Pusuana 9:32 - Syin Chin Bible

³² Ahizong zungtaang a lal om ngawl hi, banghang ziam cile tuate min ngawl lai hi.

Pusuana 9:32 Iomraidhean Croise

2 Samuel 21:9

David in amate teng Gibeon mite tungah aap a, tuate in Topa mai mual tungah awklumsak uh hi — tuaciang a sali ma in thi khawm uh hi. Tua a thi hun sia phalbi bo kuan hi a, mangtaang at a kipatsawng hi.

Pusuana 10:12

Tuaciang Topa in Moses tungah, “Khaumawte hong kipuak natu in, Egypt ngam le lei tungah na khut laamto in. Tuate hong pai tu a, thingkung po theampo le ngial ii lalsak mong theampo netum tu hi,” ci hi.

Pusuana 10:22

Moses in a khut van ah laamto in, Egypt ngamsung theampo ni thum sung khuazing bikbek hi.

Pusuana 10:5

Khaumawte tam mama tu a, lei maitang teng siincip tu hi. Ngial ii a lalsak ngawl, thingkung a taanglaite ngawngawn tuate in netum siat tu hi.

Pusuana 9:31

Ngial in anthul le mangtaangte lalsak siat hi, banghang ziam cile mangtaang a min laitak hi in, anthul sia a mom laitak ahi hi.

Pusuana 9:33

Kumpipa kung pan Moses khuapi pua sangah pai in a khutte laamin Topa tungah thungen hi. Vanto le ngialkia tawlnga in nguazu nawn ngawl hi.

Isaiah 28:25

Khatvei lei laaihin a puua zawkciang ama in taang cite le an namtuisak ankung cite poai hi. Ama in zungtaang le mangtaang te a ngual in tu a, a lo hui sangah ancii dangte tu hi.

Ezekiel 4:9

“Tu in mangtaang, zungtaang ham, benaang, be, taangzik le mangtaang nam dang pawlkhat veu la in. A vekpi hel in anluum vawt in. Tua anluum sia ni 390 sung na siiklam veisang delpha in na lup hun sung na neak tu an ahi tu hi.