Pusuana 34:9 - Syin Chin Bible

⁹ Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Pusuana 34:9 Iomraidhean Croise

Psalm Late 135:4

Ama in ama atu in Jacob teal a, ama aituam tu in Israel mite teal hi.

Psalm Late 25:11

Topa awng, na kamciam kipsak in a, ka mawnate hong maisak ta'n, banghang ziam ci le ka mawna tam mama hi.

Psalm Late 28:9

Topa awng, na mite hun in a, nangma neisate thupha pia in. Amate ii tuucingpa hi in a, amate keamcing tawntung in.

Psalm Late 33:12

Pathian sia Topa in a neite, minam lungdamte hi uh a, Ama ii mi tu in a teal sate sia mihing lungdamte ahi uh hi.

Psalm Late 78:62

Ama ii mite tungah ama thin uuk ahikom a ngalte in ama ii mite thatsak hi.

Psalm Late 94:14

Topa in a mite nusia ngawl tu hi; ama ii neisa mihingte taisan ngawl tu hi.

Pusuana 19:5

Tu in ka thu hong ni in ka thuciamnate na zui uh le keima aituam mite hi tu nu hi. Leitung buppi keima aa hi a, ahizong note sia keima tealtuam mite na hi tu uh hi,

Pusuana 32:9

Hi mihingte thinpuizia ka he hi.

Pusuana 33:12

Moses in Topa tungah, “Tua ngam ah hi mihingte lampui tu in nong sawlna thu thumaan ahi hi, ahizong kei taw a paikhawm tu sia nong son bua hi. Nangma in kei, nong telthiang a, dik kong sa hi nong ci zo hi.

Pusuana 34:7

Ka kamciamte khang tul tam mama te tungah ka len a, siatna le mawna ka maisak hi; ahizong a pate a nute mawnate hangin tate le tute tungah, khang thum khang li dongin daan ka pia tu hi,” ci in pualaak hi.

Isaiah 48:4

Na thinpui uh sia thik le taau bangin sak mama tu ci sia ka he hi.

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Zechariah 2:12

Judah mite khatvei ma ama ngam thiangtho sungah Topa ii nei tuam hong hi kik tu a, Jerusalem khua sia ama itbel khuapi hong hi kik tu hi.

Mi Simna 14:19

Tuaciang tu in Topa awng, a kikheal ngawl a lian, na itna taw kizui in Egypt ngam pan na pusuapui a kipan a mawna na maisak bangin, hi mite mawna na maisak natu in thu kong ngen hi,” ci hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Thuhil kikna 32:9

ahizong Jacob suan le paalte sia ama atu in teal hi.

Thuhil kikna 4:20

Ahihang note sia Egypt meikhuk linghna sung pan hong suatak mite na hi uh hi. Tuni na dinmun ahi, ama mihing na sua thei natu uh in note hong pusuapui hi.

Thuhil kikna 9:18

Tua zawkciang khatvei ma ni sawmli le zan sawmli sung, anne ngawl tuidawn ngawlin Topa mai lei ah ka bok kik leleau hi. Tuabang ka hina sia Topa tungah maw in a thin na uuksak uh hang ahi hi.

Thuhil kikna 9:26

Tuaciang keima in, ‘Vaanglianpipa Topa awng, na thahatna le na vaangletna taw Egypt pan pusua in, na suatak sa na mite mon heak in.

Thuhil kikna 9:29

Bangbang po ahitazong, hi mihingte sia nangma atu na tealsa te hi a, na vaangletna le na thahatna taw Egypt pan na pusuapui mihingte ahi hi,’ ci in thu ka ngen hi.