Ruth 2:13 - Syin Chin Bible

¹³ Ruth in, “Topa awng, nang kei tungah hong dik mama ni hi; Kei na naseamte khat taw zong kikim zo ngawl kasap kamthiam taw nong paupui ciang ka om nuam zaw paih hi,” ci in zo hi.

Ruth 2:13 Iomraidhean Croise

Pianciilna 32:6

Kamtaite Jacob kungah hong heak kik ciang amate in, “Na suapuipa Esau kungah ka pai uh a, nangma muak tu in ama hong pai zo hi. Ama in mihing zali nei hi,” ci hi.

Pianciilna 33:10

Jacob in, “Hi ngawl hi, hesuakna taw, na maipha a nga ka hile ka letsong hong saang ta'n. Tu in kei hong pawlvawt mama zo na hikom na maitang kong mu sia, Pathian maitang mu bang ka hi hi.

Pianciilna 33:15

Esau in, “Tua ahile ka mite pawlkhat nang taw ton tu in hong nusiat tong,” ci hi. Ahizong Jacob in, “Tuabang kisamh bo, na maipha ka nga tu uuk bek khi hi,” ci in zo hi.

Pianciilna 33:8

Esau in, “Ka kisik puisa pawldang sia bangbangziam? Bang cinopna ahi ziam?” ci in dongh hi. Jacob in, “Tuate sia na mai kong etna hi,” ci in zo hi.

Pianciilna 34:3

Ama in tua numei sia deihuai mama sa a, it ahikom tua nu ii a it natu in zongh hanciam hi.

Pianciilna 43:14

Ama in na suapuipa le Benjamin sia no hong piak kik natu in Vaanglianbelpa Pathian in tuasia pa, no tungah hesuakna thin neisak tahen. Kei, ka tate a khuai siat tu ka hile zong thuak ka heu tong,” ci hi.

2 Samuel 16:4

Kumpipa in Ziba munah, “Mephibosheth ii neisa theampo nangma tang tu ni hi,” ci hi. Ziba in “Kei na naseampa khi hi. Kumpipa nang hong lungkimsak tawntung tu pa hong suaksak ta'n,” ci in zo kik hi.

Paunakte 15:33

Topa thasiana in pilna heakna khat ahi hi. Patoaina na saan thei ma in na kiniamkhiak masak kul tu hi.

Hosea 2:16

Tuasia ciang kei sia khatvei ka pasal hong ci kik tu a — ama ii Baal hong ci nawn ngawl tu hi.

Philippi te 2:3

Kaangsung atu tupna bek taw ahizong, kisak thei nopna lel taw ahizong bangma seam heak vun, tua hi ngawlzaw in, khat le khat ii tungah kiniamkhiakin noma sangin ngualdangte a phazaw in ngaisun tawntung zaw vun.

Thukhente 19:3

Tuasia ciang pasal pa in ama sam kik a, heak pui kik tu in zol sawm hi. Ama in a naseampa le laa nii keng hi. Tua nu in Levi pa inn sungah tumpui a, a pa in a mu ciang pha takin zindo hi.

Ruth 2:12

Na sepsa na vawtsa tungtaang Topa in thaman hong pia tahen. Ama ii hong pao hong dal tu in Israel te Topa Pathian na belh hu in ama in thaman kicing hong pia tahen!” ci in zo hi.

Ruth 2:14

Anneak hun ciang Boaz in Ruth mun ah, “Hong pai ta'n a, anluum bek khat la in meetui sungah pap in,” ci hi. Tua ahikom ama naseamte taw hong tokhawm a, tuaciang Boaz in an em pawlkhat pia hi. Ama in a kham dong a neak zawkciang a neak vaal pawlkhat nei lai hi.

1 Samuel 1:18

“A tawntungin cikna thiamna taw kei hong phawk ta'n,” ama in ci hi. Tuasia zawkciang an tawm ne in paikhia a, a khuangai nawn bua hi.

1 Samuel 25:41

Abigail lei ah kun sukin, hi bangin ci hi, “Keima a naseamnu hi a, a naseamte ii peang a silsak tu naseam ka hi hi.”