Ruth 2:20 - Syin Chin Bible

²⁰ Naomi in, “Topa in Boaz thupha pia tahen!” ci in au hi. “Topa in a kamciam sia a nungta lai te le a thisate tung dong ah kholet tawntung hi.” A kampau zom lai a, “Tua pasal sia eima mealheak kuung khat hi a, ei hong kep tu vaipuak a nei khat ahi hi,” ci hi.

Ruth 2:20 Iomraidhean Croise

2 Samuel 2:5

tualai ah mihing pawlkhat paisak a, kam vaitha hi: “Na kumpipa tungah a luang na vuina taw thumaanna na lak uh a, na lak uh hu in Topa in thupha hong pia tahen.

2 Samuel 9:1

Ni khat ni in David in, “Saul ii bangkua sung pan a nungta lai om ziam? Tuabang a om le Jonathan hu in dikna lak nuam khi hi,” ci hi.

Job 19:25

Ahizong vantung ah a om khat om a, a khakbel ciang kei hong hung tu in ama hong pai tu sia ka he hi.

Paunakte 17:17

Ngualtamhte in a ki itna kilak tawntung uh hi. Ngimna thuak khawm tek tu ih hi buale unau khat ih hi man bang om ziam?

Thiampite 25:25

Israel te khat zawng a, a leitang zuak tu a kul le a mealheak kinaibel sia in tan kik tu hi.

Philippi te 4:10

Topa taw kipumkhat a ka nuntak sungah a khuangei hun khat zawkciangin khatvei ma nong thin nopmawkna uh nong lak thei lai natu in, hunpha nga kik na hi uh ciangin ka lungdamna lian hi. Hong kin ngawl nu hi kong ci bua hi — nong thin nopmawkna uh nong lak tu hun om ngawl hi bek hi.

Ruth 2:21

Tuasia ciang Ruth in, “A phabel hile, ama in an laak man dong a naseamte taw ansangh tawmin hong sawl sia ahi hi,” ci hi.

Ruth 3:12

Kei sia na mealheak kuung khat hi a, nang tungah vaipuak kong nei na in a maan thu hi, ahihang kei sangin a kuung zaw mealheak pasal khat om hi.

Ruth 4:14

Numei te in Naomi tung ah, “Topa pok in! Ama in nang hong en kik tu tupa khat tuni hong pia hi. Hi patang sia Israel ah minthang tahen!

Ruth 4:4

tuaciang hi thu na heak uh kul ka sa hi. Na dei le hi sungah a to mite mai ah lei in. Ahi hang na dei buale lei nuam bong ci in, banghang ziam cile lei thei natu thu a nei masabel sia nang hi a, tua zawkciang kei hi pheang khi hi,” ci hi. Tua pa in, “Tuasia lei tu khi hi,” ci hi.

Ruth 4:6

Tua pasal pa in, “Tuabang thu ahile lo lei theina ka thuneina sia thasua tong, banghang ziam cile ka tate in tua lo lua thei ngawl tu uh hi. Nangma lei in, tuasia kei lei bua zaw tong,” ci in zo hi.