Pusuana 4:1 - Syin Chin Bible

¹ Tuasia ciang Moses in Topa tungah, “Ahizong Israel te in kei hong um ngawlin ka thuson hong ngai ngawl tu ci tawng. Amate in nang tungah Topa hong kilangh ngawl hi, hong ci thong le bangbang hi tu khi ziam?” ci in zo hi.

Pusuana 4:1 Iomraidhean Croise

1 Kumpite 13:3

Tuaciang kamsaang pa in a ci lai na pan, “Hi biaknatau sia cimhtham tu a, a tungah vutte kithezau tu hi. Tuasia ciang Pathian in kei tungtawn a hong pau zo hi ci in na he tu hi,” ci hi.

Pusuana 2:14

Tua pa in, “Kote hong uk tu le thukhen tu in, akua in nang hong koi ziam? Egypt mipa na thalup bangin kei hong that tu ni ziam?” ci in zo hi. Tuasia ciang Moses lau a, “Ka ngamtatna teng ngual in hong mu zo hi ta a maw,” ci hi.

Pusuana 3:15

Keima, Topa a taanghpupite ii Pathian, Abraham, Isaac le Jacob te ii Pathian in amate kungah nang kong paisak sia Israel te tungah son in. Hi sia in a tawntung ka min hi; maisang hong piang tu khang theampo in hi bangin keima hong sam tu hi.

Pusuana 3:16

Pai in a, Israel lampuite kaikhawmin, Keima Topa a taanghpupite ii Pathian, Abraham, Isaac le Jacob te ii Pathian in note mai ah hong kilangh ka hi sia amate tungah son in. Amate kungah ka pai zo a, Egypt te ii amate tungah a vawtna teng ka mu hunlam amate son in.

Pusuana 3:18

“Ka mite in nangma thuson hong ngai tu uh hi. Tua zawkciang Israel lampuite taw Egypt kumpipa kungah pai in a, ama tungah, ‘Hebrew te ii Pathian Topa sia kote tungah ama le ama hong kilaak zo hi. Tu in sennealngam sungah Topa, kote Pathian tungah sangaw biakpiakna ka piak thei natu uh in, kote ni thum sung khual hong hawsak ta'n,” ci tu ni hi.

Pusuana 4:10

Ahizong Moses in, “Hi thei bo, Topa awng kei hong sawl heak in. Thu son ka thiam ngei bua a, nangma nong paupui ciil a kipan tu dong thuson ka thiam tuan bua hi, kampau ka thiam bua hi, ka aw tawn in ka pau awk hi,” ci hi.

Pusuana 4:30

Topa ii Moses tungah a thuson teng Aaron in amate tungah son kik siat hi, tua zawkciang Moses in mite mai ah nalamdang lakna theampo vawt hi.

Pusuana 4:31

Amate in um uh hi. Amate kungah Topa pai in kivawtsiatna a thuaknate Topa ii a mu sakna thu teng a zaak uh ciang amate kunin Topa bia uh hi.

Pusuana 6:12

Ahizong Moses in, “Israel te ngawngawn zongh in ka thuson hong ngai ngawl tu ci leang bangbangin kumpipa in hong ngai tu ziam? Kampau thiam ngawl mama pa ka hi hi,” ci kik hi.

Pusuana 6:30

Ahizong Moses in, “Nong heak bangin kampau ka thiam bua hi; banghangin kumpipa in ka thuson hong ngai thong tu ziam?” ci in zo hi.

Jeremiah 1:6

“Vaanglianpipa Topa awng, kei thusonzia tu he bong; moi lei lai ing,” ci in ka zo hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Sawltakte 7:25

(Ama ngaisutna ah, a minampuite suatak natu in, Pathian in ama zangh tu hi ci in a mite in tel tu in um a, ahihang amate in a tel bua uh hi.)

Thukhente 6:17

Gideon in, “Kei dik nong sa le nang sia Topa na hi takpina tawm hong lak ta'n.