Ruth 1:16 - Syin Chin Bible

¹⁶ Ahihang Ruth in, “Nang hong nusiasak heak in. Nangma taw hong paikhawmsak po ta'n. Na paina theampo ah ka pai tu a; na teenna po ah ka teang tu hi. Na mite sia keima mite hi tu a, na Pathian sia ka Pathian hi tu hi.

Ruth 1:16 Iomraidhean Croise

2 Samuel 15:21

Ahihang Ittai in, “Kumpipa awng, Topa min taw kiciam khi hi, thi tu keak a kul zong na paina po ah pai tawntung tu khi hi,” ci in zo hi.

Psalm Late 45:10

Kumpipa zi tu monu awng, kong thuson sia ngai in, na mite le na beete mangil in.

Paunakte 17:17

Ngualtamhte in a ki itna kilak tawntung uh hi. Ngimna thuak khawm tek tu ih hi buale unau khat ih hi man bang om ziam?

Isaiah 14:1

Topa in ama ii mihing Israel te khatvei ma hesuak kik leleau tu a, ama aituam mi in teal tu hi. Topa in amate a leitang tungah teangsak kik tu a, ngamdangmite pai in tua munah amate taw teang khawm tu uh hi.

Daniel 2:47

Kumpipa in, “Na Pathian sia pathian theampo sung pan a lianbel, kumpite tungah Topa hi a, thu telhakte a pualaak pa ahi hi. Hi thu ka he hi, banghang ziam cile nangma in hi thu telhak sia na pualaak thei hang hi” ci hi.

Daniel 3:29

“Tuaciang tu in minam, minam khen ahibuale paunam khat po sung pan a kuama po in Shadrach, Meshach le Abednego ii Pathian sonsiatna kampau a om le a khut a peang kisemtham tu a, a inn sia niinthuk kisuaksak tu hi, ci in thu ka pia hi. Hi bangin a suatak thei pathian dang om ngawl hi,” ci hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Hosea 13:4

Topa in, “Keima in Topa noma ii Pathian, Egypt pan hong pui pa khi hi. Kei simngawl Pathian dang nei ngawl nu hi. Keima bekma na ngumpa ka hi hi.

Zechariah 8:23

Tua hun ciang, ngamdangmi sawm in Judah mi khat kungah hong pai tu a, ‘Note taw Pathian om hi ci in za ka hi uh ciang note taw a sia a pha kumkhawm nuam khu hi, ci tu uh hi,’ ” ci hi.

Matthew 8:19

Thukhamhil sya khat in, “Sya awng, na paina po ah paikhawm tu in, ka kinging hi,” ci hi.

John 13:37

Peter in, “Topa awng, banghangin, tu laitak nang hong zui thei ngawl tu khi ziam? Nang atu thi tu in ka kinging hi!” ci hi.

Sawltakte 21:13

Ahihang Paul in, “Bang son nu ziam? Hi bangin kapin ka thin hong tamhsak nu ziam? Jerusalem ah khau kikhii bek dom ngawlin, Topa Jesus hangin, tua munah a thi tu ngawngawn zong kingingta zo khi hi,” ci in zo kik hi.

1 Thessalonica te 1:9

Tua mihing theampo in kong haw uh lai a, nong saan zia uh, milim biakna pan Pathian sangah na kikhealna uhte son tek a, a maan le a nungta Pathian atu sepsak tu le,

Joshua 24:18

Hi ngam sungah maisang nawk in ih pai ciang hi munah a teang Amor te a vekpi in Topa in hong nawkeaksak hi. Tua ahikom ko zongh Topa na seam tu khu hi; ama ih Pathian hi,” ci in zo kik hi.

Thupualaakna 14:4

Amate in numeite taw omkhopna a nei ngeingawl tangval thiangthote ahi uh hi. Amate in Tuuno paina theampo zui uh hi. Amate sia a taang lai mihing nam sung panin a kitan sate hi a, Pathian le Tuuno tungah a kipia masa phitte ahi uh hi.

Ruth 1:15

Tua ahikom Naomi in ama tungah, “Ruth awng, na unu sia a mite le a pathian kung zuan kik zo hi. Ama taw cia khawm ta'n,” ci hi.

Ruth 1:17

Na thina po ah ka thi tu a, tua mun sia hong kiphumna mun hi tu hi. Thina ngawl buang, kei sia nang taw ka kikhen ta le Topa in daan nasiabel kei tungah hong tungsak tahen,” ci in zo hi.

Ruth 2:6

Tua pa in, “Ama sia Moab pan Naomi ii hong ciapui numei sia hi.

Ruth 4:15

Na monu in nang hong it hi, tuaciang ama in tapa sali sang zongin nang atu tam hong sepsak zo zaw hi. Tuaciang tu in ama in tupa khat hong pia a, tua pa in nang atu nuntakna thak le na huai ciang ngam muanna hong pia tu hi,” ci uh hi.