Pusuana 7:5 - Syin Chin Bible

⁵ Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in Topa ka hina hong he tu uh hi,” ci hi.

Pusuana 7:5 Iomraidhean Croise

Psalm Late 138:7

Ngimnate in kei hong uumci ciangin nangma in nong keamcing hi. A thin uuk ka ngalte nong dosak a na vaangletna taw kei nong hun hi.

Psalm Late 9:16

Topa in thutang khennate taw ama le ama hong kilaak hi, mihing seksolte sia amate ii a sep a vawtte taw ma in awk hi.

Pusuana 10:2

nalamdang ka lak ciang, Egypt te a mawmaw bang ka sua sakna thute, na tu na tate tungah na son thei natu ahizong ama le a uliante thin ka sahsak hi. Note theampo in Topa ka hina nong he tu uh hi,” ci hi.

Pusuana 10:7

Kumpipa uliante in kumpipa tungah, “Bang tanvei hisia pa in eite ngimna hong pia tu ziam? Topa a Pathian a biak thei natu in, Israel mite paisak in. Egypt ngam lal zo ci sia tel ngawl ni ziam?” ci uh hi.

Pusuana 14:18

Amate ka zaw ciang Egypt te in keima Topa ka hina hong he tu uh hi,” ci hi.

Pusuana 14:4

Ama thin ka sahsak tu a, nang hong del tu hi. Kumpipa le a ngalkaphonpi ka zawna pan pataakna ka nga tu hi. Tuasia ciang Egypt te in Topa ka hina hong he tu uh hi,” ci hi. Israel te a kisawl bangin ngamta uh hi.

Pusuana 18:8

Moses in Jethro tungah Topa ii Israel te a hut natu in kumpipa le Egypt mihingte tungah a vawt theampo son hi. Lampi ah mihingte in haksatna a thuakna le Topa ii a hutna teng zongh son hi.

Pusuana 3:20

Ahizong ka vaangletna zanghin, a lauhuai nate tua munah ka vawtna taw Egypt daan ka pia tu hi. Tua zawkciang ama in note hong paisak tu hi.

Pusuana 6:1

Tuasia ciang Topa in Moses tungah, “Tu in kumpipa tungah ka sep tu te na mu tu hi. Ka mite a paisak natu in ka seam nanak tu hi. A tatakin ci leang a leitang pan ka mite a hawlkeak tu in ka sawl nanak tu hi,” ci hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 7:17

Tu in kumpipa awng, Topa akua hi cisia ama nasep tu sia taw na mu tu hi Topa in hong ci hi. En in, hi ciangkhut taw nguntui ka saat tu a, nguntui chisan suak tu hi.

Pusuana 8:10

Kumpipa in, “Zing ciangin thu hong ngetsak ta'n,” ci in zo hi. Moses in, “Nong sawl bangin ka seam tu a, tuaciang kote Pathian Topa taw a kibang pathian dang a om ngawl hunlam he tu ni hi.

Pusuana 8:19

tuaciang mitbum thiamte in kumpipa tungah, “Hi sia in Pathian nasepna hi zo hi!” ci uh hi. Ahizong kumpipa thinsakin, Topa ci bangma kumpipa in Moses le Aaron thu ngai ngawl hi.

Pusuana 8:22

Ahizong ka mite teenna Goshen ngam sia tho om ngawl tu in ka khe tu hi. Keima Topa in hi ngam le lei ah naseam hi ci in nong heak natu in hi bangin ka vawt tu hi.

Ezekiel 25:17

Amate nasia takin daan ka pia tu a, a kicing phulamna ka nei tu hi. Amate in ka thin uukna phawk tu uh hi. Tuasia ciang Keima, Topa ka hi sia he tu uh hi,” ci hi.

Ezekiel 28:22

Amate huvau, Keima, Vaanglianpipa Topa ii ci teng va son tan: Keima in na ngal ka hi hi, Sidon awng; nang tungah kong vawtte hu in mihingte in kei hong pok tu uh hi. Na sungah a teangte daan pia a, kei bangza in thiangtho ka hi sia ka lak ciang, amate in Keima, Topa ka hi hunlam hong he tu uh hi.

Ezekiel 32:15

Egypt ngam sia ngamtongta suaksak in, a sungah a teang theampo ka lal siatsak ciang Keima, Topa ka hi hunlam amate in hong he tu uh hi.

Ezekiel 36:23

Minamte sungah na daisak uh ka min — ka min lian ii thiangthona amate tungah ka lak ciangin — keima sia Topa ka hi hunlam amate in hong he tu uh hi. Keima, Vaanglianpipa Topa ka pau zo hi. Nangma hong zanghin minamte tungah a thiangtho ka hi sia ka lak tu hi.

Ezekiel 39:22

Israel te in tua hun pan kipan Keima sia Topa a Pathian ka hi hunlam hong he tu uh hi.

Ezekiel 39:7

Israel ka mite in ka min thiangtho ka hesak takpi tu a, ka min a kidaisak nawn buatu hi. Tuasia ciang, minamte in Keima, Topa sia Israel ii Thiangtho Pathian ka hi hunlam hong he tu uh hi,” ci hi.