Pusuana 9:23 - Syin Chin Bible

²³ Tua ahiciang Moses in a ciangkhut van ah laamto a, Topa in vantosak, ngial kiasakin khualengsak hi. Topa in

Pusuana 9:23 Iomraidhean Croise

Pianciilna 19:24

Topa in thakhat thu in Sodom le Gomorrah khuapite tungah kaan meikuang zusak a,

Job 37:13

Pathian in lei kawtsak tu in nguatui puak hi; mihingte daan a pia tu ahibuale a deisakna lak tu in ama in nguazusak thei hi.

Psalm Late 147:17

Ama in ngial sia suangpim bangin puak a, ama puak khuasik sia kuama in a thuak zo bua hi.

Psalm Late 148:8

a thupiak a zui khualeng le ngialte, vuuk le meeite, vui thahatte awng.

Psalm Late 18:13

Tuaciang Topa in van panin vanto bangin hong pau a, Saangbel Pa aw kiza hi.

Psalm Late 29:3

Topa ii awnging sia tuipite tungah kiza hi; a minthang Pathian in vanto bangin nging a, ama awnging tuipi lian tungah hawl hi.

Psalm Late 77:18

Na vanto sia a kipee in ngingkeak a, khualeng in leitung taangsak hi; leitung liingin ngawk hi.

Pusuana 19:16

A ni thum ni zingsang ciang vanto in khualeng a, mual tungah meeilom saa khat hong kilangh in lemle aw nging mama khat kiza hi. Ngiaphual ah a om mihing theampo liingin lau uh hi.

Pusuana 20:18

Mipite in khualeng vanto le lemle awngingte za in, khualeng le meikhu suak mual a mu ciang, lau in liing a, a khualana ah ding uh hi.

Pusuana 9:18

Zing ciang, tu hunin Egypt ngam taanghthu sungah a kihe ngeingawl, vui le ngial kithua a nasia mama khat ka piangsak tu hi.

Pusuana 9:24

a tee vazal kawkoai khualeng taw a kithua vuipi le ngial kithua nasia mama khat piangsak hi. Tua in Egypt te taanghthu sungah a heak ngei sung pan a nasiabel vuipi suangval ahi hi.

Isaiah 30:30

Topa in ama ii vaangletna aw mihing theampo in zasak tu a, ama ii thin uuk tutna thuak tu hi. Meikuangte, meei puakthamte, ngialtang kiate, a biing a bealin sun bangin nguazuknate om tu hi.

Ezekiel 38:22

Chisan luanna le natna taw ama daan ka pia tu hi. Nguapi le ngialtang, meikuang le kaan, ama le a ngalkaphonpi tung le ama taw kipawl minam tam mamate tungah buasuk tu hi.

Joshua 10:11

Amor te mualciangh zui in Israel ngalkaphonpi mai ah a taisuk laitak, Topa in ngialtang puite Azekah lampi tawntung kiasak hi. Israel te ii thalup sangin ngialtang ii denlup tamzaw hi.

Thupualaakna 16:18

Khua hong leng vazal a, luum vangam in vanto a, a lauhuai mama in zinliing hi. Hisia in zinliing theampo sung pan a nasiabel hi; mihingte a kibitphua pan kipan tuabang zinliing a om ngei bua hi!

Thupualaakna 16:21

Khat ciang kilogramme sawm nga bang a pha tu, a lian mama ngialtangte van panin mihingte tungah kia hi, tua ngimna lian sia nasia lei lawlawm ahikom, tua ngialkiate hangin mihingte in Pathian haamsiat uh hi.

Thupualaakna 8:7

Vantunglalang a masabel sia in, a lemle tum hi. Ngialtang le meikuang sia chi taw kihelin leitung ah hong kibuaksuk hi. Leitung ii see thum sua see khat, thingkung see thum sua see khat le lopa hing theampo kaanghtum siat hi.