Pusuana 34:10 - Syin Chin Bible

¹⁰ Topa in Moses tungah, “Tu in Israel mite taw thuciamna khat ka vawt hi. Hi leitung minamte sungah a kivawt ngeingawl na thupite amate mai ah ka vawt tu hi. Keima, Topa ii na thupi ka vawt theinate mihing theampo in hong mu tu uh hi, banghang ziam cile note atu in nalamdang khat ka vawt tu hi.

Pusuana 34:10 Iomraidhean Croise

2 Samuel 7:23

Nangma mi tatak a suak tu in na suatak Israel bang peuma leitung ah a dang minam om ngawl hi. Amate atu in na vawt a lian le a lamdang nate in na minthanna leitung buppi kizelsak hi. Egypt ngam pan nangma mi tu in na suataksak na mite maisang a nawk ciangin minam dangte le a pathian te na notkeak hi.

Psalm Late 106:22

Tua munah ama in bang a lamdang nate vawt ziam! San Tuipi ah ama in bang a lamdangsak huaite vawt ziam!

Psalm Late 136:4

Ama bek in nalamdang lakna liante vawt hi; ama ii itna kip tawntung hi.

Psalm Late 145:6

Mihingte in a lianpi na sepnate son tu a, na letna ka thangsak tu hi.

Psalm Late 147:20

Ama in minam dangte tungah hi bangin a seam bua hi; amate in ama thukhamte a he bua uh hi. Topa pok vun!

Psalm Late 65:5

Zawna nong piakna taw kote ngetna nong zo a, ko nong ngup natu in nalamdangte na vawt hi. Leitung bup mihingte le a khuala tuipi ngal khat ah a omte in nang hong muang hi.

Psalm Late 66:3

Pathian mun ah, “Na sep na vawtte bangza in lamdang ziam! Na vaangletna in lian lawlawm a, na ngalte in kiitakna taw na mai ah kun uh hi.

Psalm Late 66:5

Hong pai tavun a, Pathian sepna sate, mihingte atu a lamdang a septe hong en tavun.

Psalm Late 68:35

Israel te ii Pathian a thiangtho inn pan hong pai ciangin bangza in kiitakhuai ziam! Ama in thahatna le vaangletna a mite tungah pia hi. Pathian pok vun!

Psalm Late 72:18

Israel te ii Pathian, Topa pok vun! Ama bekma in hi nalamdangte vawt hi.

Psalm Late 76:12

ama in a kiphasak kumpipa tapate kiniamkhiaksak in, kumpi liante sia lausak vadil hi.

Psalm Late 77:14

Nangma in nalamdang a vawt Pathian na hi hi; na thahatna sia minam tuatuamte tungah na lak hi.

Psalm Late 78:12

A taanghpupite ii mu tangin Egypt ngam Zoan zaangleitam ah Pathian in nalamdang laknate vawt hi.

Pusuana 34:27

Topa in Moses tungah, “Hi kammalte at in, banghang ziam cile nangma le Israel mite tungah thuciamna ka vawt sia, hi kammalte kibulphu hi,” ci hi.

Pusuana 34:28

Tualai ah Moses an le tui ne ngawlin, sun sawmli le zan sawmli sung Topa taw omkhawm hi. Moses in Thupiak Sawmte ahi- thuciamna kammalte suangpheak tungah at hi.

Isaiah 64:3

Nong pai lai in kote muanmawk khol ngawl, a lauhuai nate na vawt hun khat om hi; mualte in nang hong mu in, hong kiita in liing uh hi.

Jeremiah 32:21

Ih ngalte a patausak nalamdang le a tumdang nate lakna taw in Egypt ngam panin Israel na mite na paipui natu in na vaangletna le na thahatna na zangh hi.

Micah 7:15

Topa awng, Egypt pan nong pusuasak lai hun a na vawt bangin kote atu in nalamdangte vawt in.

Thuhil kikna 10:21

Ama pok vun — ama na Pathian uh hi a, noma atu a vawt a lian le a lamdang nate na mit mama uh taw mu nu hi.

Thuhil kikna 32:30

Banghangin mi khat in tulkhat zo a, mi nii bek in tulsawm zo thei ziam? Topa a Pathian in amate nusia zo hi; a thahat Pathian in amate koithong zo hi.

Thuhil kikna 4:13

Ama in note taw thuciamna a vawt sia na kep natu in bang vawt hamtang tu nu ziam ci in hong son hi — tua in suangpheak nii tungah a at Thupiak Sawmte na zui hamtang tu uh ahi hi.

Thuhil kikna 9:19

Note hong lalcipsak tu za dongin a thinso ahikom Topa ii thin uuk mama na sia ka kiita hi; ahizong khatvei ma Topa in ka thu hong ngai kik hi.

Joshua 6:20

Tua ahikom thiampite in lemle tum hi. Mipite in tuasia a zaak poma ciang nging takin au uh a, tuaciang luphung pangte cimhtham hi. Tuaciang ngalkap hon bup sia a maisan tek mual tungah kaato in khuapi sungah tum a, tua khuapi la uh hi.