Pusuana 8:8 - Syin Chin Bible

⁸ Kumpipa in Moses le Aaron samin, “Hi ulol teng a laakkeak natu in, Topa tungah thungen vun, Topa tungah sangaw biakna a piak thei natu in, na mite ka paisak tu hi,” ci hi.

Pusuana 8:8 Iomraidhean Croise

1 Kumpite 13:6

Kumpipa Jeroboam in kamsaangpa munah, “Ka khut hong damsak natu in Topa na Pathian tungah nong hesuak na in thu hong ngetsak ta'n!” ci hi. Kamsaang pa in Topa tungah thu a nget le kumpipa baan dam hi.

Psalm Late 66:3

Pathian mun ah, “Na sep na vawtte bangza in lamdang ziam! Na vaangletna in lian lawlawm a, na ngalte in kiitakna taw na mai ah kun uh hi.

Pusuana 10:16

Tuasia ciang kumpipa in manlang takin Moses le Aaron samin, “Topa na Pathian le note tungah ka maw zo hi.

Pusuana 10:17

Tu in, khatvei ka mawna hong maisak tavun a, hi a nasia daan piakna kei tung pan a laak keak natu in, Topa na Pathian tungah thu hong ngetsak tavun,” ci hi.

Pusuana 10:18

Moses in kumpipa nusia in Topa tungah thungen hi.

Pusuana 14:5

Israel te a suatakna thu Egypt kumpipa tungah a kison ciang ama le a uliante a thin khealin, “A bang teng seam thong hi ziam? Israel te ih suaktasak zo a, ih sila te ih bosua zo hi!” ci uh hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Pusuana 5:2

Kumpipa in, “Topa sia akua ziam? Banghangin ama thu ngai in Israel te paisak tu khi ziam? Tua Topa ka he bua hi; Israel te ka paisak buatu hi,” ci hi.

Pusuana 8:15

Kumpipa in ulol thite a mu ciang a thinsak kikin Topa ci sa bangma kumpipa in Moses le Aaron thu ngai ngawl hi.

Pusuana 8:29

Moses in, “Ka pusua po ciang, zing ciang tho honpite in nangma, na uliante le na mihingte kung pan a tai siat natu in Topa tungah thu ka ngen tu hi. Ahizong mite ii Topa tungah sangaw biakpiakna a vawt tu khaamin, hong theam kik peuma ngawl tu ni hi,” ci in zo hi.

Pusuana 8:32

Ahizong hi hun zongh ah kumpipa thin sah veve in, ama in tua mite paisak ngawl leleau hi.

Pusuana 8:9

Moses in kumpipa tungah, “Nang atu in thu kong ngetsak tu ka lungdam hi. Nangma, na uliante le na mite atu thu kong ngetsak tu hun ciangtan in. Tuasia ciang, hi ulolte sia Nile ngun sung simngawl mundang ah om nawn ngawl tu hi,” ci in zo kik hi.

Pusuana 9:27

Kumpipa in Moses le Aaron samin, “Tutungin keima maw khi hi; Topa maan a, ka mite le keima khial khu hi.

Pusuana 9:28

Topa tungah thungen vun! Hi vanto le ngialkiate kicing zo hi. Note paisak tu in kamciam kong pia a; hi lai ah no om tu kul nawn ngawl hi,” ci hi.

Pusuana 9:33

Kumpipa kung pan Moses khuapi pua sangah pai in a khutte laamin Topa tungah thungen hi. Vanto le ngialkia tawlnga in nguazu nawn ngawl hi.

Mi Simna 21:7

Mite Moses kungah pai in, “Topa le nang langpanin kong sonsiat uh sia maw khu hi. Tu in hi ngulte a laak natu in Topa tungah thu ngen in,” ci uh hi. Tua ahiciang a mite atu in Moses in thungen hi.

Sawltakte 8:24

Simon in Peter le John tungah, “Tu a nong ci teng kei tungah hong tun ngawl natu, nong hesuakna in Topa tungah thu hong ngetsak tavun,” ci hi.

1 Samuel 12:19

tuaciang Samuel munah, “Topa awng, nong hesuakna in, ka thi ngawl natu Topa na Pathian tungah thu hong ngetsak ta'n. Tu in koma mawna dangte tungsia ah kumpipa khat ka ngetna ah maw zo ka hi uh hunlam ka phawk uh hi,” ci uh hi.