Pusuana 6:12 - Syin Chin Bible

¹² Ahizong Moses in, “Israel te ngawngawn zongh in ka thuson hong ngai ngawl tu ci leang bangbangin kumpipa in hong ngai tu ziam? Kampau thiam ngawl mama pa ka hi hi,” ci kik hi.

Pusuana 6:12 Iomraidhean Croise

Pusuana 3:11

Ahizong Moses in Pathian tungah, “Kei sia bangma ka hi bua hi. Kumpipa kungah pai in Israel te Egypt pan bangbang paipui thei thong tu khi ziam?” ci hi.

Pusuana 3:13

Ahizong Moses in, “Kei Israel te kungah pai in, ‘Na taanghpupite ii Pathian in note kungah kei hong paisak hi,’ ka ci ciang, ‘Ama min akua ziam’ ci in amate in kei hong dongh tu hi. Tua ahikom bangbang son thei tu khi ziam?” ci kik hi.

Pusuana 4:1

Tuasia ciang Moses in Topa tungah, “Ahizong Israel te in kei hong um ngawlin ka thuson hong ngai ngawl tu ci tawng. Amate in nang tungah Topa hong kilangh ngawl hi, hong ci thong le bangbang hi tu khi ziam?” ci in zo hi.

Pusuana 4:10

Ahizong Moses in, “Hi thei bo, Topa awng kei hong sawl heak in. Thu son ka thiam ngei bua a, nangma nong paupui ciil a kipan tu dong thuson ka thiam tuan bua hi, kampau ka thiam bua hi, ka aw tawn in ka pau awk hi,” ci hi.

Pusuana 6:13

Topa in Moses le Aaron tungah: “Egypt ngam pan Israel te pusuana ah lampui tu in noma thu kong piak sia Israel te le Egypt kumpipa tungah son tavun.”

Pusuana 6:30

Ahizong Moses in, “Nong heak bangin kampau ka thiam bua hi; banghangin kumpipa in ka thuson hong ngai thong tu ziam?” ci in zo hi.

Pusuana 6:9

Moses in Israel te tungah hi thu teng son a, ahizong amate in nadon ngawl uh hi, banghang ziam cile a sila tanna ah kivawtsia in a thin uh tamhtham zo hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Jeremiah 1:6

“Vaanglianpipa Topa awng, kei thusonzia tu he bong; moi lei lai ing,” ci in ka zo hi.

Jeremiah 6:10

Keima in, “Amate tungah kidop natu thu ka son hial zong akua in hong ngai nuam thong tu ziam? Amate a thinpui a, na thupuak ngai nuam ngawl uh hi; son tu a, nong sawlte amate nuiza bek hi.

Thiampite 26:41

amate sia keima ii ka nungngat, a ngalte ngam ah salin hong puaksakte ahi uh hi. A khakbel in na suan na paalte a mawna hangin kiniamkhiak a, daan zong thuak zo ahiciang,

Sawltakte 7:51

Stephen in, “Note bangza in thinpui nu ziam! Bangza in note thin in Pathian he ngawl ziam? Pathian kammal na zaak ngawl natu in, bangza in nangong nu ziam! Na taanghpupite bang lian hi nu hi: note zongh in Thaa Thiangtho nalh tawntung nu hi!

Thuhil kikna 30:6

Na thin theampo taw ama na it natu uh le tua ngam ah na teen suak thei natu uh in Topa na Pathian in note le na suan na paalte tungah thu nit nopna thin hong pia tu hi.