Pusuana 5:3 - Syin Chin Bible

³ Moses le Aaron in, “Hebrew te Pathian sia kote tungah ama le ama hong kilangh zo hi. Topa ka Pathian tungah sangaw biakna pia tu in ni thum sung sennealngam ah hong paisak ta'n. Tuabang ka hi bua uh le ama in natna taw ahibuale ngal taw in kote hong thatlum tu hi,” ci in zo kik uh hi.

Pusuana 5:3 Iomraidhean Croise

2 Kumpite 17:25

Amate tua munah a ten phit sawngin Topa bia ngawl uh ahikom Topa in tawpi te puakin, amate pawlkhat thatlumsak hi.

2 Khangtaanghthu 30:8

Amate bangin thinpui ngawlin Topa thu ni vun. Topa note Pathian in no tungah a thin uuk nawn ngawl natu in a tawntungin a thianthosak sa Jerusalem Biakinnpi ah hong pai in ama bia vun.

Ezra 7:23

Vantung Pathian in a Biakinnpi atu in a tulmawk theampo pha takin pia nanak tu nu hi; tuasia in keima tung le kei zawkciang ngamukte tungah a thin a uuk ngei nawn ngawl natu ahi hi.

Pusuana 3:18

“Ka mite in nangma thuson hong ngai tu uh hi. Tua zawkciang Israel lampuite taw Egypt kumpipa kungah pai in a, ama tungah, ‘Hebrew te ii Pathian Topa sia kote tungah ama le ama hong kilaak zo hi. Tu in sennealngam sungah Topa, kote Pathian tungah sangaw biakpiakna ka piak thei natu uh in, kote ni thum sung khual hong hawsak ta'n,” ci tu ni hi.

Pusuana 7:16

Tua zawkciang kumpipa tungah, ‘Topa Hebrew te Pathian in amate ii sennealngam sungah ama a biak thei natu in, a mihingte na paisak natu a son tu in kei hong sawl hi. Ahizong tu dong ciang a thu na ni bua hi.

Pusuana 8:1

Tuaciang Topa in Moses tungah, “Kumpipa kungah va pai ta'n a, Topa in, ‘Keima hong biak thei natu in ka mite paisak in.

Pusuana 8:20

Topa in Moses tungah, “Ngun ah kumpipa a pai ciang kimu tu in zing ciang zingsang tuungin pai in a, Topa in, ‘Amate in kei hong biak thei natu in ka mite paisak hen.

Pusuana 8:27

Ama hong thupiak bangin Topa ka Pathian tungah sangaw biakpiakna pia tu in, ni thum khualhaw in sennealngam sungah ka pai uh kul tu hi,” ci in zo hi.

Ezekiel 6:11

Vaanglianpipa Topa in, “Na khut meak in! Na peang taw khuasiik in. Israel te ii tatsiatna theampo le a thasiathuai na te a vawt hu in khuangai in kap in. Amate sia ngal sung ahizong ngilkialna taw ahizong, natna taw ahizong thi tu uh hi.

Thiampite 26:25

Ih thuciamna na palsat manin daan hong pia tu in no tungah ngalpi kong thengsak tu hi. Na ngammuan natu in khuapi sung na zuan zonghin a dam maw natnate kong tungsak tu a, na ngalte na lel hamtang uh kul tu hi.

Thuhil kikna 28:21

Ama in na laak tu ngam sungah khat zongh na taan nawn ngawl uh dongin natna khat zawkciang khat hong tungsak tu hi.