Pusuana 34:13 - Syin Chin Bible

¹³ Tua luangin a biaknataute baltham in, a khuam thiangthote lalcipsakin numeipathian Asherah milimte saattan vun.

Pusuana 34:13 Iomraidhean Croise

1 Kumpite 14:15

Topa in Israel daan pia tu a, tuaciang lui sungah pumpate bangin ngawk tu hi. A taanghpupite tungah a piaksa hi leitang phate tung panin ama in Israel mite zunglok tu a, Euphrates ngun kalhin thethaang tu hi, banghang ziam cile amate in Asherah numeipathian sia ii limte a vawt hu in ama a thin uuksak hi.

2 Kumpite 10:27

Tuabangin amate in a thiangtho khuam sia susia in biakinn zongh susia uh a, a biakinn sia eakbuk suaksak uh hi, tu ni dong ma in tuabangin om lai hi.

2 Kumpite 18:4

Ama in doai biate ii biakpiakna munte sutham hi, suangkhuamte sutan in, tuaciang numeipathian Asherah limte zongh sattan siat hi. Moses ii vawt taau ngul, Nehushtan a kici sia zongh sutham hi. Tua hun dong sia Israel mite in tua taaungul upat vawtna in ngimnamtui hal uh hi.

2 Kumpite 23:14

Kumpipa Josiah in suangkhuamte vaattan in, Asherah numeipathian tepteena limte zongh sattan a, tuaciang tuate ii dinna mun sia mithi ngute taw siin hi.

2 Khangtaanghthu 14:3

Ama in ngamdangte biaknataute le a doai sepna mun te phiat a, biakna suangkhuam te saattham in a numeipathian Asherah ii limte phuktan hi.

2 Khangtaanghthu 15:16

Asa kumpipa in a pi Maacah sia ta a neisak thei Asherah numeipathian milim kiihuai khat a vawt hu in ama ii nu, kumpinu a hina pan heam hi. Asa in tua milim phuktanin ektham a, Kidron kuam sungah a bek teng haltum hi.

2 Khangtaanghthu 17:6

Ama in Topa na a sep sia ki angtang in Judah ngam sungah doai sepna munte theampo le Asherah numeipathian limte zongh sumai hi.

2 Khangtaanghthu 24:18

Tua ahikom, mipite in a taanghpupite ii Pathian, Topa Biakinnpi sungah biakna vawt nawn ngawlin milimte le Asherah numeipathian limte bia tu kipan uh hi. Hi mawna khialna a vawt nate taw Judah le Jerusalem tungah Topa thin uuksak hi.

2 Khangtaanghthu 31:1

Tua poai a man zawkciang Israel mite theampo Judah khuapi teng ah pai a, suangkhuamte sutan in Asherah numeipathian ii limte phuktan in biaknatau te le doai sepna munte sutham hi. Amate in a taanglai Judah ngam theampo, tuaciang Ephraim, Benjamin le Manasseh ngamte ah tuabang ma in vawt hi; tua zawkciang amate inn zuan kik siat uh hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

Pusuana 23:24

Amate ii pathiante mai ah kunin bia heak vun, amate ii biakna ziate zui heak vun. A pathiante suksiat sakin a suangkhuam thiangthote sutham vun.

Isaiah 17:8

Amate in a khut uh taw a vawttawm biaknataute suang nawn ngawl tu a, ahibuale a khut vateak taw a vawt sa — Asherah numeipathian limte le ngimnamtui halna taute muang nawn ngawl tu hi.

Isaiah 27:9

Ahizong, Israel te ii mawnate sia, lawkite ii biaknatau suangte, leikaang bangin a kingoaicip zawkciang le Asherah numeipathian lim te a bo zawkciang, le ngimnamtui halna biaknataute a om nawn ngawl ciang bekin, kimaisak bek tu hi.

Jeremiah 17:2

Na mite sia numeipathian Asherah atu in ngamsung thingkung hing theampo ii kung, mualno dawnte

Micah 5:14

Na ngam sungah a om numeipathian Asherah milimte ka kaivawk tu a, na khuapite ka susia tu hi.

Mi Simna 33:52

ngam sungah a teangte theampo notkeak nanak tu nu hi. Amate ii suang le leisung sumpiang taw a vawt milim theampo le a biakna mun theampo susia vun.

Thuhil kikna 16:21

“Topa na Pathian atu in biaknatau na vawt ciang, a kungah thing taw a kivawt Asherah numeipathian lim khat koi heak vun.

Thuhil kikna 16:22

Tuaciang milim biak natu in suangkhuam khat pawpo na phut heak vun; Topa in tuate ngaimaw hi.

Thuhil kikna 7:5

Tuabang ahiciangin amate ii biaknataute baltham vun, a suangkhuam thiangthote saattham vun, a numeipathian Asherah lim zentham in, a milimte haltum vun.

Thukhente 2:2

Hi ngam a teang te taw thuciamna vawt ngawl het tu nu hi. Amate biaknataute na baltham nanak tu uh hi,’ ka ci hi. Ahihang kong sawl bangin na ngamta bua uh hi. A lee lalam in na ngamta uh hi!

Thukhente 6:25

Tua zanin Topa in Gideon munah, “Na pa khuital le khuital dang khat la in a, na pa ii Baal biaknatau sia baltham in, tuaciang a kung a om Asherah numeipathian ii lim sia zongh phuktan in.

Thukhente 6:26

Topa na Pathian atu in biaknatau khat leivum tungah a pha takin sa in. Tuaciang khuital a niina sia la in, biakpiak na in a bup in hal in, Asherah thingngel na phuktan sia thing in thut in,” ci hi.