen. Ephrath bee le ngui sungah hau in Bethlehem khua sungah na minthang tahen.

Ruth 4:11 Iomraidhean Croise

Pianciilna 23:10

Hit te kikhoptua na khuapi kongbiang ah Ephron zongh om hi; tua mun a omte theampo ii zaakin a zona pan,

Pianciilna 24:60

Tuaciang amate in hi bangin Rebecca thupha pia uh hi: “Suapui nu, nang, a tul a thente ii nu suak ta'n! Na suan na paalte in, a ngalte ii khuapite zo tahen!”

Pianciilna 29:16

Laban in ta numei nii nei a; a unu min Leah hi in, a naunu min Rachel ahi hi.

Pianciilna 29:25

A zingsang ciang Leah a hina thu Jacob in he pheang hi. Ama in Laban kungah pai in, “Banghangin hi bang hong vawt thong ni ziam? Rachel nga nuam in hong thalaw hi ngawl khi ziam? Banghangin kei hong theam ni ziam?,” ci hi.

Pianciilna 29:32

Leah ngai in tapa khat nei hi. Ama in, “Ka thinngimna Topa in hong mu a, tu in ka pasal in hong it tu hi,” ci a, tua ahiciang a min Reuben phuak hi.

Pianciilna 35:23

Leah ii tapate sia Reuben (Jacob ii tapa lianbel), Simeon, Levi, Judah, Issachar le Zebulun ahi hi.

Pianciilna 35:24

Rachel ii a tapate sia Joseph le Benjamin ahi hi.

1 Kumpite 21:8

Tua zawkciang ama in laithak pawlkhat at in, Ahab min bul a, tazeik tuum in, Jezreel khua a uliante le lampuite thaak hi.

1 Khangtaanghthu 2:51

a tapa niina Salma in Bethlehem khua, tuaciang a tapa thumna Hareph in Bethgader khua saat tek hi.

Psalm Late 132:6

Bethlehem khua ah Thuciamna Thingkuang huvau ka za uh a, Jearim lote sungah tua thingkuang ka mu uh hi.

Paunakte 14:1

Numeite ii ciimna taw inn sung nuntakzia kipuua a, ahihang mawmawtna in tuate susia hi.

Paunakte 31:23

A pasal sia mihing tam ii heak, ngammite ii lampui khat ahi hi.

Jeremiah 32:10

Thukimna lai vawtin letmat ka thu a, thu hong heak pui tu in tetti te sam in, sumteena taw sum ka tee hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Matthew 2:6

‘Judah ngam Bethlehem khua awng Judah ngam khuapi thupite sungah, nang sia a nobel na hi bua hi, banghang ziam cile nang sung panin, ka Israel mite lam a lak tu lampuipa khat, hong piang tu hi.’ ”

Thuhil kikna 25:7

Ahizong mithi pa ii suapuipa in ama a teenpui nuam buale tua nu sia khua lampuite mai ah pai tu a, ‘Ka pasal suapuipa in a vaipuak seam ngawl hi. Ama in Israel mite sungah a suapuipa atu in suan le paal pia nuam ngawl hi,’ ci in son tu hi.

Thuhil kikna 25:9

a suapuipa zi in khua lampuite mai, ama kungah pai in tua pa ii peangdap langkhat suutsak in, a maitang cilphii in, ‘A suapuipa atu in suan le paal a pia nuam ngawl sia tungah hi bangin kivawt hi,’ ci tu hi.