Pusuana 9:27 - Syin Chin Bible

²⁷ Kumpipa in Moses le Aaron samin, “Tutungin keima maw khi hi; Topa maan a, ka mite le keima khial khu hi.

Pusuana 9:27 Iomraidhean Croise

2 Samuel 12:13

David in, “Topa tungah maw zo khi hi,” ci hi. Nathan in, “Topa in hong maisak hi; thi ngawl tu ni hi.

2 Khangtaanghthu 12:6

Kumpipa le tua lampuite in maw zo khu hi ci a, amate in “Topa ii sepna maan hi,” ci hi.

Psalm Late 129:4

Ahihang a thutang pa Topa in saltanna panin hong suatak zo hi.”

Psalm Late 145:17

Topa in ama ii sepna theampo sungah thutang a, a ngamtatna sung theampo ah hesuak thei hi.

Psalm Late 9:16

Topa in thutang khennate taw ama le ama hong kilaak hi, mihing seksolte sia amate ii a sep a vawtte taw ma in awk hi.

Pusuana 10:16

Tuasia ciang kumpipa in manlang takin Moses le Aaron samin, “Topa na Pathian le note tungah ka maw zo hi.

Pusuana 10:17

Tu in, khatvei ka mawna hong maisak tavun a, hi a nasia daan piakna kei tung pan a laak keak natu in, Topa na Pathian tungah thu hong ngetsak tavun,” ci hi.

Pusuana 8:25

Tuasia ciang kumpipa in Moses le Aaron samin, “Pai in hi ngam sungah na Pathian sangaw biakpiakna pia vun,” ci hi.

Pusuana 8:8

Kumpipa in Moses le Aaron samin, “Hi ulol teng a laakkeak natu in, Topa tungah thungen vun, Topa tungah sangaw biakna a piak thei natu in, na mite ka paisak tu hi,” ci hi.

Kaa late 1:18

“Ahihang Topa sia a maan hi a, keima in a thu ka nit ngawl hang hi zaw hi. Hong ngai tavun, mun theampo a om mite awng; a na ka thuak hong en tavun. Ka ngaknute le ka tangvalte sia ngalmat in kipaipui siat zo hi.

Daniel 9:14

Topa kote Pathian awng, nangma in kote daan hong pia tu in na kithoai a, nong pia takpi hi, banghang ziam cile nangma in a maan bang na seam tawntung a, koma in nang kong nadon bua uh hi.

Mi Simna 21:7

Mite Moses kungah pai in, “Topa le nang langpanin kong sonsiat uh sia maw khu hi. Tu in hi ngulte a laak natu in Topa tungah thu ngen in,” ci uh hi. Tua ahiciang a mite atu in Moses in thungen hi.

Mi Simna 22:34

Balaam in, “Maw zo khi hi. Kei hong pangin lampi ah na din hunlam ka he bua hi; ahizong tu in ka paisuak tu khial nong sa ahile ka heak kik tu hi,” ci in zo kik hi.

Matthew 27:4

“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.

Romete 2:5

Ahihang note na thin uh pui in na lungtang uh sak hi, tua ahikom Pathian sia thin uukna le thutang taw thu a khen Ni ciangin na daan khak tu uh sia a nasia seseam in hong kilangh tu hi.

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.

Joshua 7:20

Achan in, “Topa Israel te ii Pathian tungah maw peu khi hi, tuaciang ka ngam tatna sia hi bang teng hi.

1 Samuel 15:24

“Hi hi, maw zo khi hi,” ci in Saul in zo kik hi. “Topa thu piakna le nong hilna te ni ngawl khi hi. Ka mite ka kiitak manin amate dei bangin ngamta khi hi.

1 Samuel 15:30

Saul in, “Keima maw zo khi hi. Ahihang ka mite ii lampuite le Israel theampo ii mai ah zatakna beak hong lak ta'n. Keima taw hong heak kik ta'n a, Topa na Pathian ka biak thei natu hong hi ta'n,” ci in zo kik hi.

1 Samuel 26:21

Saul in, “Keima khial zo khi hi. Hong heak kik ta'n, David ka tapa awng. Bangma hong law kik ngawl tu khi hi, banghang ziam cile tu zanin ka nuntakna hong khoaikhe ni hi. Kei sia mawmaw khi hi! A lipkhaphuai mama na khat vawt zo thong khi hi!” ci in zo hi.