Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.
Abraham, Isaac le Jacob tungah piak tu in ka ciamsa ngam ah kong paipui tu a; tua ngam sia note neisa tu in kong pia tu hi. Keima in Topa ka hi hi,’ ci in, son ta'n,” ci hi.
Tua mangman kamsaang pa in hi thu sia mang bekma hi ci tahen a, ahihang ka thupuak a za kamsaang pa in ka thupuak sia maan takin thangsak tahen. Taangphaw le zungtaang tang teengat tu pha ziam?
Topa in keima tungah, “Biakinnpi huang sungah ding in a, Judah ngam khuapite pan tua munah Pathian bia tu in hong pai mihingte tungah son tu a kong sawlte theampo thangsak in. Kheet nei heak in.
Tua zawkciang saltaang a om, na ngammipuite kungah pai in, na pau hong ngai zong hong ngai bua zong, kei Vaanglianpipa Topa ii amate tungah ka ci teng va son ta'n,” hong ci thua hi.
Ama in “A thithei mihing awng, Israel minam atu ngalvil khat in nang kong koi tu hi. Kidop natu nang tungah kong piak thute, amate tungah sonsawn tu ni hi.