Pusuana 4:21 - Syin Chin Bible

²¹ Topa in Moses tungah, “Tu in Egypt ah cia kik tu na hi ciang nalamdang lakna theampo a vawt thei tu in vaangletna kong piaksa hi a, kumpipa mai ah vawt tatak tu ni hi. Ahizong kumpipa thin ka sahsak tu a, ama in mihingte paisak ngawl tu hi.

Pusuana 4:21 Iomraidhean Croise

Pianciilna 6:3

Tuasia ciang Topa in, “Mihingte sia a nuntak tawntung tu ka oai bua hi; amate cii le sa hi. Tu a kipan kum za le kul kaanin nungta ngawl tu hi,” ci hi.

1 Kumpite 22:22

Topa in ‘Bangbangin maw?’ ci in dongh hi. Tua thaa in, ‘Keima pai in Ahab ii kamsaangte theampo leilot thu ka sonsak tu hi!’ ci in zo kik hi. Topa in, ‘Va pai ta'n a, va theam ta'n, theam zo tu ni hi,’ ” ci hi.

Psalm Late 105:25

Ama in a mite Egypt te ii a ngaimawk natu in vawt a, ama in a naseamte theambawl hi.

Psalm Late 78:43

Egypt ngam Zoan zaangleitam ah ama ii a nasia mama sepnate le nalamdang a laknate amate in mangil uh hi.

Pusuana 10:1

Tuaciang Topa in Moses tungah, “Kumpipa kungah pai in a, va kimu ta'n. Hi bangin amate sungah nalamdang laknate ka vawt thei natu in ahizong

Pusuana 10:20

Ahizong Topa in kumpipa thin sahsakin ama in Israel te paisak ngawl hi.

Pusuana 10:27

Topa in kumpipa thin sahsak a, amate paisak nuam ngawl hi.

Pusuana 11:10

Moses le Aaron in kumpipa mai ah nalamdang hi zata lak zo hikale, Topa in a thin sahsak ahikom, a ngam sia Israel te in nusiasak nuam ngawl hi.

Pusuana 11:9

Topa in Moses tungah, “Egypt ngam sungah nalamdang lakna tamzaw ka vawt thei lai natu in kumpipa in na thu hong ngai ngawl veve tu hi,” a ci sa hi.

Pusuana 14:17

Egypt te thin ka sahsak mama tu a, Israel te del veve tu uh hi, tuaciang kumpipa, a ngalkaphonpi, a siphu ngalleangte le a hawlte ka zawna taw patoaina ka nga tu hi.

Pusuana 14:4

Ama thin ka sahsak tu a, nang hong del tu hi. Kumpipa le a ngalkaphonpi ka zawna pan pataakna ka nga tu hi. Tuasia ciang Egypt te in Topa ka hina hong he tu uh hi,” ci hi. Israel te a kisawl bangin ngamta uh hi.

Pusuana 14:8

Topa ii a thin a sahsak kumpipa in zawna taw in a pusuak Israel te del hi.

Pusuana 3:19

Zawthawk thu taw a kisawl bua nale Egypt kumpipa in note hong paisak ngawl tu cisia ka he hi.

Pusuana 3:20

Ahizong ka vaangletna zanghin, a lauhuai nate tua munah ka vawtna taw Egypt daan ka pia tu hi. Tua zawkciang ama in note hong paisak tu hi.

Pusuana 7:13

Bangbang hikale kumpipa thinsak veve a, Topa cisa bangma in kumpipa in Moses le Aaron thu ngai ngawl hi.

Pusuana 7:3

Ahizong kumpipa a thin ka sahsak tu a, Egypt ah a lauhuai na tam mama vawt kaleng awlmawk ngawlin na thuson hong ngai ngawl tu hi. Tuasia ciang Egypt te tungah nasia takin daan ka pia tu a, ka mite ii minamte tua ngam pan ka pusuapui tu hi.

Pusuana 8:11

Ulolte sia nangma, na uliante le na mite taw kipeal in Nile ngun sung bek ah om tu hi,” ci hi.

Pusuana 8:15

Kumpipa in ulol thite a mu ciang a thinsak kikin Topa ci sa bangma kumpipa in Moses le Aaron thu ngai ngawl hi.

Pusuana 8:32

Ahizong hi hun zongh ah kumpipa thin sah veve in, ama in tua mite paisak ngawl leleau hi.

Pusuana 9:12

Ahizong Topa in kumpipa thin sahsakin, Topa cisa bangma kumpipa in Moses le Aaron thu ngai nuam ngawl hi.

Pusuana 9:35

Topa in Moses tungtawnin a sonkhol bangma in kumpipa in Israel te paisak ngawl hi.

Isaiah 6:10

Tuaciang ama in keima tungah, “Hi mihingte lungmusakin, a na ngongsak in a, a mittawsak in, tua hile amate khuamu thei ngawl, khua za thei ngawl, tel thei ngawl tu hi. Tuabang hile ka kung hong zuan thei in, a ci ka damsak tu hi,” hong ci hi.

Isaiah 63:17

Banghangin na lampi panin kote lam hong pialsak ni ziam? Banghangin nang kung pan lampial tu in thinpui mama tu in hong vawt ni ziam? Na na a seam mihingte atu le nangma mihing ahi tawntungte atu in hong heak kik ta'n.

John 12:40

“Pathian in amate ii mit tawsak a, a thinsung khacipsak hi, tua in, a mit khua a mu ngawl natu, a thinsung taw a tel ngawl natu, tuaciang amate in keima ii amate ka damsak natu kei kungah hong heak kik ngawl natu, ahi hi, Pathian in ci hi.”

Romete 1:28

Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi.

Romete 9:18

Tua ahikom Pathian in a hesuak nopte tungah hesuak a, thin sahna a piak nopte tungah thin sahna pia hi.

2 Corinth te 2:16

A mangthangte atu in tuasia in ngual a thisak thei a ui mama thina ngim hi a; ahihang ngupna a ngate atu in nuntakna a pia ngimnamtui ahi hi. Tua ahile tuabang nasepte a seam zo tu akua om ziam?

Thuhil kikna 2:36

Topa ih Pathian in Arnon kuam mong ah a om Aroer khua pan kipan khua theampo le tua kuam laizang ah a om khuapi, Gilead dong hong zosak hi. A khua uumna luphungte in ei hong nang zo ngawl hi.

Joshua 11:20

Topa in amate sia Israel te a do natu a thin khosak mama a, tua in a lalcip natu le hesuak ngawlin a kithalup siat natu ahi hi. Hi sia in Topa ii Moses tungah thu a piaksa ahi hi.

1 Peter 2:8

Laithiangtho mundang khat ma ah, “Hi suang in mihingte lutusak tu a, amate a liiksak suangpi suak tu hi,” ci hi. Kammal a up ngawl manin amate lutu uh hi; tuasia in amate atu in Pathian ii deina ahi hi.