Pusuana 7:3 - Syin Chin Bible

^3-4 Ahizong kumpipa a thin ka sahsak tu a, Egypt ah a lauhuai na tam mama vawt kaleng awlmawk ngawlin na thuson hong ngai ngawl tu hi. Tuasia ciang Egypt te tungah nasia takin daan ka pia tu a, ka mite ii minamte tua ngam pan ka pusuapui tu hi.

Pusuana 7:3 Iomraidhean Croise

Nehemiah 9:10

Kumpipa, a uliante le a ngammite langpanin nalamdang laknate na vawt hi, banghang ziam cile amate in na mite a zawnsakna na he hi. Tuni dongin na nei minthanna sia tua hunlai pan na nga ahi hi.

Psalm Late 135:9

Tua munah nalamdangte le a lamdadangte kumpipa le a upate daan piak natu in vawt hi.

Psalm Late 78:12

A taanghpupite ii mu tangin Egypt ngam Zoan zaangleitam ah Pathian in nalamdang laknate vawt hi.

Pusuana 11:10

Moses le Aaron in kumpipa mai ah nalamdang hi zata lak zo hikale, Topa in a thin sahsak ahikom, a ngam sia Israel te in nusiasak nuam ngawl hi.

Pusuana 11:9

Topa in Moses tungah, “Egypt ngam sungah nalamdang lakna tamzaw ka vawt thei lai natu in kumpipa in na thu hong ngai ngawl veve tu hi,” a ci sa hi.

Pusuana 14:4

Ama thin ka sahsak tu a, nang hong del tu hi. Kumpipa le a ngalkaphonpi ka zawna pan pataakna ka nga tu hi. Tuasia ciang Egypt te in Topa ka hina hong he tu uh hi,” ci hi. Israel te a kisawl bangin ngamta uh hi.

Pusuana 3:20

Ahizong ka vaangletna zanghin, a lauhuai nate tua munah ka vawtna taw Egypt daan ka pia tu hi. Tua zawkciang ama in note hong paisak tu hi.

Pusuana 4:21

Topa in Moses tungah, “Tu in Egypt ah cia kik tu na hi ciang nalamdang lakna theampo a vawt thei tu in vaangletna kong piaksa hi a, kumpipa mai ah vawt tatak tu ni hi. Ahizong kumpipa thin ka sahsak tu a, ama in mihingte paisak ngawl tu hi.

Pusuana 4:29

Tua ahiciang Moses le Aaron Egypt ah paikhawmin Israel lampuite theampo kaikhawm uh hi.

Pusuana 4:7

Tuasia ciang Topa in, “Na khut na puan sungah koi kik in,” ci hi. Moses in koi kikin, a laak kik ciang a pumpi dangte taw kibangin dam kik hi.

Pusuana 7:13

Bangbang hikale kumpipa thinsak veve a, Topa cisa bangma in kumpipa in Moses le Aaron thu ngai ngawl hi.

Pusuana 9:16

Ahizong leitung bup ah ka minthanna a kizel natu in nang tungah ka vaangletna hong lak nuam in kong nungtasak zo hi.

Paunakte 21:1

Topa in luitui luanna lam ol takin a heak bangin kumpipa khat ii ngaisutna uk hi.

Isaiah 51:9

Khanglo in, Topa awng, ko hong hu ta'n! Na vaangletna zanghin ko hong ngum ta'n; taanghlai hun a na zak ngei bangma in zangh in. Tuipi ngulpui Rahab saatin a neensem pa sia nangma na hi hi.

Micah 7:15

Topa awng, Egypt pan nong pusuasak lai hun a na vawt bangin kote atu in nalamdangte vawt in.

John 4:48

Jesus in, “No sungah nalamdang laknate le, a lamdangte na mu bua uh le, kuama in na um ngei buatu uh hi,” ci hi.

Sawltakte 2:22

“Hi kammalte ngai vun. Israel mipuite awng! Nazareth mi Jesus sia Pathian in ama tungtawnin a vawt nalamdang laknate le a lamdangte theampo hu in Pathian piak thunei pa tatak ahi hunlam kilangh hi. Noma mama in zongh, hi thu he nu hi, banghang ziam cile hi mun note sungah hi thu piang hi.

Sawltakte 7:36

Ama in Israel te sia Egypt ngam pan pusua pui a, Egypt ngam le San Tuipi ah ahizong, kum sawmli sung sennealngam sungah ahizong, nalamdang laknate le a lamdangte ama in vawt hi.

Romete 15:19

nalamdang lakna le a lamdang nate ii vaangletna le Pathian Thaa ii vaangletna taw hong seam zo hi. Tua ahiciang Jerusalem pan Illyricum ah khualhaw in ka paina ah Christ huvau Lungdamna Thupha a cingin ka thangsak zo hi.

Romete 9:18

Tua ahikom Pathian in a hesuak nopte tungah hesuak a, thin sahna a piak nopte tungah thin sahna pia hi.

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

Thuhil kikna 7:19

Na mittang taw na mu a kiitakhuai natnate, nalamdang lakna te, a lamdangte le Topa na Pathian ii no hong suataksakna, a vaangletna le a thahatna phawk vun. Egypt te a thalup bangma in ama in tu a na kiitak uh hi mihingte theampo mon tu hi.