Pusuana 36:2 - Syin Chin Bible

² Moses in Bazalel, Oholiab le Topa ii hi theina a piak khutthiamna a nei midangte le nasep a hu nuamte sam a, nasep kipan tu in sawl hi.

Pusuana 36:2 Iomraidhean Croise

1 Khangtaanghthu 28:21

Thiampite le Levi mite sia Biakinnpi sungah a nasep tute kiseesak zo hi. Thiamna namkim a nei naseamte sia nangma hong hu tu sia thalawp a, mite theampo le a lampuite sia nangma sawl babang seam tu in om uh hi,” ci hi.

1 Khangtaanghthu 29:5

Nasep thiamte ii vawt tu nate theampo atu zongh ka pia zo hi. Tu in akua dang in Topa tungah ngotakin pia nuam lai nu ziam?” ci hi.

Pusuana 25:2

“Kei tungah sumpi hong piak natu in Israel te son in. A pia nuam khat pawpo ii sumpite saang in.

Pusuana 25:40

Mual tungah kong lak ngealna sia bang tatak in, tua nate pha takin vawt in.

Pusuana 28:3

Keima na a seam tu in a ki aap thiampi khat a sua thei natu in thiamna ka piaksa khut thiam naseamte theampo samin Aaron ii puansilhte khui tu in sam in.

Pusuana 31:6

Ama taw naseam khawm tu in Dan minam sung pan Ahisamach ii tapa Oholiab zongh ka teal zo hi. Vawt tu in kong thupiak theampo a vawt thei natu in a dang khutthiamte zongh thiamna nasia tak ka pia zo hi:

Pusuana 35:10

“Note sung pan thiamna nei naseam mi theampo hong pai in Topa thupiak theampo vawt hen:

Pusuana 35:2

ni luk sung noma na, na seam tu uh a, ahizong ni sali ni sia ni thiangtho hi tu a, keima, na Topa atu a kikoituam, a ciliaphuai tawlngak ni hi tu hi. Tua ni in na a seam peuma kithatlum tu hi.

Pusuana 36:1

“Bezalel, Oholiab, le Puanbuk thianthosak natu a kisamh theampo vawt tu zia a he te, Topa ii thiamna le heaktheina a piak khutthiam dangte theampo in Topa thupiak bang linlianin na theampo seam tu uh hi,” ci hi.

Pusuana 36:3

Amate in Israel te ii Puanbuk thianthosak natu in a paipui piakkhiatna theampo Moses tung pan nga siat hi. Ahihang Israel mite in a piaksate zing simin Moses tungah pia tawntung lai hi.

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

Colossae te 4:17

Tuaciangin Archippus munah, “Topa nasepna sungah, na sep tu hong kipiate na zaw thei natu na son in,” na cisak vun.

Hebrew te 5:4

Thiampi lianbelpa za sia ama le ama kiteal a, a kipia kuama om ngeingawl hi. Aaron tungah a kipiak bangin — mihing khat sia Pathian ii samna bek taw thiampi lianbel kisuaksak hi.