Pusuana 34:12 - Syin Chin Bible

¹² Na thetna ngam ah a teang mihingte taw thukimna khote vawt heak vun, banghang ziam cile tuasia in note atu in thi theina thaang suak tu hi.

Pusuana 34:12 Iomraidhean Croise

1 Kumpite 11:2

Topa in Israel te sia hi mite taw a kiteen ngawl natu thupia hi, banghang ziam cile tua mite in Israel mite sia pathian dangte tungah thumaan zaw tu ahi hang hi, tua hi napi ama in amate teenpui hi.

2 Kumpite 17:10

Mualtung theampo le thinglim nuai sim ah, Asherah numeipathian ii milim le suangkhuamte phut uh hi,

2 Khangtaanghthu 24:18

Tua ahikom, mipite in a taanghpupite ii Pathian, Topa Biakinnpi sungah biakna vawt nawn ngawlin milimte le Asherah numeipathian limte bia tu kipan uh hi. Hi mawna khialna a vawt nate taw Judah le Jerusalem tungah Topa thin uuksak hi.

Psalm Late 106:36

Pathian mite in milim bia uh a, tua in amate lalna piangsak hi.

Mi Simna 33:52

ngam sungah a teangte theampo notkeak nanak tu nu hi. Amate ii suang le leisung sumpiang taw a vawt milim theampo le a biakna mun theampo susia vun.

Thuhil kikna 20:18

A pathiante a biak ciang a kiihuai nate sep tu hong hil na taw, Topa tungah a maw na sua ngawl natu in amate thatlum siat vun.

Thuhil kikna 31:5

Topa in amate hong zosak tu a, kong sonsa bang linlian in amate na vawt tu uh hi.

Thuhil kikna 7:16

Topa na Pathian ii na khut sungah hong piak minam theampo mon vun, hesuak heak vun. A pathiante bia heak vun, banghang ziam cile thitheina piang tu nu hi.

Thuhil kikna 7:2

Topa na Pathian in, hi mite na khutnuai ah hong koi a, noma in na zaw uh ciang a vekpi that nanak tu nu hi. Amate taw kipawlna vawt heak vun a, hesuak peuma heak vun.

Joshua 9:7

Ahihang Israel te in, “A banghang peuma no taw kilemna kamciam kho khat vawt tu khu ziam? Note sia a nai no na ah a teangte po hi tha thei tu nu hi,” ci uh hi.

Thukhente 6:10

Keima in Topa na Pathian khi hi, tuaciang tu in amate ngam ah na teen uh laitakin Amor te ii pathiante na bia buatu uh hi, kong ci hi. Ahihang kei nong nadon bua uh hi.”

Thukhente 8:27

Gideon in khamh milim khat vawt a, a pianna khua Ophrah ah koi hi. Israel te theampo in Pathian nusia in tua munah milim bia tu in pai uh hi. Tuasia in Gideon le a bangkua atu in thaang khat hong suak hi.