Pusuana 8:15 - Syin Chin Bible

¹⁵ Kumpipa in ulol thite a mu ciang a thinsak kikin Topa ci sa bangma kumpipa in Moses le Aaron thu ngai ngawl hi.

Pusuana 8:15 Iomraidhean Croise

Pusuana 14:5

Israel te a suatakna thu Egypt kumpipa tungah a kison ciang ama le a uliante a thin khealin, “A bang teng seam thong hi ziam? Israel te ih suaktasak zo a, ih sila te ih bosua zo hi!” ci uh hi.

Pusuana 4:21

Topa in Moses tungah, “Tu in Egypt ah cia kik tu na hi ciang nalamdang lakna theampo a vawt thei tu in vaangletna kong piaksa hi a, kumpipa mai ah vawt tatak tu ni hi. Ahizong kumpipa thin ka sahsak tu a, ama in mihingte paisak ngawl tu hi.

Pusuana 8:14

Egypt te in ulol thite a lom a lom in seng a, ngamsung theampo uihsak hi.

Pusuana 8:16

Topa in Moses tungah, “Aaron in a ciangkhut taw lei a saat natu sawl in a, tua hile Egypt ngamsung leivui theampo thokaang suak siat tu hi,” ci hi.

Pusuana 8:28

Kumpipa in, “A khuala mama na ah pai bua po le uh te, sennealngam sungah Topa na Pathian bia tu in kong paisak tu hi. Kei atu in thu hong ngetsak tavun,” ci hi.

Pusuana 8:29

Moses in, “Ka pusua po ciang, zing ciang tho honpite in nangma, na uliante le na mihingte kung pan a tai siat natu in Topa tungah thu ka ngen tu hi. Ahizong mite ii Topa tungah sangaw biakpiakna a vawt tu khaamin, hong theam kik peuma ngawl tu ni hi,” ci in zo hi.

Pusuana 8:32

Ahizong hi hun zongh ah kumpipa thin sah veve in, ama in tua mite paisak ngawl leleau hi.

Pusuana 8:8

Kumpipa in Moses le Aaron samin, “Hi ulol teng a laakkeak natu in, Topa tungah thungen vun, Topa tungah sangaw biakna a piak thei natu in, na mite ka paisak tu hi,” ci hi.

Paunakte 26:11

A mawmaw khat in mawmawt vai khat a nii veina in a vawt kik le a luak sa a ne kik ui khat taw kibang hi.

Paunakte 29:1

Nang hong kipau hong kihil simin na thin na puisak vaial le ni khat ni ciang sukcipna na thuak tu a, na lu na phong kik zo nawn buatu hi.

Thuhilsya 8:11

Banghangin mihingte in ol vazeang in khutkhial ziam? Banghang ziam cile khut khialna sia man lalang in daan a kipiak ngawl hang ahi hi.

Isaiah 26:10

Mihing seksolte tungah nang dik napi in, amate in a maan a vawt tu he ngeingawl uh hi. Mihing thutangte teenna hi ngam ngawngawn zongh ah amate in khialna vawt veve lai hi; amate in na letna thusim ngawlin nial uh hi.

Hosea 6:4

Ahihang Topa in, “Israel le Judah awng, bang hong law tu khi ziam? Kei nong itna uh sia zingsang mokkaai bangin manlang tak bo a; ni vaisaang ciang a bo pai daaituite bang ahi hi.

Hebrew te 3:15

Hisia laithiangtho ii ci ahi hi: “Tuni in Pathian ii aw na za le, na taanghpupite ii Pathian a langpan lai uh bangin na thin uh na sahsak heak vun.”

Hebrew te 3:8

na taanghpupite sennealngam sungah a om uh lai, Pathian a langpan lai, Pathian a ze et uh hun lai bangin, na thin uh na sahsak heak vun.

Thupualaakna 16:9

Amate sia a sa mama nisa in hal uh a, tuaciang hi ngimna tungah a thunei Pathian ii min amate in haamsiat uh hi. Ahihang amate in a mawnate pan kisiik ngawlin ama ii letna zongh a pok buatu uh hi.

1 Samuel 6:12

Khuikaap in Beth Shemesh paina sang zuan tu in kipan in, tua khua sangah tangtan in pai a, lam a pial bua hi. Tuate sia a pai kawmin haam uh hi. Philistine kumpi nga teng in Beth Shemesh ngamngi dong zui uh hi.

1 Samuel 6:3

Amate in, “Israel te ii Pathian ii Thuciamna Thingkuang na heak kiksak tu uh le na mawphel natu uh in ama atu letsong khat taw na kikopsak uh kul tu hi. Thuciamna Thingkuang sia letsong khat ngawl taw heak kik thei ngawl het tu hi. Tuabang taw in note na dam tu uh a, banghangin ama in no daan hong pia tawntung ziam ci sia na he tu uh hi,” ci uh hi.

1 Samuel 6:6

Egypt kumpipa le Egypt mite bangin banghangin na thinpuisak tu nu ziam? Israel mite ii Egypt a nusiat mateng Pathian in Egypt te a mawmaw bangin a vawt sia ciamtee vun.

1 Samuel 6:9

Tua zawkciang a paina en vun; Beth Shemesh sang a zuan le Israel te ii Pathian in hi a kiitakhuai tuasiatna hong puak hi, a cina hi. Tuabang a zuan buale, ngimnate sia ama ii hong puak hi ngawl a; a luilamna in a piang hi bek hi, ci in ih he tu hi,” ci uh hi.