Pusuana 6:7 - Syin Chin Bible

⁷ Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Pusuana 6:7 Iomraidhean Croise

Pianciilna 26:3

Hi lai ah teang in, nang taw kong omkhawm tu a, thupha kong pia tu hi. Nang le na suan na paalte tungah hi ngam theampo kong pia tu hi. Na pa Abraham tungah ka kamciam ka kholet tu hi.

Pianciilna 28:13

Tuaciang ama kungah Topa ding hi. Ama in, “Keima in Abraham le Isaac te ii Pathian, Topa ka hi hi. Nang le na suan na paalte tungah na lupna hi leitang kong pia tu hi.

1 Kumpite 20:28

Kamsaang khat Kumpipa Ahab kungah hong pai a, “Topa in hi bangin ci hi: ‘Syria te in kei sia mualte pathian khat hi a, zaangtam te ii pathian hi ngawl hi hong ci hu in, hi ngalkap hon lian sia kong zosak tu a, tuasia ciang nang le na mite in keima Topa ka hi hunlam nong he tu uh hi, ci hi,’ ” ci in son hi.

1 Kumpite 8:60

Tuabangin leitung minamte theampo in Topa ama bek Pathian hi a — a dang Pathian om ngawl hi ci in he tu uh hi.

Nehemiah 1:10

“Topa awng, hite in nangma mi, na naseamte ahi uh hi. Na vaangletna le na thahatna taw amate na suatak hi.

Psalm Late 100:3

Topa sia Pathian hi ci in ciamtee vun. Ama in eite hong vawt a, eite in ama aa ih hi hi; eite sia ama ii mihingte ih hi a, ama tuuhonte ih hi hi.

Psalm Late 81:6

“Note nungzaang panin na vanhngit uh kong laakkeaksak hi; na puak uh uksuangte kong khiaksuksak hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:3

Moses in a mihingte tungah, “Egypt ngam sal na tanna mun na nusiat ni — tuni phawk tavun. Tu ni sia Topa in ama ii vaangletna taw hong pusua pui ni ahi hi. Tol saw ngawl anluum ne tu nu hi.

Pusuana 14:18

Amate ka zaw ciang Egypt te in keima Topa ka hina hong he tu uh hi,” ci hi.

Pusuana 14:4

Ama thin ka sahsak tu a, nang hong del tu hi. Kumpipa le a ngalkaphonpi ka zawna pan pataakna ka nga tu hi. Tuasia ciang Egypt te in Topa ka hina hong he tu uh hi,” ci hi. Israel te a kisawl bangin ngamta uh hi.

Pusuana 15:16

Launa le patauna amate tungah theng hi; Topa awng, amate in na thahatna mu uh hi, saltanna pan na suatak na mite ii a kaantan zawk mateng amate launa taw cimaw in ding uh hi.

Pusuana 15:2

Topa sia a thahat hong dalpa hi a; Ama in kei hong hunpa hi. Ama in ka Pathian hi a, ka pok tu hi, ka pa ii Pathian hi a, ama ii letna thu la in ka sa tu hi.

Pusuana 16:12

“Israel te hong phutsatna ka za zo hi. Khuangial ciang a neak tu sa a nga natu, zingsang ciang anluum a deiza a nga natu son in. Tuasia ciang Keima sia Topa, amate ii Pathian ka hina thu he tu uh hi,” ci hi.

Pusuana 16:6

Tua ahiciang Moses le Aaron in Israel te theampo tungah, “Egypt pan hong pusuapuipa sia Topa a hina, tu nitakin he tu nu hi.

Pusuana 2:11

Moses hong let ciang, a mipui Hebrew te kungah haw in, zawthawk thu taw a kisawl nasep haksa a sepsaknate mu hi. Egypt te khat in Moses ii mipui Hebrew mi khat a thalup ngawngawn mu hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 7:17

Tu in kumpipa awng, Topa akua hi cisia ama nasep tu sia taw na mu tu hi Topa in hong ci hi. En in, hi ciangkhut taw nguntui ka saat tu a, nguntui chisan suak tu hi.

Isaiah 41:20

Hi teng mite in mu in Topa, keima in hi nate vawt zo hi ci sia he tu uh hi. Israel te ii a thiangtho Pathian in hite a piansakna thu sia amate in he tu uh hi,” ci hi.

Isaiah 49:23

Kumpite sia no tungah pate bang hong hi tu hi; kumpinu te sia nute bang hong hi tu hi. Amate in na mai uh ah kun sukin hong upat tu uh hi; amate kiniamkhiakin note zatakna hong lak tu uh hi. Tuasia ciang Topa ka hina thu na he tu uh hi; keima ii hu tu a ngak peuma thin kiam ngawl tu uh hi,” ci hi.

Isaiah 49:26

Nang hong zawthawk vawtte khat le khat ka kithatlumsak tu hi; amate mihing thalup nopna le thin uukna taw a thin uh so ngawp tu hi. Tuaciang mihing nam buppi in keima sia, nang hong ngumpa le hong suatak pa, Topa ka hina thu he tu uh hi. Amate in keima sia Israel te ii a vaanglian Pathian ka hina thu he tu uh hi,” ci in zo kik hi.

Isaiah 51:15

“Keima in Topa na Pathian ka hi hi; tuipi saukeak in a tuihualte ka hawksak hi. Keima min sia Vaanglianbelpa Topa ahi hi!

Isaiah 60:16

A nu in a tasen a op bangma in Minamte le kumpite in nang hong keam cing tu hi. Topa ahi Keima in nang kong ngum zo a, Israel ii a vaanglian Pathian in Nang hong suataksakna thute na he tu hi.

Isaiah 63:8

Topa in, “Amate sia ka mite hi; kei hong theam ngawl tu uh hi,” ci hi. Tua ahikom Topa in amate sia

Jeremiah 31:33

Israel mite taw ka vawt tu thuciamna thak sia hi bang hi tu hi: amate sung sangah ka thukham ka koi tu a, a lungtang tungah tuate ka at tu hi. Keima in amate ii Pathian ka hi tu a, amate sia ka mite ahi tu uh hi.

Ezekiel 20:19

Keima in Topa na Pathian ka hi hi. Ka thukhamte le ka thupiakte zui vun.

Hosea 1:10

Israel mite a kisim zo ngawl, a kitee zo ngawl tuipi sen za bang suak tu hi. Tu in Pathian in amate mun ah, “Note ka mite hi ngawl nu hi,” ci hi, ahihang, “Note sia a nungta Pathian ii tate hi nu hi!” a ci ni hong theng tu hi.

Thiampite 11:44

Keima in Topa na Pathian ka hi a, keima thiangtho ka hikom note zongh na thiangtho uh kul hi.

Thiampite 11:45

Na Pathian ka hi thei natu in Egypt pan hong pusuapui Topa ka hi hi. Keima thiangtho ka hikom note na thiangtho uh kul hi.

Zechariah 13:9

A nungta lai khen thum sua khen khat teng ka sit tu a, meikuang taw ngunnte a kithiansak bangin amate ka thiangsak tu hi. Khamh a kisit bangin amate ka sit tu hi. Tuaciang amate in thungen tu a, keima in ka zo tu hi. Amate tungah ka mite ahi hunlam ka son tu a, amate in keima Pathian ka hi hunlam pualaak tu uh hi,” ci hi.

Mi Simna 15:41

Keima in Topa na Pathian ka hi hi; na Pathian hi tu in Egypt ngam pan kong pusua hi. Keima in Topa ka hi hi,” ci hi.

Matthew 22:32

‘Keima in Abraham ii Pathian, Isaac ii Pathian, Jacob ii Pathian ka hi hi,’ ci hi. Ama in a nungtate Pathian hi a, a thisate Pathian ahi bua hi,” ci hi.

Romete 8:31

Hi teng zawkciangin ih son tu, bang om lai tu ziam? Pathian ei sangah hong pang le akua in eite hong langpan thei tu ziam?

Thuhil kikna 14:2

Topa na Pathian neisa na hi uh a; leitung ah a teang mihing theampo sung pan ama mi tu in hong tealsa na hi uh hi.

Thuhil kikna 26:18

Ama hong kamciam bangin tuni in Topa in note sia ama mihing in hong saang zo a; ama thukham theampo zui tu in thu hong pia hi.

Thuhil kikna 29:12

Hi lai ah tuni in Topa na Pathian ii no taw a vawt hi thuciamna sungah a tum tu le, tuasia taw kisai sep tu te a saang tu in na om uh hi,

Thuhil kikna 29:13

tuasia ciangin, note le na taanghpupite ahi, Abraham, Isaac, le Jacob tungah a kamciamsa bangin Topa in no ama mi na hina uh le ama note Pathian a hina kipsak thei tu hi.

Thuhil kikna 29:5

Kum sawmli tawntung Topa in sennealngam hong kaanpui a, ahizong na puansilhte le na peangdapte uh sia ngeingawl hi.

Thuhil kikna 4:20

Ahihang note sia Egypt meikhuk linghna sung pan hong suatak mite na hi uh hi. Tuni na dinmun ahi, ama mihing na sua thei natu uh in note hong pusuapui hi.

Thuhil kikna 7:6

Hi bang vawt vun, banghang ziam cile note Topa na Pathian neisa hi nu hi. Leitung mi theampo sung pan ama aituam mi in note hong teal hi.

Hebrew te 11:16

Amate ii lungngul sia ngam phazaw, vantung ngam hi zaw hi. Tua ahikom Pathian in amate ii Pathian hi a kici sia a mai a zum bua hi. Banghang ziam cile ama in, amate atu khuapi khat vawtkhol sa in koisak hi.

1 Peter 2:10

Hun khat lai in, note sia Pathian mite na hi bua uh hi, ahihang tu in ama mite na hi uh hi; hun khat lai in, Pathian ii hesuakna na he bua uh hi, ahihang tu in ama ii hesuakna na saang zo uh hi.

Thupualaakna 21:3

Kumpi tokhum pan a ngingin a pau khat ka za hi: “Tu in Pathian omna inn sia mihingte taw omkhawm zo hi! Ama in amate taw teang khawm tu a, ama mihingte a hi tu hi. Pathian mama in amate taw omkhawm tu a, ama in amate ii Pathian ahi tu hi.

Thupualaakna 21:7

Zawna a nga pawpo kei tung pan a saan tu thu in: Kei sia amate ii Pathian ka hi tu a, ama sia Keima tapa ahi tu hi.