Ruth 2:4 - Syin Chin Bible

⁴ Tua zawk tawm vei ciang Bethlehem panin Boaz hong theng a, naseamte paupui in, “Topa in hong ompui tahen!” ci hi. Amate in, “Topa in thupha hong pia tahen!” ci uh hi.

Ruth 2:4 Iomraidhean Croise

Pianciilna 18:19

A tapate le a suan a paalte tungah ka thu ni a, thumaan thutang a vawt natu, thu a piak natu in ama ka teal zo hi. Tuabang a vawt uh le ka kamciamsa bangin ama ta tu ka hisak siat tu hi,” ama le ama kici hi.

Pianciilna 28:3

Minam tam te ii pa na sua natu in Vaanglianbelpa Pathian in na mopoai ah thupha hong pia hen a, ta tam mama hong pia tahen!

1 Khangtaanghthu 2:51

a tapa niina Salma in Bethlehem khua, tuaciang a tapa thumna Hareph in Bethgader khua saat tek hi.

Psalm Late 118:26

Topa min taw hong pai pa, Pathian in thupha pia tahen! Topa Biakinn panin nang thupha kong pia uh hi.

Psalm Late 134:3

Van le lei a vawt Topa in Zion panin, note thupha hong pia tahen!

Jeremiah 31:23

Vaanglianbelpa Topa Israel ii Pathian in, “Mihingte a ngam ka piak kik ciang, Judah ngamsung le a khuate sungah amate in, ‘Topa in Jerusalem mual thiangtho, ama teenna mun thiangtho sia, thupha pia tahen’ khatvei ma ci kik tu uh hi.

Mi Simna 6:24

Topa in note thupha hong pia in, hong keamcing tahen;

Luke 1:28

Vantunglalang in ama kungah pai in, “Thinnopna na nga ta in! Topa sia nang taw hong omkhawm a, nasia takin thupha hong pia hi!” ci hi.

2 Thessalonica te 3:16

Eite thinnopna ii naak ahi Topa ama mama in, a tawntung le a nanam in, thinnopna hong pia tahen. Topa in note theampo taw hong omkhawm tahen.

1 Timothy 6:2

Tapidawte nei silate in a tote simmaw heak hen, banghang ziam cile, amate in unau khat ahi uh hi. Tua hi zaw ngawlin amate in a phazaw in na sepsak tahen, banghang ziam cile, phattuamna a ngate sia amate ii a it thu umte ahi hi. Hi thute hilin na hanthawn in.

2 Timothy 4:22

Topa sia nangma ii thaa taw hong om tahen. Pathian ii thuthiamna sia note theampo taw hong om tahen.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”

Thukhente 6:12

Topa ii vantunglalang sia tua mun ama mai ah hong kilaak a, “Topa sia nang taw omkhawm hi, ngalhang, a thahat pa awng!” ci hi.

Thukhente 6:16

Topa in, “Suatak thei tu ni hi, banghang ziam cile keima in hong hu tu khi hi. Midian te sia mihing khat vawt tu bang bekin ol takin na sucip tu hi,” ci in zo hi.

Ruth 2:3

Tua ahikom Ruth pai a, naseamte ii nung pan zui in, an a kheet te la hi. Ama ii sepna lo sia Boaz ii lo na hi luilam hi.

Ruth 2:5

Boaz in, naseam uk pa munah “Zia sungah numei khangmoi sia akua ziam?” ci in dongh hi.

Ruth 4:11

Lampuite le a dangte in, “Hi hi, tetti te hi khu hi. Topa in na zi sia Jacob atu ta tam mama a piangsak Rachel le Leah bang hong hisak tahen. Ephrath bee le ngui sungah hau in Bethlehem khua sungah na minthang tahen.

1 Samuel 17:37

Topa in tawpi le vompuite panin hong hut sa khi hi; ama in hi Philistine pa khut sung pan hong hun tu hi,” ci hi. Saul in, “Pha hi, va pai ta'n a, Topa nang taw hong omkhawm tahen,” ci hi.