Pusuana 8:26 - Syin Chin Bible

²⁶ Moses in, “Tuabang hi tu pha ngawl hi, banghang ziam cile Topa ka Pathian tungah nganhingte taw biakpiakna in Egypt te thin uuksak tu hi. Egypt te mu theina ah hi ngannote taw biakpiakna vawtin amate thin uuk thong le kote suang taw hong deanglum tu uh hi.

Pusuana 8:26 Iomraidhean Croise

Pianciilna 43:32

Joseph atu sabuai khat ah an kilui in, a suapuite atu sabuai dang khat ah an kilui hi. Tualai ah an a ne Egypt te sia a tuamin kinesak hi, banghang ziam cile Egypt te in Hebrew te taw ankuang uum khop sia zano kisa hi.

Pianciilna 46:34

ka taanghpupite bangma in ka khan tawntungin ngankhoai na seam ung, na ci tu uh hi. Tuabang na ci uh ciang ama in Goshen ngam ah hong teangsak tu hi,” ci hi. Egypt te in tuucingte sia thu a sim ngawl ahikom Joseph in tu a bangin a ci ahi hi.

2 Kumpite 23:13

Josiah in Kumpipa Solomon ii saksa Jerusalem nisuana sang Olive Mual thang sangah a om a thasiathuai milim biaknataute — Sidon numeipathian Astarte, Moab pathian Chemosh, Ammon pathian Molech milim biaknate lalsak hi.

Ezra 9:1

Hi teng a kisep zawkciang Israel mite lampui pawlkhat hong pai in, mipite, thiampite le Levi te sia a innpaamte ahi Ammon, Moab le Egypt ngammite sung pan ahizong, Canaan te, Hit te, Periz te, Jebus te le Amor te sung pan ahizong a tuamin a om ngawlna thu ka tungah hong son uh hi. Amate in hi mite ii a vawt a kiihuai nate ma vawt uh hi.

Pusuana 3:18

“Ka mite in nangma thuson hong ngai tu uh hi. Tua zawkciang Israel lampuite taw Egypt kumpipa kungah pai in a, ama tungah, ‘Hebrew te ii Pathian Topa sia kote tungah ama le ama hong kilaak zo hi. Tu in sennealngam sungah Topa, kote Pathian tungah sangaw biakpiakna ka piak thei natu uh in, kote ni thum sung khual hong hawsak ta'n,” ci tu ni hi.

Pusuana 8:8

Kumpipa in Moses le Aaron samin, “Hi ulol teng a laakkeak natu in, Topa tungah thungen vun, Topa tungah sangaw biakna a piak thei natu in, na mite ka paisak tu hi,” ci hi.

Isaiah 44:19

Milimte a vawtpa in hi bangin a ci thei natu ciimna heakna nei ngawl hi, “Thing pawlkhat ka thuttum hi. Meikam tungah anluum pawlkhat ka em a, sa zongh em in ka ne hi. A om lai thingte sia milim in ka vawt hi. Hi munah thingtawng khat ii mai ah ka kunsuk hi!” ci hi.