Pusuana 6:6 - Syin Chin Bible

⁶ Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 6:6 Iomraidhean Croise

2 Kumpite 17:36

No te Egypt ngam pan vaangletna le thahatna taw hong pusuapui keima Topa ii thu hong ni tu nu hi, note kei mai ah hong kun tu nu hi, tuaciang sangaw biakna zongh hong pia tu nu hi.

1 Khangtaanghthu 17:21

Nangma aituam mite hong suak tu in sila pan na suatak Israel mite taw a kibang leitung ah minam dang om ngawl hi. Amate tungah a lamdang na liante na vawtna taw leitung bup ah na minthanna kizel hi. Egypt panin na mite suatak a, amate mailam a nawk ciang minam dangte na notkeak hi.

Nehemiah 1:10

“Topa awng, hite in nangma mi, na naseamte ahi uh hi. Na vaangletna le na thahatna taw amate na suatak hi.

Psalm Late 77:16

Pathian awng, tuite in nangma hong mu ciang lau uh a, tuipi tawtawngte liing hi.

Psalm Late 81:11

“Ahihang ka mite in ka thu hong ngai nuam ngawl a, Israel te in ka thu hong ni ngawl tu hi.

Psalm Late 81:6

“Note nungzaang panin na vanhngit uh kong laakkeaksak hi; na puak uh uksuangte kong khiaksuksak hi.

Psalm Late 81:7

Ngim na nga laitakin nong sam uh a, kong hun hi. Ka bukna vuipi sung panin kong zo a, Meribah cikte ah note kong ze et hi.

Pusuana 1:11

Tua ahikom, Egypt te in a thinno thei natu in nasep ham seamsak a, amate tungah sila ukte koi hi. Kumpipa an khol natu in Israel te in Pithom le Rameses khuapite saat uh hi.

Pusuana 12:41

Kum 430 a bo ni in Topa mite ii minam theampo in Egypt nusia uh hi.

Pusuana 12:51

Tua ni in, Topa in Israel minamte Egypt pan pusuapui hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:16

Hi bang ngeina poai vawtna sia nung thu hong phawksak kik tu in ih khut tungah ahibuale ih tal tungah tepteena a kikhit bang hi tu hi; tua in Egypt pan Topa in a vaangletna taw hong pusuapuina thu hong phawksak tu hi,’ ci in son tu nu hi,” ci hi.

Pusuana 13:3

Moses in a mihingte tungah, “Egypt ngam sal na tanna mun na nusiat ni — tuni phawk tavun. Tu ni sia Topa in ama ii vaangletna taw hong pusua pui ni ahi hi. Tol saw ngawl anluum ne tu nu hi.

Pusuana 15:13

Na kamciam bangin na thumaan a, na suatak sa mite lam na pui hi; na thahatna taw na ngam thiangtho ah amate lam na pui hi.

Pusuana 16:6

Tua ahiciang Moses le Aaron in Israel te theampo tungah, “Egypt pan hong pusuapuipa sia Topa a hina, tu nitakin he tu nu hi.

Pusuana 18:1

Moses ii sunghpa, Midian thiampi Jethro in Moses ii Israel te Egypt ngam pan a pusuapui lai Pathian ii Moses le Israel mite atu a sepna thu theampo za hi.

Pusuana 2:11

Moses hong let ciang, a mipui Hebrew te kungah haw in, zawthawk thu taw a kisawl nasep haksa a sepsaknate mu hi. Egypt te khat in Moses ii mipui Hebrew mi khat a thalup ngawngawn mu hi.

Pusuana 3:17

Nasia tak vawtsiat a thuakna Egypt pan amate ka pusua pui tu a, leihoi leiphana mun — Canaan mite, Hit mite, Amor mite, Periz mite, Hiv mi te le Jebus mite teenna ngam ah amate paipui tu in ka khensat zo hi.

Pusuana 3:8

tua ahiciang Egypt te khut sung pan a hun tu le Egypt pan la in lei phana le ngam zaina munah a paipui tu in kong tuaksuk zo hi, tua ngam sia a zai, a hau le leihoi leipha hi a, tu in Canaan mite, Hit mite, Amor mite, Periz mite, Hiv mite le Jebus mite teang uh hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Pusuana 6:2

Pathian in Moses tungah, “Keima in Topa ka hi hi.

Pusuana 6:29

ama in, “Keima in Topa ka hi hi. Kong son theampo Egypt kumpipa tungah son in,” ci hi.

Pusuana 6:8

Abraham, Isaac le Jacob tungah piak tu in ka ciamsa ngam ah kong paipui tu a; tua ngam sia note neisa tu in kong pia tu hi. Keima in Topa ka hi hi,’ ci in, son ta'n,” ci hi.

Pusuana 7:5

Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in Topa ka hina hong he tu uh hi,” ci hi.

Isaiah 9:12

Nisuana sang pan Syria le nitumna sang pan Philistia in Israel valhtum tu in a kam uh kaa zo hi. Tuabangza ngawngawn zongin Topa thin uukna thaisak zo ngawl a; daan pia tu in a khut vaan lai hi.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Isaiah 9:21

Manasseh mihingte le Ephraim mihingte khat le khat kisim a, tuaciang amate in Judah sim khawm uh hi. Tuabangza ngawngawn zongin Topa thin uukna thaisak zo ngawlin; daan pia tu in a khut kivavaan lai hi.

Jeremiah 21:5

Keima in ka tha neina, ka thin uukna, ka thin vei laakna le ka thinsona theampo taw nang kong sim tu hi.

Jeremiah 27:5

“Ka vaangletna le ka thahatna taw in leitung mihing nam le leitung ah a teang nganhingte theampo ka bitphua a; tuate sia ka piak nop pawpo tungah ka pia hi.

Jeremiah 32:21

Ih ngalte a patausak nalamdang le a tumdang nate lakna taw in Egypt ngam panin Israel na mite na paipui natu in na vaangletna le na thahatna na zangh hi.

Ezekiel 20:33

“Kei, Vaanglianpipa Topa sia a nungta takpi Pathian ka hi bangma, na kidawm vun, ka thin uuk hu in a thahat khut le ka vaangletna theampo taw kong uk tu hi.

Sawltakte 13:17

Israel minamte ii Pathian in ih taanghpupite na teal a, Egypt ngam ah peamta in a teen hun sungin, minam lian khat in, na siam hi. Pathian in amate sia Egypt ngam panin, vaangletna lian taw pusua pui a,

Thuhil kikna 11:2

Topa tung pan na sin sate tungtawnin ama taw kisai na heak thute tuni in phawk vun. Tuabangin a hete sia na tate hi ngawlin, noma na hi uh hi. Topa letna, a vaangletna, a thahatna,

Thuhil kikna 15:15

Noma Egypt ngam ah sal na tanna uh le Topa na Pathian ii hong suataksakna thu phawk vun; tua ahi hu in hi thupiakna tu in kong pia hi.

Thuhil kikna 26:8

Ama in a vaangletna le a thahatna taw Egypt ngam pan hong suatak hi. Ama in nalamdang lakna te le a lamdangte vawtin a kiitakhuai nate piangsak hi.

Thuhil kikna 4:23

Topa na Pathian ii note taw thuciam a vawt sia na mangil peuma heak vun. Noma mama in milim nam peuma na vawt ngawl tu in hong thupiak sia zui tavun,

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

Thuhil kikna 5:15

Egypt ah sila na hi na le keima Topa na Pathian in ka vaangletna le ka thahatna taw kong suatakna thu ciamtee vun. Tua hu in Sabbath tang tu in thu kong pia hi.

Thuhil kikna 6:12

sila in na omna Egypt pan hong suatak Topa mangil peuma heak vun.

Thuhil kikna 7:19

Na mittang taw na mu a kiitakhuai natnate, nalamdang lakna te, a lamdangte le Topa na Pathian ii no hong suataksakna, a vaangletna le a thahatna phawk vun. Egypt te a thalup bangma in ama in tu a na kiitak uh hi mihingte theampo mon tu hi.

Thuhil kikna 7:8

Ahizong Topa in note hong it a, na taanghpupite tungah a kamciam taangtungsak nuam hi. Tua ahikom ama in note a thahatna lian taw hong hun a, Egypt kumpipa sila panin hong suaktasak hi.

Thuhil kikna 9:29

Bangbang po ahitazong, hi mihingte sia nangma atu na tealsa te hi a, na vaangletna le na thahatna taw Egypt pan na pusuapui mihingte ahi hi,’ ci in thu ka ngen hi.