Ruth 2:10 - Syin Chin Bible

¹⁰ Ruth in a maitang lei pha dong kunsuk a Boaz tungah, “Nang a banghang kei huvau hong thinnuammaw mama ni ziam? Banghangin ngamdangmi khat tungah hong dik mama ni ziam?” ci hi.

Ruth 2:10 Iomraidhean Croise

Pianciilna 18:2

ama khua a etto le tuak san ah mihing thum a ding mu hi. Ama in amate a mu po ciang kimu tu in tai hi. A maitang lei a phak dong kunsuk in,

2 Samuel 19:28

Ka pa ii innkuanpuite theampo kumpipa ii na thisak sia ahi tu ma hi, ahihang nangma in na sabuai ah an ka neak thei natu thu hong pia ni hi. Kumpipa tung pan hamphatna dang kong nget thuathua lai natu thu om ngawl hi,” ci in zo hi.

2 Samuel 7:18

Tua zawkciang David kumpipa sia Topa ompuina Puanbuk sung zuan a, to in hi bangin thungen hi: “Vaanglianpipa Topa awng, kei tung ahizong ka innkuanpuite tung ahizong nong septe ka kiphu ka kilawmna uh om ngawl hi.

2 Samuel 9:8

Mephibosheth kun kik a, “Kei sia ui thisa khat bang bek hi khi hi, topa awng! Banghangin kei tungah tuaza in hong dik tu ni ziam?” ci hi.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Matthew 25:35

Ka ngilkial laitakin an nong vaak uh hi, ka dangko laitakin tui nong pia uh hi; zin in ka vak laitakin na inn uh ah zin nong do uh a,

Luke 1:43

Ka Topa ii nu takpi kei kung a hong haw natu dongin, banghangin hi bangza a thupi thu hong piang ziam?

Luke 1:48

Banghang ziam cile ama in kei a kithusim ngawl a naseamnu hong phawk hi. Tu a kipan mihingte in, thupha saang nu hi hong ci tu hi.

Romete 12:10

Khat le khat Tapidaw unau khat bangin ki it in, khat le khat kizatak vawt vun.

Ruth 2:11

Boaz in, “Na pasal thi pan kipan na tonupi atu na sep na vawt theampo hong za siat khi hi. Na pa na nu le na ngam nusia in, na heak ngeingawl mite kawm ah teang tu in hong pai na hi sia ka he hi.

Ruth 2:13

Ruth in, “Topa awng, nang kei tungah hong dik mama ni hi; Kei na naseamte khat taw zong kikim zo ngawl kasap kamthiam taw nong paupui ciang ka om nuam zaw paih hi,” ci in zo hi.

Ruth 2:19

Naomi in ama munah, “Hiteng theampo koisung pan kaikhawm ni ziam? Akua lo sungah naseam ni ziam? Nang hong kin pa tungah Topa in thupha pia tahen!” ci hi. Tua ahikom Ruth in Naomi munah ama sia Boaz a kici pasal khat ii lo sungah na a sep son hi.

Ruth 2:2

Ni khat ni in, Ruth in Naomi munah “Lo sungah hong paisak ta'n a, naseamte kheet ansangh te va khon tong. Na hong seamsak tu mihing khat peuma mu nanak tu khi hi,” ci hi. Naomi in, “Ka tanu awng, va pai ta'n,” ci in zo hi.

Ruth 2:9

amate koisungah la ci in en in, amate taw kithua in. Nang hong vawtsiat ngawl natu in ka mite thupia zo khi hi. Na dangko simin amate dipsa tuibealte sung pan tui dawn in,” ci hi.

1 Samuel 25:23

Abigail in David a mu ciang manlang takin a laa tung pan tuakin,