Pusuana 4:15 - Syin Chin Bible

¹⁵ Ama tungah thu son thei tu ni hi, a son tu teng hil in. Na nii in na thuson kong hu tu a, na vawt tu uh teng kong hil khawm tu hi.

Pusuana 4:15 Iomraidhean Croise

2 Samuel 14:3

Tuaciang nupi nu sia kumpipa kungah va pai ta'n a, ci a kong sawl teng va ci ta'n,” ci hi. Tua zawkciang Joab in a pau natu teng hil hi.

Psalm Late 25:12

Topa a thasiate in a tot tu uh lampi sia ama tung panin a he tu uh hi.

Psalm Late 51:15

Topa awng, ka pau thei natu in hong hu ta'n, tuaciang nangma kong pok tu hi.

Pusuana 3:12

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Pusuana 4:12

Tu in, va pai ta'n! Na kampau kong hu tu a, na thuson tu kong hil tu hi,” ci hi.

Pusuana 4:28

Tuaciang Moses in Egypt ah heakkik in a ci lai a, Topa kam vaithak theampo le Topa ii sep tu in a sawl nalamdang lakna tu thute zongh Aaron tungah son siat hi.

Pusuana 4:30

Topa ii Moses tungah a thuson teng Aaron in amate tungah son kik siat hi, tua zawkciang Moses in mite mai ah nalamdang lakna theampo vawt hi.

Isaiah 51:16

Keima in vantungte ka phalhkeak a, lei ii tawdapte ka pha hi; Jerusalem tungah, ‘Nang in keima mihing na hi hi! Nang tungah thu kong hil zo a, ka khut taw nang kong dal hi,’ ka ci hi,” a ci hi.

Isaiah 59:21

Note taw thuciamna khat ka vawt hi: ka vaangletna le ka thuhilnate a tawntung atu in note kong pia zo hi, tu pan kipan note in ka thu nong ni tu uh a, na tate le na suan na paalte in a tawntungin ka thu hong nit natu uh in na hil tu uh hi,” ci hi.

Jeremiah 1:9

Tuaciang Topa in a khut hong thaakin, ka mukte hong tham a, tuaciang kei tungah, “Ngai in, na pau tu kammalte na kam sungah ka koi zo hi.

Jeremiah 36:32

Tuaciang laizial dang khat la in ka thuzeakpa Baruch tungah ka pia a, ka khaw theampo ama in at hi. Laizial masa sia sungah a om sate theampo le ama tungah ka khaw a kibang thute zongh ama in khum siat hi.

Mi Simna 16:28

Moses in mipite tungah, “Hi bang teng seam tu in Topa in kei hong sawl a, keima deiteal bangin a seam ka hi ngawlna thu na heak natu uh ahi hi.

Mi Simna 22:38

Balaam in, “Hong pai zo hi ngawl khi ziam? Ahizong tu in a bang vaang nei na khi ziam? Pathian ii son a hong sawl teng bekma son thei khi hi,” ci in zo hi.

Mi Simna 23:12

Ama in, “Topa ii son tu a hong sawl teng bek son thei khi hi,” ci in zo hi.

Mi Simna 23:16

Topa sia Balaam taw kimu a, a kam vaithak teng a son zawkciang Balak tungah a son tu in ciasak kik hi.

Mi Simna 23:5

Topa in Balaam tungah, Balak atu a kam vaithak teng a son tu in heak kik sak hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Luke 21:15

banghang ziam cile na ngalte ii hong nial thei ngawl natu le hong nalh thei ngawl natu in, kammalte le ciimnate kong pia tu hi.

1 Corinth te 11:23

Banghang ziam cile Topa ii hilcianna ama ii tung pan ka saante sia note tungah kong pia sawn hi: a thu in Topa Jesus a kileeheak tu nitakin, ama in anluum la a,

1 Corinth te 15:1

Ka suapuite awng, na saansa uh le na upna tung kho tak na dinna uh, kong hil Lungdamna Thupha huvau tu in kong phawksak kik nuam hi.

Thuhil kikna 18:18

Amate mi sung pan nang taw a kibang kamsaang khat amate ka puak tu hi; a ci tu thute ka son tu a, ka thupiak theampo mipite tungah sonsawn tu hi.

Thuhil kikna 5:31

Ahizong Moses awng, nang sia keima taw hi lai ah om in a, ka thukhamte le thupiakte theampo kong pia tu hi. Ka piak tu ngam sungah hi thute a zui thei natu in tua teng mipite hil in,’ hong ci hi.

1 Samuel 16:3

Sangaw biakpiakna ah Jesse sam in a, tuaciang na sep tu teng kong son tu hi. Keima ii kong son tu pa sia kumpi in sathau noai tu ni hi,” ci in zo hi.