Pusuana 34:15 - Syin Chin Bible

¹⁵ Tua ngammite taw thukimna khote bangma vawt heak vun, banghang ziam cile doai biate ii pathiante tungah sangaw biakpiakna a nei ciang, pathian biakpiakna an ne tu in hong sam tu a, note hong ze et tu hi.

Pusuana 34:15 Iomraidhean Croise

1 Khangtaanghthu 5:25

Ahihang hi mite in a taanghpupite ii Pathian tungah thumaan ngawlin a ngam pan Pathian ii a nawkeak minamte ii pathiante bia tu in Pathian taisan uh hi.

Ezra 6:9

Jerusalem ah a om thiampite ii ni simin kisamh hi hong ci pawpo peal ngawlin pia tu nu hi: vantung Pathian tungah meihal biakpiak natu in khuitalnote, tuute ahibuale tuunote ahibuale zungtaang, ci, sapittui ahibuale olive thau ahi hi.

Ezra 9:12

Amate hong cina pan, tua ngam sungah nuamsa in na suan na paalte in a tawntung na luasak nuam uh le tua mite taw na kiteangthaang ngei buatu uh a, a khanto natu le a matut natu in hu ngeingawl tu nu hi, hong ci hi.

Psalm Late 106:28

Tuaciang Peor ah Pathian ii mihingte in Baal biakna pawm uh a, nuntakna nei ngawl pathiante tungah a kipia sangaw biak piaknate ne uh hi.

Psalm Late 73:27

Nang hong taisante lalcip nanak tu a; nang tungah hong thumaan ngawlte na susia tu hi.

Pusuana 22:19

“Nganhing khat taw a khialpa peuma kithatlum tu hi.

Pusuana 22:20

“Keima., Topa simngawl, pathian dang tungah sangaw biakpiakna a vawt peuma kithatlum tu hi.

Pusuana 23:32

Amate taw ahizong a pathiante taw ahizong thukimna peuma vawt heak vun.

Pusuana 32:8

A zui tu in ka thupiak lampi pan pial zo hi; khamh khuital vawtin bia uh a, sangaw biakpiakna pia zo uh hi. Amate in hisia Egypt pan a pusua pui amate ii pathian hi ci uh hi.

Pusuana 34:10

Topa in Moses tungah, “Tu in Israel mite taw thuciamna khat ka vawt hi. Hi leitung minamte sungah a kivawt ngeingawl na thupite amate mai ah ka vawt tu hi. Keima, Topa ii na thupi ka vawt theinate mihing theampo in hong mu tu uh hi, banghang ziam cile note atu in nalamdang khat ka vawt tu hi.

Pusuana 34:12

Na thetna ngam ah a teang mihingte taw thukimna khote vawt heak vun, banghang ziam cile tuasia in note atu in thi theina thaang suak tu hi.

Jeremiah 3:9

a maizum ngawl het hi. Ama in ngam ninsak hi, suangtum le thingkungte a biakna taw in palngul khialna vawt hi.

Hosea 4:12

Amate in thingbek khat tung pan thupualaakna dongh hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate ii pathian dangte tungah ki aap zo hi.

Hosea 9:1

Israel mite awng, na poaipite lawkite bangin khaam heak vun. Note in na Pathian nungngat in, ama tungah thumaan nawn ngawl zo nu hi. Ngamsung mun theampo ah pumpi kizuakte bangin Baal pathian tungah noma le noma kizuak in, ama ii hong kithapna hi na ci uh lo ante iip la nu hi!

Thiampite 17:7

Israel mite in Topa tungah hong thumaan in, lo sung keal doaite biakna in sa ngo nawn ngawl tu hi. Israel mite in maisang hun theampo ah hi ngeina zui tu hi.

Mi Simna 15:39

Puanteapkaaite in nung thu hong phawksak kik tu a, tuate na mu simin, ka thupiakte theampo phawk kikin na zui tu uh hi; tua sia ciang note deinate le uuknate zui nuam ngawlin, kei nong taisan buatu uh hi.

Mi Simna 25:1

Israel te Acacia Kuam ah ngiaphual a saat lai in, pate in tua munah a om Moab numeite khialpui uh hi.

Mi Simna 25:2

Tua numeite in Moab pathian a kibiakna mun sangaw biakpiakna poai ah amate sam uh hi. Israel te in an ne in,

Sawltakte 15:20

Tua hi ngawl zawin, amate tungah lai ih thaak tu a, milim biakna in a kizak hu in a thiangtho ngawl ante a neak ngawl natu; numei le pa khialna panin, a kikep natu; nganhing a tawl kimeaklumte sa a neak ngawl natu le sachi neak ngawl natu, lai thaakin ih son tu hi.

1 Corinth te 10:27

Thu um ngawl khat in an ne tu in hong sam a, pai na sawm le thin nopmawkna taw bangma dongh se ngawlin na mai ah hong kilui po ne in.

1 Corinth te 8:10

Sonteena in hi thu huvau ah “heakna” a ci sia a nei note ii milim biakbuk ah na anneak uh, ngaisutna thazawm mihing khat in hong mu tu ci leang; tuasia in milim biakna ah a kizangh an a neak ngam natu in thapia suak ngawl tu nu ziam?

1 Corinth te 8:4

Tua ahiciang, milim biakna in a kizangh an neakna huvau ah: milim ih ci sia a om takpi ngawl khat ii taang ahi sia ih he hi; eite in Pathian khat bek om ahi hunlam ih he hi.

1 Corinth te 8:7

Ahihang hi thumaan thutak sia mihing sim in he ngawl hi. Tuni dong ma mihing pawlkhat te in milimte huvau ah kingeinasee zo a, tua a piaksa an a neak uh ciang milim khat ii neisa an ne bangin kingaisun lai uh hi; amate sia thu tel zo ngawl ahikom, tua an in amate ninsak ci in ngaisun uh hi.

Thuhil kikna 31:16

Topa in Moses tungah, “Thi pal tu ni hi, na thi zawkciang mihingte kei tungah hong thumaan ngawl tu a, amate taw ka vawt thuciamna sia palsat tu uh hi. Amate in kei hong taisan tu a, a tum natu ngamsung doai biate ii pathiante bia tu uh hi.

Thuhil kikna 31:18

Tuasia hun ciang amate ka hu buatu hi, banghang ziam cile amate a sia in ngamta zo a, pathian dangte bia uh hi.

Thuhil kikna 32:37

Tuasia ciang Topa in a mite tungah, ‘Na suan na muan tua a thahat pathiante koisungah om ziam’ ci in dongh tu hi.

Thuhil kikna 32:38

Noma in na sangaw biakpiakna sathau taw amate na vaak uh a, a neak tu in sapittui na pia uh hi. Tu in amate hong hu tu in paisak vun. Noma hong suatak tu in delsak vun.

Thuhil kikna 7:2

Topa na Pathian in, hi mite na khutnuai ah hong koi a, noma in na zaw uh ciang a vekpi that nanak tu nu hi. Amate taw kipawlna vawt heak vun a, hesuak peuma heak vun.

Thuhil kikna 7:3

Amate kuama teenpui heak vun, tuaciang na tate in amate kuama teenpuisak heak vun,

Joshua 23:12

Na thumaan bua uh a, no sungah a taanglai minamte taw kipawlkhawm in na kiteang uh le,

Thupualaakna 2:20

Ahihang nang kong mawsiat nopna pan: Pathian naseam khi hi ci in a kivawttawm Jezebel numeinu sia dual ni hi. Ama hilna taw ama in ka naseamte lamkhialsakin, milim biakna ante neakna le, numei le pa paktatnate vawtsak hi.

Thukhente 2:17

Ahihang Israel te in a lampuite sia awlmawk vawt ngawl uh hi. Israel te Topa tungah thumaan ngawlin pathian dangte bia uh hi. Amate ii pate in Topa thupiakte ni hi, ahihang hi khangthakte in thu ni nawn ngawl paih uh hi.

Thukhente 3:6

Amate sia tua mite taw kiteang tetekin, a pathiante bia uh hi.