Ruth 3:9 - Syin Chin Bible

⁹ “Nang akua ni ziam?” ci in dongh hi. “Ruth khi hi, Topa awng. Nang sia mealheak kuung khat na hi ciang kei nong et tu vaipuak nei ni hi. Nong hesuakna in hong teenpui ta'n,” ci in zo hi.

Ruth 3:9 Iomraidhean Croise

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Luke 14:11

Banghang ziam cile ama le ama a kiliansakte kiniamsak tu a, ama le ama a kiniamkhiak te kiliansak tu hi.”

Ruth 2:20

Naomi in, “Topa in Boaz thupha pia tahen!” ci in au hi. “Topa in a kamciam sia a nungta lai te le a thisate tung dong ah kholet tawntung hi.” A kampau zom lai a, “Tua pasal sia eima mealheak kuung khat hi a, ei hong kep tu vaipuak a nei khat ahi hi,” ci hi.

Ruth 3:10

“Topa in nang thupha hong pia tahen. Na tonupi atu na sepna sa te sangin, tu in na ngamtatna taw ih bangkua sungah na thumaanna lian zaw lai hi. A hau a zawng tangval khat po zong thei na hi hang tuabangin zong ngawl ni hi.

Ruth 3:12

Kei sia na mealheak kuung khat hi a, nang tungah vaipuak kong nei na in a maan thu hi, ahihang kei sangin a kuung zaw mealheak pasal khat om hi.

Ruth 3:8

Zan lai in Boaz thakhatin hong khanglo in, kilumheak a, numei khat a khuadop ah a lum mu in lamdang sa hi.

Ruth 4:4

tuaciang hi thu na heak uh kul ka sa hi. Na dei le hi sungah a to mite mai ah lei in. Ahi hang na dei buale lei nuam bong ci in, banghang ziam cile lei thei natu thu a nei masabel sia nang hi a, tua zawkciang kei hi pheang khi hi,” ci hi. Tua pa in, “Tuasia lei tu khi hi,” ci hi.

Ruth 4:6

Tua pasal pa in, “Tuabang thu ahile lo lei theina ka thuneina sia thasua tong, banghang ziam cile ka tate in tua lo lua thei ngawl tu uh hi. Nangma lei in, tuasia kei lei bua zaw tong,” ci in zo hi.

1 Samuel 25:41

Abigail lei ah kun sukin, hi bangin ci hi, “Keima a naseamnu hi a, a naseamte ii peang a silsak tu naseam ka hi hi.”