Ruth 4:10 - Syin Chin Bible

¹⁰ Tua bek dom ngawlin Mahlon zi meingong nu Moab mi Ruth sia keima zi suak hi. Hi sia in mithi pa bangkua sungah a neisa teng kip tu hi, ama ii innkuan khang zongh a mite sung le a khua sungah kizom tan tu hi. No teng sia hi thu huvau in tetti hi siat nu hi,” ci hi.

Ruth 4:10 Iomraidhean Croise

Pianciilna 29:27

Nipi khat sung mopoai vawt hun ngak phot in a, tuaciang a dang kum sali sung ka na nong sepsak lai tu ahile, Rachel kong pia tu hi,” ci in zo hi.

Pianciilna 38:9

Ahizong Onan in a tate sia ama aa ahi ngawl tu he ahikom a upa zi taw a omkhop simin, a suapuipa atu ta kuama a pian ngawl natu in a bawtui lei ah taaksak hi.

Psalm Late 109:15

Amate mawna sia Topa in a tawntungin ciamtee tahen a, ahizong amate sia kimangil biing tahen.

Psalm Late 34:16

ahihang siatna a vawtte sia ama in langpan a, tua in amate a thi uh ciangin a kimakngil pal natu ahi hi.

Paunakte 18:22

Zi khat na nei ciang na pha khat mu na hi hi; tuasia in nang tungah Topa pha hi ci in hong lak hi.

Paunakte 19:14

Mihing khat in a nu le a pa tung panin inn le sumte lua thei a, ahihang Topa bek in khuangaisun thei zi khat pia thei hi.

Isaiah 48:19

Na suan na paalte senneal za in tam tu a, keima in amate a kisusia ngeingawl tu in ka vawt tu hi,” ci hi.

Hosea 12:12

Ih taanghpupi Jacob sia Mesopotamia ah tai a, zi khat a nga natu in tua munah midang khat ii na seamin a tuute cing hi.

Hosea 3:2

Tua ahikom tua nu ka lei natu in ngunn dangka sawm le nga le mangtaang kilogramme 150 ka pia hi.

Zechariah 13:2

Tua hun ciang ngamsung pan milimte min theampo ka phiat tu a, kuama in ciamtee nawn ngawl tu hi. Kamsaang ka hi a ci khat pawpo le, milim biak tu a lungngulna ka heam tu hi.

Malachi 2:14

Banghangin hong kisaang nawn ngawl ziam ci in na dongh uh hi. Tua thu in na khanmoi lai a na teenpui na zi tungah na kamciamna paltan zo na hi sia a heak hu ahi hi. Na zi sia na koppui hi a, ama tungah a thumaan pasal ka hi tu hi ci in Pathian mai ah kamciam pia napi na paltan zo hi.

Ephesus te 5:25

Pasalte awng, na zite it vun. Christ in Pawlpi it a, a nuntakna a piak bangin na zite na it vun.

Thuhil kikna 25:6

Mithi pa ii bee le ngui Israel minam sungah a bo ngawl natu in amate ii nei a tapaciil sia mithipa ii tapa in kingaisun tu hi.

Hebrew te 13:4

Nupa kiteenna sia a kuama theampo in zatak vawt tahen a, pasalte le zite sia khat le khat tungah kithumaan hamtang tahen. Pathian in a paktatte le a kipalngulte tungah thukhen tu hi.

Joshua 7:9

Canaan mite le ngam sungah om midang theampo in hi thu za tu hi. Amate in hong kiim uum tu a, kote hong that siat tu hi. Tuasia ciangin nangma min kihuk natu in bang vawt tu ni ziam?” ci hi.

Ruth 4:9

Tuasia ciang Boaz in lampuite le a om dangte mun ah, “No sia tu ni in Elimelech le a tapate Chilion le Mahlon ii neisa theampo Naomi tung pan ka leina tetti hi siat nu hi.