Pusuana 7:17 - Syin Chin Bible

¹⁷ Tu in kumpipa awng, Topa akua hi cisia ama nasep tu sia taw na mu tu hi Topa in hong ci hi. En in, hi ciangkhut taw nguntui ka saat tu a, nguntui chisan suak tu hi.

Pusuana 7:17 Iomraidhean Croise

1 Kumpite 20:28

Kamsaang khat Kumpipa Ahab kungah hong pai a, “Topa in hi bangin ci hi: ‘Syria te in kei sia mualte pathian khat hi a, zaangtam te ii pathian hi ngawl hi hong ci hu in, hi ngalkap hon lian sia kong zosak tu a, tuasia ciang nang le na mite in keima Topa ka hi hunlam nong he tu uh hi, ci hi,’ ” ci in son hi.

2 Kumpite 19:19

Tu in, Topa ka Pathian awng, Assyria te kung panin hong hun ta'n, tuasia ciang leitung ngamte theampo in nang, Topa bek Pathian na hi hunlam hong he tu hi,” ci in thungen uh hi.

Psalm Late 105:29

Ama in nguntuite chisan suaksak a, a ngasate theampo thisak hi.

Psalm Late 78:44

Ama in ngunte chisan suaksak a, Egypt mite in tui neak tu a nei bua uh hi.

Psalm Late 83:18

Nangma bekma in Topa na hi hunlam, leitung bup a lianbel ukpa na hi hunlam amate in he tahen.

Psalm Late 9:16

Topa in thutang khennate taw ama le ama hong kilaak hi, mihing seksolte sia amate ii a sep a vawtte taw ma in awk hi.

Pusuana 1:22

A khakbel ciang kumpipa in a mite theampo thupia a: “Hebrew pano suaktuung theampo la vun a, Nile ngun sungah vawk vun, ahizong numei theampo nungtasak vun,” ci hi.

Pusuana 10:2

nalamdang ka lak ciang, Egypt te a mawmaw bang ka sua sakna thute, na tu na tate tungah na son thei natu ahizong ama le a uliante thin ka sahsak hi. Note theampo in Topa ka hina nong he tu uh hi,” ci hi.

Pusuana 4:9

Hi nalamdang lakna niite taw zongh hong um zo bualai a, na thu hong ngai ngawlin hong nial le, Nile ngun pan tui tawm la in lei ah sung in. Tua tui sia chisan suak tu hi,” ci hi.

Pusuana 5:2

Kumpipa in, “Topa sia akua ziam? Banghangin ama thu ngai in Israel te paisak tu khi ziam? Tua Topa ka he bua hi; Israel te ka paisak buatu hi,” ci hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Pusuana 7:20

Tua zawkciang Topa thupiak bangin Moses le Aaron te in seam uh hi. Kumpipa le a uliante mai ah Aaron in a ciangkhut laamin nguntui saat a, tui theampo chisan suak hi.

Pusuana 7:5

Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in Topa ka hina hong he tu uh hi,” ci hi.

Ezekiel 25:17

Amate nasia takin daan ka pia tu a, a kicing phulamna ka nei tu hi. Amate in ka thin uukna phawk tu uh hi. Tuasia ciang Keima, Topa ka hi sia he tu uh hi,” ci hi.

Ezekiel 29:9

Egypt ngam sia a kolh ngamtongta suak tu hi. Tuasia ciang, Topa ka hi hunlam nong he tu uh hi. “Nile ngun sia nangma vawt sa nangma neisa ci na hikom in,

Ezekiel 30:19

Egypt sia hi bangin daan ka piak ciang, amate in Topa ka hi hunlam hong he tu uh hi.

Ezekiel 30:8

Egypt mei taw ka hal a, ngam huute theampo a kithalup ciang, amate in keima sia Topa ka hi hunlam hong he tu uh hi.

Ezekiel 32:15

Egypt ngam sia ngamtongta suaksak in, a sungah a teang theampo ka lal siatsak ciang Keima, Topa ka hi hunlam amate in hong he tu uh hi.

Ezekiel 32:6

Mualte tungah kizel in luamte a dim dong na chisan ka buasak tu hi.

Ezekiel 38:23

Hi bangin keima letna le ka thiantho na sia minam theampo ka lak tu hi. Tua hun ciang amate in Topa ka hi hunlam hong he tu uh hi,” ci hi.

Ezekiel 39:28

Tua hun ciangin, ka minamte in Keima, Topa a Pathian ka hi hunlam hong he tu uh hi. Hi thu amate ii a tel theina sia, keima in amate matsa in ka puak a, tu in khawm kikin, khat zongh kikhe ngawlin, a ngam ah ka puak kik hu ahi hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Daniel 5:23

Vantung Topa na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, khamh, ngunn, taau, thik, thing le suang taw a kivawt khuamu thei ngawl, khua za thei ngawl a, bangma a he ngawl pathiante na pok uh hi. Ahitazong na thi tu le na nun tu hong khensat a, na sep na vawt theampo hong uk Pathian na upat bua uh hi.

Thupualaakna 11:6

Amate in van khakbil in Pathian thu vaithak a thansak hun sungin, ngua a zuksak ngawl natu in thunei uh hi. Amate in ciktuite chisan a suasak thei natu thunei si uh hi; tuaciang amate in a uuk ni sim po in, leitung sia ngimna lian nam theampo taw ngim piak thei natu zongh thunei uh hi.

Thupualaakna 8:8

Tuaciang vantunglalang a niina sia in, a lemle tum hi. A kuang mualpi taw a kibang khat tuipi sungah lawnsuk hi. Tuipi tui see thum sua see khat sia chisan suak a,