Ruth 1:6 - Syin Chin Bible

⁶ Tua zawk tawmvei ciangin, Topa in ama ii mite sia thupha pia a, an tam mama la hi ci in Naomi in za hi; tua ahikom a mote nii taw Moab ngam nusia tu in kithoai hi.

Ruth 1:6 Iomraidhean Croise

Pianciilna 21:1

A kamciamsa bangin Topa in Sarah thupha pia hi,

Pianciilna 28:20

Tua zawkciang Jacob in Pathian tungah kiciamna khat vawt a: “Nangma in kei taw nong om a, ka khualhawna ah hong dalin, an le puan nong pia a,

Pianciilna 48:15

Tua zawkciang ama in Joseph thupha pia hi; “Ka pate ahi Abraham le Isaac te ii a na a sepsak Pathian in hi panote thupha pia tahen! Tuni dongin keima lam hong pui Pathian in amate thupha pia tahen!

Pianciilna 50:25

Tua zawkciang Joseph in a mite kiciamna khat vawt tu in sawl hi. Ama in, “Pathian in tua ngam ah hong paipui ciangin noma taw ka luang paipui tu khu hi ci in hong kamciam tavun,” ci hi.

Psalm Late 102:14

Tua khua sia kisusia zo hi napi na naseamte in it hi, tuasia zaancip zo ahitazong amate in khuangaihuai sa hi.

Psalm Late 111:5

Ama a zaktate atu in ama in an pia hi; ama ii thuciam a mangil ngei bua hi.

Psalm Late 132:15

Zion tungah ama kisap theampo kicing takin ka pia tu hi; a mizawngte an pia in ka lungkimsak tu hi.

Psalm Late 145:15

Nuntakna a nei theampo in lametna taw nang hong mitsuan a, amate kisap ciangin an na pia hi.

Psalm Late 146:7

Zawthawk a thuakte sangah pangin thukhen a, a ngilkialte an pia hi. Topa in thongtaakte suaktasak hi,

Psalm Late 147:14

Na ngamngi uhte bitsak a, zungtaang phabelte taw hong lungkimsak hi.

Pusuana 3:16

Pai in a, Israel lampuite kaikhawmin, Keima Topa a taanghpupite ii Pathian, Abraham, Isaac le Jacob te ii Pathian in note mai ah hong kilangh ka hi sia amate tungah son in. Amate kungah ka pai zo a, Egypt te ii amate tungah a vawtna teng ka mu hunlam amate son in.

Pusuana 4:31

Amate in um uh hi. Amate kungah Topa pai in kivawtsiatna a thuaknate Topa ii a mu sakna thu teng a zaak uh ciang amate kunin Topa bia uh hi.

Paunakte 30:8

leilot ngawl natu in hong keamcing ta'n, tuaciang hau le hong hausak heak in a, zawng le hong zawngsak heak in. Tua ahikom an ka taangsap za bek hong pia ka po in.

Isaiah 55:10

“Ka kammal sia leitung tuibuak tu in van pan hong taaksuk vuuk le nguatui taw kibang hi. Tuate in ankungte khangtosakin ciin tu anciite le neak tu an piangsak hi.

Jeremiah 29:10

“Topa in, ‘Babylon ah na om zawk uh kum sawmsali a cin ciang no kong thin nopmawkna kong lak tu a, na khua na tui uh ah na cia kik natu uh in ka kamciam ka len tu hi.

Joel 2:19

Ama in amate tungah hi bang in zo hi: “Tu in an, sapittui le olive thau kong pia tu a, na lung uh kim tu hi. Minam dangte in no hong zawngsak nawn ngawl tu hi.

Zephaniah 2:7

Judah mi a nungta laiteng in na leitang uh la tu hi. Amate in a ngan honte thana in nei tu a, Ashkelon innte ah ngiak tu uh hi. Topa a Pathian in amate taw omkhawm tu a, amate nuamsasak kik tu hi.

Matthew 6:11

Tu ni in ka khamkhop tu an hong pia ta in.

Luke 1:68

“Israel te ii Pathian Topa pok tek tawng! Ama in a mite hun tu in hong pai a, suaktasak hi.

Luke 19:44

Amate in na khuapi lalthamsak tu a, na tate uh taw hong moncip siat tu hi; suangtum khat beak zongh a omna ngei ah hong om nawn buatu hi, banghang ziam cile Pathian in no hong ngum tu in hong pai hunlam na phawk bua uh hi,” ci in kaamal lo hi.

1 Timothy 6:8

Tua ahiciang eite in anneak le puansilh ih nei le, eite atu in a kicing hi tu hi.

1 Peter 2:12

Pathian he ngawlte kawm ah na ngamtatna uh a phat mama hu in amate ii mihing tatsiate ci a hong zungkaw ciangin, na ngamtatna phate hong mu tu a, ama hong pai Ni ciangin, Pathian pok tu uh hi.

Ruth 1:5

Mahlon le Chilion zongh thi uh hi, tuaciang Naomi sia pasal ngawl ta ngawl taw taang hi.

Ruth 1:7

Judah ngam zuan kik tu in amate kipan khawm tek hi, ahihang lam a pai kawmin

1 Samuel 2:21

Topa in Hannah sia thupha pia takpi a, tapa thum le tanu nii nei thua hi. Patang Samuel sia Topa na a sepna sungah khangto hi.