Pusuana 34:6 - Syin Chin Bible

⁶ Topa in Moses mai kaantan a, tuaciang ama samin, “Keima in mulkimna le hesuakna taw a kidim Topa Pathian khat ka hi hi, ka thin uuk hakin, itna lian le thumaanna a lakpa ka hi hi.

Pusuana 34:6 Iomraidhean Croise

Pianciilna 24:27

Ama in, “Ka topa Abraham ii Pathian, Topa kipok tahen. Topa in ka topa Abraham tungah a kamciam sia thumaan takin kholet zo hi. Ka topa Abraham ii beete kungah Topa in hong masuan hi,” ci hi.

2 Samuel 24:14

David in, “A heehuai mama dinmun ah om khi hi! Ahihang mihingte ii daan hong piak tu uuk ngawl khi hi. Topa khat bek ma ko daan hong pia tu pa hi hen, banghang ziam cile ama sia ngual hesuakna thin nei hi,” ci in zo hi.

1 Kumpite 19:11

Topa in ama tungah “Pusuak in a, mualdawn keima mai ah hong ding ta'n,” ci hi. Tua zawkciang Topa in kaantan a, vuipi nasia mama khat vasak in, mualnote kikhenthamsak a, suangtumpuite neenthamsak hi — ahihang tua vui sungah Topa om ngawl hi. Vui vak thim a, tua zawkciang zinliing hi — ahihang zinliing na sungah Topa om ngawl hi.

1 Kumpite 8:30

Kei ii thungetna le na mite ii hi mun maingat in thu hong nget ciang hong za ta'n. Vantung na inn sung panin hong za ta'n a, kote hong maisak ta'n.

2 Khangtaanghthu 30:9

Topa na zuan kik uh le na mealheakte, thong a taaksakte in amate khuangai huai sa in inn ah hong ciasak kik tu hi. Topa note Pathian dikin, ngual hesuak thei a, ama na zuan kik uh le ama in hong saang tu hi,” ci hi.

Nehemiah 9:17

Na thu ni nuam ngawl a; na nasep sate theampo amate in mangil uh hi, na vawtsa nalamdang laknate mangil uh hi. Saltanna Egypt ah a heakpui kik tu in, kiphatsakna taw amate in lampui khat teal uh hi. Ahizong nangma in maw maisak Pathian na hi a; thuthiamna le itna nei in na thin uai hi. Na hesuakna lian a; amate na nusia bua hi.

Psalm Late 108:4

Na itna kip in vantungte kalh hi; na thumaanna in vante ban hi.

Psalm Late 111:4

Topa in ama ii a lamdang a septe eite makngil tu a dei bua hi; ama dik a hesuak thei hi.

Psalm Late 111:8

Tuate in a tawntungin kikhomsuan hi; thumaan thutak le thutang taw a kipia ahi hi.

Psalm Late 112:4

Mihing phate, ngual a hesuak theite, a dikte le thutangte atu in khuazing sungah khuavak a taang hi.

Psalm Late 116:5

Topa sia hesuak thei a, pha hi; ih Pathian in khuangai huai hong sa thei hi.

Psalm Late 138:2

A thiangtho na Biakinnpi sang maingatin, kunin na min kong pok hi, banghang ziam cile itna kip le na thumaanna hang ahi hi, na min le na thupiaknate sia a lianbel in nong lak hang hi.

Psalm Late 145:8

Topa in itna le hesuakna nei a, thinsau in itna kip taw kidim hi.

Psalm Late 146:6

ama sia vantung, leitung le tuipi, tua teng sung a om theampo a Bitphuapa ahi hi. Ama in a kamciamte kholet tawntung hi;

Psalm Late 31:19

Nang hong upatte atu in a lamdang mama nate na khealsia hi! A kuama po in nangma bangza inpha ci sia hong he tek hi, nang hong muangte sia ngammuang takin na sungsiatna hong he uh hi.

Psalm Late 57:10

Na itna kip in vantungte ban hi; na thumaanna in van dong pha hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Psalm Late 91:4

Ama in a thakhuite taw nang hong uap tu hi; ama khoina sungah na ngammuang tu hi; Ama thumaanna in nang hong dal tu a, hong hung tu hi.

Pusuana 20:5

Milim khat pawpo mai ah kun heak vun, ahibuale bia heak vun, banghang ziam cile keima in Topa na Pathian ka hi a, hong demte ka dual bua hi. Kei hong ngaimawte le amate ii a suan a paalte tungah khang thum khang li dongin daan ka pia tu hi.

Pusuana 22:27

banghang ziam cile a khualumna tu in a neisun sia tua puanvan bek ahi hi. Ama bangdang silhin mutthip thei tu ziam? Ama in kei tungah hu ngen a, hong au ciang zo tu khi hi, banghang ziam cile ngual hesuak thei khi hi.

Pusuana 33:19

Topa in, “Note mai ah, ka phatna teng kong paipui tu a, noma omna ah ka min thiangtho kong thangsak tu hi. Keima in Topa ka hi a, mulkimna le hesuakna ka teal mite tungah ka lak hi.

Paunakte 3:3

Thuciipna le thumaanna thasua ngei heak in. Na ngawng kiimkot ah vet in a; na lungtang tungah at in.

Thuhilsya 8:11

Banghangin mihingte in ol vazeang in khutkhial ziam? Banghang ziam cile khut khialna sia man lalang in daan a kipiak ngawl hang ahi hi.

Isaiah 12:4

Mihingte in hi bang la a sak tu ni khat hong theng tu hi, “Topa tungah lungdamko vun! Nang hong hu tu in ama sam vun! Ama sep teng minam theampo tungah son vun! Ama bang zata lian ziam cisia mihingte tungah son vun!

Isaiah 65:16

Tua ngam sungah a om thupha a ngen pawpo in Thumaan Pathian ii thupha a piak tu in ngen tu uh hi. Kiciamna a la pawpo in Thumaan Pathian min taw kiciam tu uh hi. A bosa hunsung a ngimnate bomang tu a kimangil tu hi,” ci hi.

Jeremiah 32:18

Mihing tul tampi te tungah tawntung itna na lak zo a, ahihang a nu a pate ii mawna khialnate hu in mihingte daan na pia si hi. Nangma in a lian, a vaang nei Pathian na hi a; Vaanglianbelpa Topa na hi hi.

Jeremiah 9:24

Mihing khat pawpo in a kisathei nuam ahile, keima hong heakna le hong telna kisakthei pui tahen, banghang ziam cile ka itna in kipin kho a, thumaan le thutang ka seam hi. Hite sia ka thin hong nuamsakte ahi hi. Topa keima in ka ci zo hi,” ci hi.

Kaa late 3:23

zing khuavak bangin thak suak tawntung a, nisuak pealmaw bang ahi hi.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Micah 7:20

Taanghlai koma ii taanghpupite tungah na kamciam bangin Abraham le Jacob ii suan le paal na mite tungah na thumaanna le tatsat ngawl na itna na lak tu hi.

Nahum 1:3

Topa thin uuk papaih ngawl a, ahihang ama vaanglian in a maw a khial te daan pia ngawlin tha thong ngeingawl hi. Topa paina munah vuipi suangval va a; meeite sia a peang taw a sina pan a leang leivui khute ahi hi!

Mi Simna 12:8

Tua ahikom ama taw kimaingat in kam soaiheamte zangh ngawlin thiang takin ka paupui hi; a ma in ka pianlim ngawngawn hong mu hi! Ka naseampa Moses langpanin bangbang pau ngam nu ziam?” ci hi.

John 1:17

Pathian in Moses tungtawnin Thukham pia hi. Ahihang thuthiamna le thumaan thutak sia Jesus Christ tungtawnin hong pai hi.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

Thuhil kikna 32:3

Topa min ka pok tu a, a mite in a letna son tu uh hi.

Thuhil kikna 4:31

Ama in hong hesuak thei Pathian ahi hi. Note hong nusia ngawl tu a, hong mon ngawl tu a, na taanghpupite taw a vawt thuciamna mangil ngawl tu hi.

Thuhil kikna 5:10

Ahizong kei hong it a, ka thukhamte a zuite tungah ka itna khang tul tam mama dongin ka lak hi.

James 5:11

Amate sia mihing lungdamte hi ih ci hi, banghang ziam cile amate in thuak zo uh hi. Job ii thin sauna te na za zo uh a, a tawpna ah Topa ii piakkikna thu na he zo uh hi. Banghang ziam cile, Topa sia hesuakna le ciliapna taw kidim hi.