Pusuana 6:26 - Syin Chin Bible

²⁶ Aaron le Moses tungah Topa in, “Israel minamte lampui in Egypt pan pusuapui vun,” ci in a sawl ahi hi.

Pusuana 6:26 Iomraidhean Croise

Pianciilna 2:1

Tuabangin vaannuai buppi sia kikhuangkhim hi.

1 Khangtaanghthu 6:3

Amram in tapa nii, Aaron, Moses, le tanu khat, Miriam nei hi. Aaron in tapa li nei a: Nadab, Abihu, Eleazar, le Ithamar te ahi hi.

Psalm Late 77:20

Nangma in Moses le Aaron ii a uk, na mite sia tuucingpa bangin lam na pui hi.

Psalm Late 99:6

Moses le Aaron in ama ii thiampite hi a, Samuel sia ama tungah thu ngen pa ahi hi; amate in Topa biakpui a, ama in zo kik hi.

Pusuana 12:17

Hi poai bosak ngawl tu nu hi, banghang ziam cile tua ni in na minamte Egypt pan kong pusuapui hi. Mailam hun ah zongh tua ni in poai vawt nanak tu nu hi.

Pusuana 12:41

Kum 430 a bo ni in Topa mite ii minam theampo in Egypt nusia uh hi.

Pusuana 12:51

Tua ni in, Topa in Israel minamte Egypt pan pusuapui hi.

Pusuana 13:18

Tua lampi taangin ama in sennealngam kiimkot a, San Tuipi sangah masuan hi. Israel te in ngalsim natu ngalhiamte pua uh hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 32:1

Moses mual tungah ngei hialma om in hong tuaksuk ngawl sia mipite in a mu ciang Aaron kungah kikhawmin ama tungah, “Egypt pan lam hong pui Moses hisia pa bang tat ziam ih he bua hi; tua ahikom eite lam hong pui tu in pathian khat hong vawtsak ta'n,” ci uh hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Pusuana 32:7

Topa in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi.

Pusuana 6:13

Topa in Moses le Aaron tungah: “Egypt ngam pan Israel te pusuana ah lampui tu in noma thu kong piak sia Israel te le Egypt kumpipa tungah son tavun.”

Pusuana 6:20

Amram in a pa suapuinu Jochebed teenpui in, Aaron le Moses nei hi. Amram sia kum 137 nungta hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Micah 6:4

Egypt ngam pan kong pusuaksak hi; saltanna pan kong suatak hi; note lam hong pui tu in Moses, Aaron le Miriam kong puak hi.

Mi Simna 33:1

Moses le Aaron lampuina taw Israel te, Egypt ngam pan amate nam tek ii lampuina nuai ah a pusua zawk uh ciang a ngiaphual saatna mun minte sia a nuai a bang ahi hi.

Joshua 24:5

A zawkciang Moses le Aaron ka paisak a, Egypt tungah ngimna lianpi ka pia hi. Ahihang no sia kong pusua pui hi.

1 Samuel 12:6

Samuel in zom suak a, “Topa sia Moses le Aaron a teal, Egypt pan na taanghpupite hong pusuapui sia hi.

1 Samuel 12:8

Jacob le a innkuanpuite Egypt ah a pai lai in, Egypt te in nengniam ahiciang, na taanghpupite in Topa munah hu ngenin au uh hi, tuaciang ama in Moses le Aaron paisak in, Egypt ngam pan amate pusua pui a, hi ngam ah teangsak hi.