Pusuana 8:22 - Syin Chin Bible

²² Ahizong ka mite teenna Goshen ngam sia tho om ngawl tu in ka khe tu hi. Keima Topa in hi ngam le lei ah naseam hi ci in nong heak natu in hi bangin ka vawt tu hi.

Pusuana 8:22 Iomraidhean Croise

Pianciilna 46:34

ka taanghpupite bangma in ka khan tawntungin ngankhoai na seam ung, na ci tu uh hi. Tuabang na ci uh ciang ama in Goshen ngam ah hong teangsak tu hi,” ci hi. Egypt te in tuucingte sia thu a sim ngawl ahikom Joseph in tu a bangin a ci ahi hi.

Psalm Late 110:2

Zion panin Topa in na kumpi vaangletna hong khang tu hi. Ama in, “Na ngalte uk in” ci hi.

Psalm Late 74:12

Ahihang Pathian awng, nang sia a kipat panin koma kumpipa na hi hi; nangma in kote tamvei ma nong hun zo hi.

Pusuana 10:23

Egypt te khat le khat kimu thei ngawl a, tua hun sung kuama pusuak ngawl hi. Ahizong Israel te teenna munah khuavak nga hi.

Pusuana 12:13

Kongkha khuamte tungah chisan a kinoai teng noma teenna inn teptee natu lim ahi hi. Chisan ka mu ciang note kong kaantan tu a, Egypt te daan ka piak ciang note bangma kong law buatu hi.

Pusuana 19:5

Tu in ka thu hong ni in ka thuciamnate na zui uh le keima aituam mite hi tu nu hi. Leitung buppi keima aa hi a, ahizong note sia keima tealtuam mite na hi tu uh hi,

Pusuana 20:11

Ni luk sungin Keima Topa in leitung, vantung, tuipi le tuate sung a om theampo ka vawt a, ahizong ni sali ni in ka tawlnga hi. Tua ahi hu in Keima, Topa in Sabbath thupha pia in tua ni ka thiangthosak hi.

Pusuana 7:17

Tu in kumpipa awng, Topa akua hi cisia ama nasep tu sia taw na mu tu hi Topa in hong ci hi. En in, hi ciangkhut taw nguntui ka saat tu a, nguntui chisan suak tu hi.

Pusuana 7:5

Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in Topa ka hina hong he tu uh hi,” ci hi.

Pusuana 8:10

Kumpipa in, “Zing ciangin thu hong ngetsak ta'n,” ci in zo hi. Moses in, “Nong sawl bangin ka seam tu a, tuaciang kote Pathian Topa taw a kibang pathian dang a om ngawl hunlam he tu ni hi.

Pusuana 8:21

Na kidop natu panin ka thu nong nial le daan kong pia tu a, nangma tung, na uliante tung, le na mite tungah tho honpite kong puak tu hi. Egypt te ii inn te tho taw kidim tu a, lei sia tho honpi taw kituamcip tu hi.

Pusuana 8:23

Ka mite le na mite kilaklaw ah kilamdanna khat ka vawt tu hi. Hi nalamdang lakna sia zing ciang in hong piang tu hi,’ ci in son ta'n,” ci hi.

Pusuana 9:26

Israel te teenna Goshen ngam bekma ngial kia ngawl hi.

Pusuana 9:29

Moses in ama tungah, “Khuapi pan ka pusua po ciang ka khutte laamin Topa tungah thu ka ngen tu hi. Vanto nawn ngawl tu a, ngialkia nawn ngawl tu hi. Tuasia ciang hi leitung sia Topa aa hi ci in na he tu uh hi.

Pusuana 9:4

Israel ngannote le Egypt ngannote kilaklaw ah kilamdanna khat ka vawt tu a, Israel te nganno ngawl teng ka thisak tu hi.

Pusuana 9:6

A sonsa bangin a zing ciangin Topa in naseam a. Egypt te nganno theampo thi siat hi, ahizong, Israel te nganno khat zongh thi ngawl hi.

Ezekiel 30:19

Egypt sia hi bangin daan ka piak ciang, amate in Topa ka hi hunlam hong he tu uh hi.

Malachi 3:18

Kei atu a seamte le a seam ngawlte, tuaciang thutangte le a seksolte tungah a piang thute ii kilamdanna sia ka mite in khatvei mu kik tu uh hi,” ci hi.