Pusuana 39:30 - Syin Chin Bible

³⁰ Amate in khamh ciitak taw Topa tungah ki aapna lim lakna thiangtho a hi, kizepna vawtin tua tungah, “Topa atu Kitavaw” ci in khen uh hi.

Pusuana 39:30 Iomraidhean Croise

Pusuana 26:36

“Puanbuk sung tumna puankhai tu in vancii, a sandup le a san samul taw a kitak thiamngelte taw a kizeam puanneal puankhai khat vawt in.

Pusuana 39:29

puanneal, vancii, a sandup le a san samul taw a kivawt thiamngel in a kizeam kawngkhau vawtsak hi.

Pusuana 39:31

Topa ii Moses tungah a thupiak bang tatakin amate in tua kizepna sia dial mai sangah vancii khau khat taw khii uh hi.

Zechariah 14:20

Tua hun ciangin siphu ngawlokte tung ngawngawn ah “Topa atu Kitavaw” ci kammalte ki at lai tu hi. Biakinn sung a an huanna bealte zongh biaknatau mai a kuangte bangma in thiangtho tu hi.

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 1:3

Ama in Pathian' minthanna ii vaangtaang hong lengsak a, ama sia Pathian ii hina zia bang tatak ma hi in, vaannuai bup ama ii a vaang nei a kammal taw khosak hi. Mihingte ii mawnate atu in mawmaitsakna a nga sak zawkciangin Vaanglianpipa Pathian ii ziatsang vantung ah to hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

Thupualaakna 5:10

Nangma in amate sia eima ii Pathian na a seam tu in kumpi thiampite ukna na suaksak zo a, tuaciang amate in leitung uk tu uh hi.”