Pusuana 40:13 - Syin Chin Bible

¹³ Aaron in keima na a seam thiampi a sep thei natu in thiampi puante silhsak in, sathau buakin, hi bangin ama aap in.

Pusuana 40:13 Iomraidhean Croise

Pusuana 28:41

Hi puante na suapuipa Aaron le a tapate silhsak in. Tuaciang amate in ka na a seam thei thiampite ahi natu in thupha piak kipsakna le aapna in olive thau taw zut in.

Pusuana 29:7

Tuaciang noi sathau la in, a lu tungah buakin, noai in.

Pusuana 40:14

A tapate paipui in, laktong silhsak in.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Thiampite 7:35

Hisia in Aaron le a tapate thiampi in a kikipsak ni a, Topa tungah a kipia an sung pan amate a kipia an khen khat ahi hi.

Thiampite 7:36

Tua ni in hi biakpiakna sung pan khen khat thiampite tungah piak tu in Israel mite tungah Topa in thupia hi. Hi sia in Israel mite ii mai sang hun theampo ah a zui tu ngeina khat ahi hi.

Thiampite 8:13

Tua zawkciang Moses in Topa thupiak bangin Aaron tapate mai sangah paipui a, laktongte silsakin a kawng uh ah kawngsawmte sawmsakin a lu uh ah lukhute khusak hi.

John 17:19

Amate zongh maan tak a, nang tungah hong ki aap thei natu, amate atu ka ngaisutsakna in, keima le keima nang tungah kong ki aap hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

Hebrew te 10:10

Pathian dei bangin Christ in ngamta ahikom, ama ii tawntung atu khatvei lian a pumpi a kipiakna hu in eite theampo mawna pan hong kithiansua hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

1 John 2:20

Ahihang Christ ii no tungah Thaa Thiangtho hong buak sia na saang zo uh hi, tua ahikom na vekpi in thumaan thutak na tel uh hi.

1 John 2:27

Ahihang note na hi uh le, Christ in a Thaa no tungah hong buak zo hi. Note sungah ama Thaa a om laitengin hong hil tu kuama dang na kitaangsamh bua uh hi. Banghang ziam cile ama Thaa in na theampo huvau hong hil a, hong hil teng sia thumaan hi a, khial ngawl hi. Tua Thaa ii hilna na ni vun a, Christ taw pumkhat in na om vun.