Pusuana 8:27 - Syin Chin Bible

²⁷ Ama hong thupiak bangin Topa ka Pathian tungah sangaw biakpiakna pia tu in, ni thum khualhaw in sennealngam sungah ka pai uh kul tu hi,” ci in zo hi.

Pusuana 8:27 Iomraidhean Croise

Pusuana 10:26

Hi ngawl hi, ka ngannote paipui tu khu hi; khat zongh kinusia ngawl tu hi. Topa ka Pathian sangaw biakpiak natu in ngannote koma ii teal kul hi. A mun ka thet mateng, a bang nganno taw ama bia tu cisia ka he buatu uh hi,” ci in zo hi.

Pusuana 3:12

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Pusuana 3:18

“Ka mite in nangma thuson hong ngai tu uh hi. Tua zawkciang Israel lampuite taw Egypt kumpipa kungah pai in a, ama tungah, ‘Hebrew te ii Pathian Topa sia kote tungah ama le ama hong kilaak zo hi. Tu in sennealngam sungah Topa, kote Pathian tungah sangaw biakpiakna ka piak thei natu uh in, kote ni thum sung khual hong hawsak ta'n,” ci tu ni hi.

Pusuana 34:11

Tuni in kong piak thukhamte zui vun. Note maisang na manaw uh ciangin Amor te, Canaan te, Hit te, Periz te, Hiv te le Jebus te ka notkeak tu hi.

Pusuana 5:1

Tuaciang Moses le Aaron Egypt kumpipa kungah pai in, “Topa Israel te ii Pathian in, ‘Ka mite sennealngam ah kei zatak piakna poai khat a khaam thei natu in paisak in’ hong ci hi,” ci hi.

Pusuana 5:3

Moses le Aaron in, “Hebrew te Pathian sia kote tungah ama le ama hong kilangh zo hi. Topa ka Pathian tungah sangaw biakna pia tu in ni thum sung sennealngam ah hong paisak ta'n. Tuabang ka hi bua uh le ama in natna taw ahibuale ngal taw in kote hong thatlum tu hi,” ci in zo kik uh hi.

Thiampite 10:1

Aaron ii tapate Nadab le Abibu in amate mei lakna kuang tek la in a sungah meikam koi a, ngimnamtui helin Topa tungah pia hi. Ahizong tua mei thiangtho ngawl hi, banghang ziam cile Topa in tuasia a piak tu in amate thupia ngawl hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.