Ruth 1:14 - Syin Chin Bible

¹⁴ Amate kap tu in hong kipan leleau hi. Tua zawkciang Orpah in a to nupi a vaithakna in namh a, tuaciang cia hi. Ahihang Ruth in a thasua nuam bua hi.

Ruth 1:14 Iomraidhean Croise

Pianciilna 31:28

Ka tute le ka tanute mangpha thaakin, nong namhsak beak bua hi. Tua in a mawmawthuai ngamtatna ahi hi!

Pianciilna 31:55

A zing ciang zingtuung in, Laban in a tute le a tanumeite namhin mangpha thaak a, tuaciang nusia in a inn ah cia hi.

2 Samuel 19:39

Tua zawkciang David le a mite theampo in Jordan ngun kan uh hi. Ama in Barzillai namh in, thupha pia a, tuaciang inn ah Barzillai cia kik hi.

1 Kumpite 19:20

Tuasia ciang Elisha in a khuitalte nusia in Elijah del a, “Ka pa le ka nu ka vaithakna in va namh phot tong, tua zawkciang nangma taw tonkhawm tu khi hi,” ci hi. Elijah in, “Pha hi, cia kik ta'n. Hong khaam ngawl khi hi,” ci in zo hi.

Paunakte 17:17

Ngualtamhte in a ki itna kilak tawntung uh hi. Ngimna thuak khawm tek tu ih hi buale unau khat ih hi man bang om ziam?

Paunakte 18:24

Kingualtamhna pawlkhat sia kho ngawl hi, ahihang ngualtamh pawlkhatte ahile suapui laipeete sangin thumaan zaw hi.

Isaiah 14:1

Topa in ama ii mihing Israel te khatvei ma hesuak kik leleau tu a, ama aituam mi in teal tu hi. Topa in amate a leitang tungah teangsak kik tu a, ngamdangmite pai in tua munah amate taw teang khawm tu uh hi.

Zechariah 8:23

Tua hun ciang, ngamdangmi sawm in Judah mi khat kungah hong pai tu a, ‘Note taw Pathian om hi ci in za ka hi uh ciang note taw a sia a pha kumkhawm nuam khu hi, ci tu uh hi,’ ” ci hi.

Matthew 10:37

“Kei sangin a nu a pa a itzaw sia kei nungzui tu in kiphu ngawl hi; kei sangin a tapa ahibuale a tanu a it zaw te kei nungzui tu in kiphu ngawl hi;

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

Matthew 19:22

Khangnopa in hi thu teng a zaak ciangin khuangai in paisan hi, banghang ziam cile ama hau mama hi.

Sawltakte 17:34

Pasal pawlkhat in ama pawmin thu um uh hi, tuate sungah council mi ahi Dionysius om a; Damaris a kici numei khat le a dang pawlkhat zongh kihel hi.

Thuhil kikna 10:20

Topa na Pathian ii thu ni in ama bek bia vun. Ama tungah thumaan in ama min bek suangin na kamciamna te vawt vun.

Thuhil kikna 4:4

ahizong Topa na Pathian tungah a thumaan note tuni dongin nungta lai nu hi.

2 Timothy 4:10

Demas in hi leitung it zaw a, kei hong taisan zo hi. Thessalonica hong zot san hi. Crescens sia Galatia zuan hi, tuaciang Titus sia Dalmatia zuan hi.

Hebrew te 10:39

Eite in heak kik a, a mangthangte ih hi bua hi. Ei sia upna nei in a kingumte ih hizaw hi.

Ruth 1:13

a khan ngak zo tu nu ziam? Hi bang taw ngualdang na teenpui tu uh kikhaksak nuam nu ziam? Hi ngawl hi, ka tanute awng, tuabang suak thei ngawl hi ci sia he nu hi. Topa in kei hong nungngat zo hi, tuaciang no atu in khuangai mama khi hi,” ci hi.

Ruth 1:15

Tua ahikom Naomi in ama tungah, “Ruth awng, na unu sia a mite le a pathian kung zuan kik zo hi. Ama taw cia khawm ta'n,” ci hi.

Ruth 1:7

Judah ngam zuan kik tu in amate kipan khawm tek hi, ahihang lam a pai kawmin

Ruth 2:11

Boaz in, “Na pasal thi pan kipan na tonupi atu na sep na vawt theampo hong za siat khi hi. Na pa na nu le na ngam nusia in, na heak ngeingawl mite kawm ah teang tu in hong pai na hi sia ka he hi.