Ruth 3:12 - Syin Chin Bible

¹² Kei sia na mealheak kuung khat hi a, nang tungah vaipuak kong nei na in a maan thu hi, ahihang kei sangin a kuung zaw mealheak pasal khat om hi.

Ruth 3:12 Iomraidhean Croise

Matthew 7:12

“Noma tungah hong kivawt le na oai uh bangin, ngual tungah na vawt vun; tuasia in Moses Thukham le kamsaangte hilnate ii a khiakna ahi hi.

1 Thessalonica te 4:6

Tua ahikom hi thu tungtaang ah, kuama in ama ii Tapidawpuipa tungah khial ngawl tu a, hamphatna in la thei ngawl tu hi. Hi thu kong son ngei zo uh a, tuabang a ngamtate Topa in daan pia tu hi, ci in nasia takin kidop natu kong son zo uh hi.

Ruth 2:20

Naomi in, “Topa in Boaz thupha pia tahen!” ci in au hi. “Topa in a kamciam sia a nungta lai te le a thisate tung dong ah kholet tawntung hi.” A kampau zom lai a, “Tua pasal sia eima mealheak kuung khat hi a, ei hong kep tu vaipuak a nei khat ahi hi,” ci hi.

Ruth 3:11

Ruth awng tu in, na thinngim heak in. Nong nget theampo vawt tu khi hi; khua sungah a om a kuama theampo in nang sia numei pha khat na hi sia hong he hi.

Ruth 3:13

Hi sungah zankhuateakin om vet in a, zingsang ciangin tua pa in nang vaipuak hong la tu ziam, hong la ngawl tu ziam ih en tu hi. Vaipuak hong la tu ahile a dik a pha hi, hong la bua ahile a nungta Topa tungah kiciamna vawt hi tong, keima in vaipuak la tu khi hi. Tu in hi sungah zingsang ciang dong lum po in,” ci hi.

Ruth 4:1

Boaz sia a khua kongpi ah pai in tua kikhopna munah to hi. Tua zawkciang Elimelech ii mealheak naihuaibel, Boaz ii son sia pa hong pai hi, Boaz in ama sam in, “Hi sungah hong pai ta'n, ka lawm pa awng, hong to ta'n,” ci hi. Tuasia ciang ama pai in to hi.

Ruth 4:4

tuaciang hi thu na heak uh kul ka sa hi. Na dei le hi sungah a to mite mai ah lei in. Ahi hang na dei buale lei nuam bong ci in, banghang ziam cile lei thei natu thu a nei masabel sia nang hi a, tua zawkciang kei hi pheang khi hi,” ci hi. Tua pa in, “Tuasia lei tu khi hi,” ci hi.