Pusuana 39:1 - Syin Chin Bible

¹ A Thiangtho Mun ah thiampite na a sep ciang a silh tu in vancii, a sandup le samul san taw a tuanngen puansilhte vawt uh hi. Moses tungah a thupiak bangin amate in Aaron atu in thiampi puante vawt uh hi.

Pusuana 39:1 Iomraidhean Croise

Psalm Late 93:5

Topa awng, na thukhamte a tawntungin kho a, a tawntung a tawntungin na Biakinnpi sia thiangtho takpi hi.

Pusuana 25:4

puanneal, vancii, a sandup le a san samulpuan; kealmul taw kivawt puan;

Pusuana 26:1

“Kong ompuina Puanbuk, a thiangtho puanbuk sungsang sia vancii, a sandup, le a san tuumul taw a kitak puanneal bek sawm taw vawt in. Tua puante cherub limte taw zeam in.

Pusuana 28:5

Khutthiamte in vancii, a sandup, a san samul, khamh khau le puanneal phate zangh tu hi.

Pusuana 31:10

Aaron le a tapate ii thiampi a sep ciang a silh tu thiampi puan manphate,

Pusuana 35:19

Tuaciang Thiangtho Mun ah thiampite in na a sep ciang a silh tu a tuanngen, a et hoi puante — thiampi Aaron le a tapate atu puan thiangthote a vawt tu ahi hi.

Pusuana 35:23

Puan neal; vancii, a sandup, a san samul puan; kealmul puan; a san a kinimh tuutal ii vun; ahibuale savun neal paipui uh hi.

Pusuana 38:31

Doituam kiim le a tumna kongbiang tawdapte le Puanbuk le doituam kiimkot letna in a kizangh khetphin theampo ama in taau taw vawt hi.

Pusuana 39:41

tuaciang a Thiangtho Mun ah thiampite silh tu puansilh tuanngente — thiampi Aaron le a tapate atu in puan thiangthote hong paipui uh hi.

Ezekiel 42:14

Thiampite in Biakinnpi sung a tum zawkciang le a suum puanung ah a pai nop ciang, hi inndoite sungah Topa atu na a sep laitak, a silh puan thiangthote a nusiat kul hi. Ama te sia mipite kikhop na ah a pai ma in puan dang a sil uh kul tu hi”.

Ezekiel 43:12

Hi thu sia Biakinnpi thukham ahi hi: Biakinnpi omna mualdawn le a kiimkot mun theampo sia ciliaphuai in thiangtho hi,” ci hi.

Hebrew te 9:12

Christ in Thiangthobel Mun ah khatvei lian a tum zawkciang, ama in, kealte le khuitalte ii chi sia biakpiakna tu in a keng bua hi. Ama chisan piazaw in, ei atu in tawntung ngupna hong ngasak hi.

Hebrew te 9:25

Jew te Thiampi Lianbelpa in Thiangthobel Mun ah kum simin nganno chi taw tum hi. Ahihang Christ in ama le ama a kipia kikik bua hi,