Pusuana 9:6 - Syin Chin Bible

⁶ A sonsa bangin a zing ciangin Topa in naseam a. Egypt te nganno theampo thi siat hi, ahizong, Israel te nganno khat zongh thi ngawl hi.

Pusuana 9:6 Iomraidhean Croise

Psalm Late 78:48

Ama in a ngante ngial taw, a tuu a keal honte keaktang taw in thatlum hi.

Psalm Late 78:50

Ama in a thin uukna iip ngawlin amate nuntakna uh khoaikhetsak ngawlin, pul natna taw amate thatlum hi.

Pusuana 12:12

“Tua zanin Egypt ngamsung tengah ka pai tu a, mihing le nganhing te ii tapaciil teng thatin, Egypt pathian theampo daan ka pia tu hi. Keima in Topa ka hi hi.

Pusuana 12:29

Zankim laitak Topa in Egypt ngamsung tapaciil theampo, kumpi tokhum a lua tu kumpipa tapa pan kipan leinuai khuazing sung thongtaakte ii tapate dongin that siat a; nganno suakciil theampo zongh that hi.

Pusuana 8:22

Ahizong ka mite teenna Goshen ngam sia tho om ngawl tu in ka khe tu hi. Keima Topa in hi ngam le lei ah naseam hi ci in nong heak natu in hi bangin ka vawt tu hi.

Pusuana 9:25

Egypt ngamsung theampo doipua sangah a om mihingte theampo le nganhingte theampo ngial in deangcip hi. Lo sung ankung theampo puksakin, thingkung theampo talsak siat hi.

Pusuana 9:26

Israel te teenna Goshen ngam bekma ngial kia ngawl hi.

Pusuana 9:4

Israel ngannote le Egypt ngannote kilaklaw ah kilamdanna khat ka vawt tu a, Israel te nganno ngawl teng ka thisak tu hi.

Pusuana 9:5

Keima Topa in, hi teng zing ciang mama in ka seam tu hi hong ci hi,’ va ci ta'n,” ci hi.